مروة ناجي تعود إلى الأغاني الدرامية ب معلش

طرحت المطربة مروة ناجى، على يوتيوب، وجميع المنصات الرقمية، ومحطات الراديو، فيديو كليب أغنيتها الجديدة "معلش" التى تفتتح بها نشاطها الفنى فى موسم الشتاء، وتعود مروة من خلالها، إلى نوعية الأغانى الدرامية، الحزينة، وهذه الأغاني تنقل إحساسًا بالألم العاطفي والشوق، ومشاعر الخسارة، وهو غالبا ما يتعايش ويتفاعل معها فئة عريضة من المستمعين، وأعربت المطربة مروة ناجى عن تفاؤلها بأن الأغنية سوف تحدث صدى واسع النطاق لدى لجمهور.
أخبار الفن.. طرح برومو فيلم مني زكي الجديد.. نور النبوي يكشف سبب اعتذاره عن مسلسل يحيى الفخراني
أبيوسف ومدحت صالح في أغنية جديدة ببرنامج مزيكا صالونات
أغنية "معلش" كلمات محمد صالح لباد، وألحان زياد وائل، وتوزيع موسيقى محمد مزيكا، وهى من توزيع شركة ديجيتال ساوند، وتقول كلمات "معلش":..
إحنا اتغيرنا بقينا بندوس على مشاعرنا
كان مين قدرنا لما لقونا مرة خسرنا
بنشيل في هموم بنبص لقينا فجأة كبرنا
يا خسارة عمرنا بيعدي
ولقينا زمنا مغفلنا
بنلف في 100 مليون دايرة
قاطعين الصوت
ومراكب واقفة ومش سايرة
وعمرنا بيفوت
ونشوف احاسسنا بقت بايرة
بقى فيها جبروت
ليه كل ما نيجي يوم نفرح
يرعبنا الموت
أنا عمري سنين
مش فاكرة أنا منه غير كام يوم
مكتوب على وشي
المادة الخام أنا المظلوم
كلمة معلش
بقت كبسولة قبل النوم
وبنام والحزن اخدته في حضني
ياريتني بقوم
مش عارفة ليه أنا بعافر
في زمن ليه مقلوب
وبصبر نفسي كتير وقليل
وبقول مكتوب
كان مين بيهمه فراقي بدور
مين كان باقي
والطيبة سببها غبائي
ياريتني منها بتوب
وبنام م الجرح بلاقي سكاكين
بتقطعني
واشتكي للفرح يقول وأنا مالي
وإيه يعنى
لا حبيب ولا صاحب الكل معايا
بيودعني
بشتري بالغالي وببلاش
كله ليه بيبعني
أنا حتى في حلمي الناس كارهني
إني أعيش
والحظ معايا عاملي كفيف
وما بيشوفنيش
أنا راكبة في قطر بقاله سنين
وموصلنيش
واليوم اللي وصلت وهنزل دوري
ميجيش
عمالة ليه بشيل في هموم بالكدب
بقالي كتير
مش واخده أنا من جدعنتي أنا غير
قلة تقدير
الكل في وجعي بيعملوا
كذا مليون شير
معلش أنا طولت عليكوا
تصبحوا على خير