والد نيرة ضحية زوجها : جوز بنتي حاول يقتلها وهربت منه للتجمع

"جوز بنتي حاول من 3 سنين يموت نيرة بنتي، وراح جاى خنقها بس البنت هربت منه وجت على بيتى في التجمع الأول ولما سألته عملت كدة لية قالى ان هو مش ها يعمل كدة تاني"، تلك كانت اقوال والد نيرة التي لقيت مصرعها على يد زوجها في بدر.
وجاءت أقوال والد الضحية كالآتي:
س: وما هي آخر مرة ابصرت فيها المجنى عليها؟
ج : من حوالي خمس شهور لما جاتلى البيت وكانت بردوا زعلانه منه لأنه كان مانعها تزورني وآخر مرة كلمتها من حوالي أسبوع قبل ما تموت والدنيا كانت كويسة
س : وما هي كيفية وفاة كريمتك / نيرة ياسر محمد ؟
ج :هو انا عرفت من امين الشرطة هناك في المباحث انه حنقها بايده
س : وكيف نما الى علمك بحدوث الوفاء ؟
ج : يوم الخميس إللى فات 2024/8/29 لقيت أبو رمضان بيكلمني وبيقولى رمضان قتل نيرة ولما قلتله قتلها ازاى
وليه قالي ما اعرفش انا قولتلك كذا مرة ما ترجعش بنتك لية
س : ومتى تحديدا اخبرك سالف الذكر وكذا كيفية معرفته ؟
ج : حوالي الساعة 9 بالليل وانا داخل أصلي العشاء
س : وما هي كيفية معرفة سالف الذكر بالواقعة ؟
ج : انا ما عرفش.
وكشفت تحقيقات النيابة العامة عن تفاصيل أقوال المتهم حيث قال ":اللي حصل إن انا متجوز نيرة بقالي 3 سنين وربنا كرمنا بولد وبنت، "يونس واحسان" وانا اتجوزت مراتي وكنا عايشين في المنيا وبعد كده حصل مشاكل في بيت العيلة عندنا فأبويا قالي خد مراتك واطلع على القاهرة فأنا جيت على التجمع الأول وأجرت شقة جمب أهل مراتى لأنهم ساكنين هناك واشتغلت اى حاجة تجيب فلوس حلال عشان خاطر اكفى بيتي و برضه مكنش عاجب مراتي وأهلها وكانوا دايما بيستهزأوا بيا وبعيروني عشان خاطر هما معاهم فلوس كثير".
وتابع، بعد كده طلبت منى إن أنا اجيبلها شقة ثانية وانا كنت شغال وقتها غفير في مدينة بدر وكنت شغال برضه سواق على ميكروباص عشان خاطر أحسن دخلي و فعلا رحت دفعت عربون ايجار شقة في الكيلو 4 ونص مدينة نصر وثاني يوم وانا في الشغل لقيت واحد صاحب حمايا بيكلمني وبيقولى إن بنتى احسان ماتت فأنا جريت بسرعة ولما سالتهم هي ماتت ازاى معرفتش أخد منهم حق ولا باطل وبعدين وأنا رايح أدفنها عندنا في المنيا ببص على بنتى لأول مرة لقيت في خرابيش في وشها ولما سألت أهل مراتي لقيتهم مسكوا فيا ورفعوا عليا عصايا فأنا من ساعتها قولت أنا لازم أجيب حق بنتي وانتقم من مراتي واقتلها زى ما قتلت بنتي والكلام ده كان من حوالي 5 او 6 شهور لما بنتي احسان ماتت ومن ساعتها وأنا بفكر ازاى انتقم لبنتي واقتل مراتي وحاولت أعمل الموضوع ده أكثر من مره بس فشلت من ضمنهم مرة بعد ما بنتى ماتت علطول كنت سايق الميكروباص بتاعي وكنت رايح على السلام بالليل ركب معايا شاب معرفوش وقابلنا كمين ولقيته بيقولى إنه معاه خنجر قولتله هاته متخفش ولما عدينا من الكمين خدته منه واديته 500 جنيه وفضلت شايل الخنجر معايا عشان خاطر اخد حق بنتي".
