محمود سعد ل " مرسي : خليها على الله مش لازم يكون معاك جيش ..و حسبي الله في المرشد

عبر الإعلامي " محمود سعد " عن استيائه مما أسماه "تأليه" الرئيس محمد مرسي خلال زيارته لمحافظة أسيوط أمس، التي شهدت موكبا ضخما للرئيس في حراسة ما يزيد على 7 آلاف عسكري، متسائلا: "إنت خايف من إيه؟ خليها على الله, طبيعي يكون فيه أمن، بس مش لازم يكون معاك جيش".

وأضاف سعد خلال حلقة الأمس من برنامجه "آخر النهار" على فضائية النهار "الرئيس طيب ويريد أن يبني، وينصت جيدا للآخرين، لكننا بذلك نصنع فرعونا جديدا، ده حكم الدين؟، الدين بيقول كده؟، بلاش التهليل ده ومتعودوش الراجل على كده لأنه مننا".

وتعجب سعد من تصريحات الرئيس مرسي الخاصة بفتح حساب بالبنوك للفاسدين الراغبين في التطهر، وقال "لو أنا عاوز اتبرع لمصر وأحط فلوسي في الحساب ده.. أبقى حرامي؟". وتابع سعد "ربنا بيقبل التوبة، لكن دي حكاية مش معروفة تفاصيلها، المفروض يكون هناك هيئة لدعم مصر وكلنا على استعداد لذلك، بس ندفع إزاي والفلوس هتروح فين؟".

و سخر سعد من مقطع فيديو يظهر فيه المرشد العام للإخوان المسلمين أثناء أداء فريضة الحج وسط حراسة مشددة، مكتفيا بقوله: "حسبي الله ونعم الوكيل".