مروة ناجي تعود ب "معلش" إلى الأغاني الدرامية

طرحت المطربة مروة ناجى، على اليوتيوب، وجميع المنصات الرقمية، ومحطات الراديو، فيديو كليب أغنيتها الجديدة "معلش" التى تفتتح بها نشاطها الفنى فى موسم الشتاء، وتعود مروة من خلالها، إلى نوعية الأغاني الدرامية الحزينة.

اغنية معلش لمروة ناجي
وأعربت المطربة مروة ناجى عن تفاؤلها بأن الأغنية سوف تحدث صدى واسع النطاق لدى لجمهور.

أغنية "معلش" كلمات محمد صالح لباد، وألحان زياد وائل، وتوزيع موسيقى محمد مزيكا، وهى من توزيع شركة ديجيتال ساوند، وتقول كلمات "معلش":

إحنا اتغيرنا بقينا بندوس على مشاعرنا
كان مين قدرنا لما لقونا مرة خسرنا
بنشيل في هموم بنبص لقينا فجأة كبرنا
يا خسارة عمرنا بيعدي
ولقينا زمنا مغفلنا
بنلف في 100 مليون دايرة
قاطعين الصوت
ومراكب واقفة ومش سايرة
وعمرنا بيفوت
ونشوف احاسسنا بقت بايرة
بقى فيها جبروت
ليه كل ما نيجي يوم نفرح
يرعبنا الموت
أنا عمري سنين
مش فاكرة أنا منه غير كام يوم
مكتوب على وشي
المادة الخام أنا المظلوم
كلمة معلش
بقت كبسولة قبل النوم
وبنام والحزن اخدته في حضني
ياريتني بقوم
مش عارفة ليه أنا بعافر
في زمن ليه مقلوب
وبصبر نفسي كتير وقليل
وبقول مكتوب
كان مين بيهمه فراقي بدور
مين كان باقي
والطيبة سببها غبائي
ياريتني منها بتوب
وبنام م الجرح بلاقي سكاكين
بتقطعني
واشتكي للفرح يقول وأنا مالي
وإيه يعنى
لا حبيب ولا صاحب الكل معايا
بيودعني
بشتري بالغالي وببلاش
كله ليه بيبعني
أنا حتى في حلمي الناس كارهني
إني أعيش
والحظ معايا عاملي كفيف
وما بيشوفنيش
أنا راكبة في قطر بقاله سنين
وموصلنيش
واليوم اللي وصلت وهنزل دوري
ميجيش
عمالة ليه بشيل في هموم بالكدب
بقالي كتير
مش واخده أنا من جدعنتي أنا غير
قلة تقدير
الكل في وجعي بيعملوا
كذا مليون شير
معلش أنا طولت عليكوا
تصبحوا على خير
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار الاقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.