إفرسها بدل ما تحرق دمك !

نيفين حجازى
مساء الخير أستاذتنا الصراحة اتجرأت أخيرا وقلت ابعت مرة كلي حرج لكن مفيش مشكلة أهو الناس تستفيد من القرف اللي الواحد بيعاني منه , ندخل في الموضوع .. انا مشكلتي مع مراتي انا بغتبرها استاذة ورئيسة قسم في الإستفزاز والشك حياتنا قلبت غم من بعد الجواز بحوالي 6 شهور بسبب الموضوعات دي فآخر ما زهقت قلت أنكد على نفسي ليه واحرق دمي وانا فعلا مش عامل حاجة غلط ! فأخدت قرار بإن كل ما مراتي تتهمني بحاجة أأكد على اللي بتقوله وبدون دخول في مناقشة فتفضل تبرطم بكلمتين وتتئمص بقيت اليوم وموضوع القمص ده خلاني اتنبه لحاجة هايلة وهية اني بترحم من الزن بقيت اليوم والله لو فضلت زعلانة كذا يوم ده معناه اني هعيش مرتاح كذا يوم ! .. والله يا جماعة انا لقيت راحتي ولو مؤقتة في الموضوع ده وانا بنصح بيه الجميع اللي زي حالتي , جربوا يمكن تصيب وتتهنوا , عارف ان ده مش الحل الجذري للموضوع لكن أهو عقبال ما الواحد يشوفله صرفة .. ودلوقتي سلامو عليكم .
أيمن
فضفضة
محررة الصفحة .. نيفين حجازي
معلش يا أستاذ أيمن أنا آسفة على الرد اللي هصدمك بيه حالا .. من الواضح ان حضرتك شرير شوية .. ولا بتهيألي ؟