صدى البلد ترصد أشهر هتافات الميادين..النهضة: يا إعلام "أبو حملات" فسادكوغطى وساد"التحرير: بوسة قوية برده هنلغى التأسيسية

ما بين مليونية " حلم الشهيد" أمس فى ميدان التحرير و مليونية "الشريعة والشرعية" اليوم بميدان النهضة أمام جامعة القاهرة كانت تضوي الهتافات فى سماء ميادين مصر .
الكل اختار ما يعبر عنه عن طلباته ورغباته السياسية ، التحرير عن رفضه للتأسيسية والصلاحيات المطلقة ، والنهضة عن تأييده المطلق للرئيس وللإعلان الدستوري فلم تقتصر المليونيات فقط على الحشد ولكن جاءت الهتافات معبرة .. صدى البلد ترصد أشهر هتافات المصريين فى الميادين خلال أزمة الإعلان الدستورى .
أشهر هتافات النهضة ..
- ألف سلامة ألف تحية .. تحيا تحيا التأسيسية
- يا تهانى قولى للزند .. إحنا في مصر مش في الهند
- أرفع كل رايات النصر.. مرسى خلاص هيطهر مصر
- يا دى الذل ويادى العار .. الفلول عاملين ثوار
- الدربندح الدربندح .. رئيسنا مرسى هو الصح
- الدرب النو الدرب النو .. رئيسنا مرسى أكل الجو
- يا مرسى خد قراراك.. الرجالة في انتظارك
- يالميس يا لميس .. غصب عنك مرسى رئيس
- صوتى ياااا تهانى .. الثورة رجعت تانى
- الشعب يريد تطهير القضاء
- يلا يا مرسى وإحنا معاك .. الشعب المصري كله وراك
- لا برادعي ولا صباحي .. إحنا شعب واعي وصاحي
- وحياة دمك يا شهيد .. لنجيب حقك من جديد
- سامع أم شهيد بتنادي.. الرئيس مرسى جاب حق أولادي
- مرسى مرسى قالها قوية.. مش هنلغى التأسيسية
- لا شرعية ولا غربية مصر هتفضل إسلامية .. رغم أنف العلمانية
- يلا يا مرسى قولها قوية .. القرارات كلها ثورية
- ثوار أحرار بنأيد القرار
- يا أعلام أبو حمالات.. أنتو فسادكو غطى وساد
- لف ودور لف ودور .. بكره يا زند عليك الدور
- أطبخي ياااا تهاني .. فى إعلان دستوري تانى
- عيش حرية شكرا تأسيسية
- يلا يا مرسى ثور ثور خلى الشعب يشوف النور
أشهر هتافات التحرير ..
- حضن كبير بوسة قوية برده هنلغى التأسيسية
- بلغ بلغ للعريان .. مش هنسلم للإخوان
- يسقط يسقط .. حكم المرشد
- طفى النور يا بهية .. الإخوان حرامية
يا بلتاجى يا مغرور الإخوان سرقوا الدستور
- يا بلتاجى لف ودور .. بطل بس تعيش في الدور
- مش هنبيع مش هنبيع .. مش هيحكم فينا بديع
- بيع بيع بيع .. الثورة يا بديع
- أمسك .. إخوان
- يسقط الشاويش والدارويش
- أشهد يا محمد محمود .. كنا ديابه وكنا اسود
- اعتصام اعتصام .. حتى يسقط الإعلان
- افعل ما شئت سترحل كما جئت
- التأسيسية باطل .. إعلان دستوري باطل
- يا بلدنا ثوري ثوري .. مش عايزين إعلان دستوري
- حلق حلق حوش .. مشروع النهضة طلع فانكوش
- عيش حرية إسقاط التأسيسية
- قالوا حرية وقالوا عدالة .. البس أسود ع الرجالة
- يا مبارك نام و أتهنى .. انت وراك ولاد " البنا "
- المرة دى بجد .. مش هنسبها لحد
- يا حرية فينك فينك .. حكم المرشد بينا وبينك
- لو حق جيكا ما جاش .. يا شعب ما تلومناش
- جيكا جيكا يا ولد .. دمك هيحرر بلد
- ياللى بتسأل احنا مين .. إحنا نصارى ومسلمين
- عبد الناصر قالها زمان .. الإخوان مالهمش أمان
- أيو بنهتف ضد المرشد .. أيو بنهتف ضد المرشد
- متعبناش .. متعبناش .. الحرية مش ببلاش
- مصر يا أأأم .. ولادك أهم
- ديكتاتور .. ديكتاتور .. وانت يا مرسى عليك الدور
- الله حى .. الله حى .. صوت الثورة جى جى
- دستور .. ما دستورشى .. المرشد ما يحكمشى
- أحلق دقنك وأغسل عارك .. طلع وجهك وجه مبارك .