واستطرد، بعدها بكام يوم مراتي كانت عند أهلها لفيت من وراها عشان خاطر اقتلها بس مقدرتش و بعد كده خدتها وجيت عشت انا وهي وابني في بدر في العمارة اللي انا غفير عليها وبعد كده أجرت الشقة اللى انا عايش فيها دلوقتي من 3 شهور وقولت ان دى الشقة اللي انا مخلص عليها فيها وفعلا حاولت حوالي 5 او 6 مرات قبل كده وفشلت وكل مرة كانت تعدى منها لحد مجيت الساعه 7.00 بالليل تقريبا كنت راجع من الشغل ودخلت البيت وهي كانت قاعدة في اوضة النوم جمب المرتبة ولقيت ابني يونس كان بيعيط فأنا افتكرت بنتي احسان واللى حصلها قولتلها انتي بتضربي الواد وعاوزه تموتيه هو كمان فردت عليا وعلت صوتها واحنا عالم صعايدة فأنا رحت ضربها كام قلم وقولت انا هقتلها وانتقم منها واخد حق بنتي وهي كانت قاعدة على يميني رحت جي خانقها من وراها ورحت جاي حاطط دراعي على رقبتها وايدى على بقها رحت جي حاططها بين رجليا لحد ما اتأكدت أن النفس راح خالص ورحت جاي شاددها على المرتبة وببص لقيتها الروح ويتحشرج فقولت انا مش هسيبك غير لما اخلص عليكي رحت جي حاطط ايدي خانقها وبعد كده وحت شغلت قرآن وجيبت المصحف من الأوضة الثانية حطيطه جمبها واتصلت على الشرطة.
وكشفت التحقيقات أن المتهم اعتقد أن سبب وفاة بنته هو قيام أحد من أهلية والدتها بالتعدى عليها مما أدت إلى وفاتها.
قاتل زوجته في بدر
أمرت نيابة القاهرة الجديدة الكلية، باستدعاء ضابط التحريات في واقعة مق تل ربة منزل على يد زوجها في منطقة بدر لسماع أقوالة في الواقعة.
كشفت تحقيقات نيابة القاهرة الجديدة الكلية، تفاصيل مثيرة في واقعة مق تل ربة منزل على يد زوجها في منطقة بدر.
واعترف المتهم بقت ل زوجته في بدر، أنه تخلص من زوجته بسبب خلافات سابقة وفي يوم الواقعة كتم أنفاسها ووضع مصحف بجوار الجثة.
وأكد المتهم في تحقيقات النيابة العامة، أنه خلص على زوجته، وأبلغ أفراد الشرطة للقبض عليه معترفًا بجريمته، ومثل المتهم الجريمة أمام فريق من النيابة العامة وسط حراسة أمنية مشددة.
جريمة بدر
وبرر المتهم جريمته، أمام جهات التحقيق، أنه منذ فترة توفت نجلته أثناء مكوثها عند والد زوجته في التجمع وأثناء الحديث كنت أتذكر وفاتها ويشير إلى أسرة زوجته بالاتهامات ومن هنا بدأت الخناقات المستمرة، حتى قرر المتهم التخلص من زوجته.
وكشفت التحقيقات، أن المتهم حاول التخلص من زوجته أكثر من مرة، ولكن محاولته باءت بالفشل حتى قرر إنهاء حياتها بكتم أنفاسها أثناء استغراقها في النوم.
وأشارت التحقيقات، إلى أن الأجهزة الأمنية بمديرية أمن لقاهرة تلقت اخطارًا من قسم شرطة بدر يفيد العثور على جثة ربة منزل داخل شقتها.
وكشفت التحريات أن وراء الواقعة زوجها، تم القبض على المتهم وتبين أن سبب الواقعة خلافات سابقة بينهما.
البداية، عندما ورد لقسم شرطة بدر بلاغ من غرفة عمليات النجدة يفيد قيام احد الأشخاص بخنق زوجته حتى الموت بعقار رقم 33 مج 5 - ح 3 دائرة القسم وبالانتقال المحل البلاغ، تبين ان الشقة محل البلاغ بالطابق الخامس على يسار الصاعد ومكونة من غرفتين نوم وصالة و حمام، كما تم العثور على جثمان المتوفية وتدعى نيرة ي. 33 سنة ربة منزل و مقيمة بمحل البلاغ.
وبمناظرة جثمان المتوفية، تبين أنه جثمان السيدة مسجاه على ظهرها ملفوف بملاية بيضاء بإحدى غرف النوم مرتدية ملابسها بالكامل عبارة عن سترة سوداء وبنطال بيجامة برتقالي اللون وملابس داخلية كاملة، و يوجد ملاية أخرى معقودة حول العنق ويوجد كمان أثر خنق بالرقبة، وتبين أن زوجها يدعى رمضان ع .30 سنة عامل، ومقيم محل البلاغ وآخر قرية العوام مركز المنيا.