السادات : لن أهرب خارج مصر .. وسأظل أدعم شفيق

قام الدكتور عفت السادات رئيس حزب مصر القومي , بالرد على ماتم نشره على الفيس بوك من الشائعات التى خرجت امس بعد مؤشرات تقدم مرشح جماعة الإخوان فى انتخابات الرئاسية والتى أشارت خطأ لأن الدكتور عفت السادات سيهرب لخارج مصر وأنه يفكر فى الإستقاله من نادى الإتحاد وانه مكتئب وأنه سينضم للإخوان .

؛و قال السادات لبوابة الفجر " من البداية وكان لينا موقف وفضلنا نعلنه اننا بندعم الفريق شفيق ولا زلنا حتى الآن ندعمه حتى اعلان النتيجة الرسمية من اللجنة العليا للإنتخابات وايا كانت النتيجة سنبارك للفائز وسنعترف بشرعيته فى شكل حضاري ، نرفض الإقصاء ونرفض الترهيب وبنرفض لغة الصوت العالى " .

و تابع ",انا موجود فى مصر وتليفونى مفتوح وبرد على كل الناس ومعنديش اى نية ان اقدم استقالة سواء من نادي الإتحاد او من حزب مصر القومي الى بشرف برئاستهم " .

واستطرد " بإذن الله هفضل موجود فى مصر ووجودي مش مرتبط بشخص معين لأن الحمد لله مفيش اى حاجة اخاف منها وفخور انى مصري وانى انا وولادي مصريين ولا نحمل جنسية اى دولة اخري وان شاء الله زي ما عشت هنا انا وكل اهلى ان شاء الله هموت هنا " .