استيقظ الشعب المصري اليوم، على خبر حزين، وهو وفاة طفلة تدعى منة بعد سقوطها من الطابق الثالث في مدرسة سيد الشهداء بميت عقبة بالعجوزة. يلا يا ماما هنتأخر.. بكاء هستيري لوالدة منة ضحية مدرسة العجوزة.. فيديو "ماتت بفعل فاعل".. والد منة ضحية مدرسة بالعجوزة يكشف مفاجأة مدوية بكاء والدة منة على الهواء
دخلت مديحة إبراهيم والدة الطالبة الراحلة منة، التي توفيت بعد سقوطها من الطابق الثالث في مدرسة سيد الشهداء في ميت عقبة بالعجوزة، في نوبة بكاء شديد على الهواء.
وقالت مديحة إبراهيم في تصريحات تليفزوينية مداخلة هاتفية : "بنتي عندها 7 سنين، وأنا اللي دخلت بنتي بنفسي للمدرسة ويارتني مادخلتها المدرسة "، مضيفة:" بنتي صاحية من الفجر وكانت فرحانة عشان هتروح المدرسة، وفضلت تقولي يلا يا ماما هنتأخر عن المدرسة".
وأكملت مديحة إبراهيم: "على الساعة 1 ظهرا تلقيت خبر سقوط ابنتي من الدور الثالث في المدرسة ونقلها للمستشفى".
ولفتت مديحة إبراهيم: "لحد دلوقتي مشوفتش بنتي بعد وفاتها، ومعايا الكوتشي بتاعها بس دلوقتي"، مضيفة: "مكنتش موجودة في توقيت سقوط بنتي من الدور الثالث بالمدرسة".
وتابعت مديحة إبراهيم:" بنت عم بنتي كانت مع بنتي في المدرسة، ولما طلعت الفصل عشان تاخد منة عشان تروح المدرس رفض وخرجها بره، واتقالي إن منة جريت وخرجت من الفصل".
ماتت بفعل فاعل ومن جانبه قال تامر فراج، :" بنتي ماتت بفعل فاعل، والمدرس زعق ل بنتي وضربها"، مضيفا:"أمي اتصلت بيا وكانت بتصوت، وقالتي منة في المستشفى بعد سقوطها من الدور الثالث في المدرسة".
ولفت تامر فراج "بنتي المدرس زعقلها وخوفها، وكانت بتعيط عشان تمشي، وبنت عمها كانت هتاخدها عشان تمشي راح زقهم، المدرس خوف بنتي، وهو السبب في موتها". تفاصيل سقوط منة من الدور الثالث بالمدرسة لقيت تلميذة في الصف الثاني الابتدائي، مصرعها ظهر اليوم إثر سقوطها من الطابق الثالث بمدرسة سيد الشهداء بمنطقة ميت عقبة بالعجوزة بسبب ملاحقة مدرس لها، وتحفظت قوات الأمن على المدرس.
تلقت مديرية أمن الجيزة إخطارا من مسئولي مدرسة بالعجوزة بسقوط تلميذة من علو ووفاتها عقب نقلها إلى المستشفى، وانتقلت على الفور قوات الأمن إلى المدرسة وتبين أن مدرس الفصل أثناء ملاحقته التلميذة هربت منه وسقطت من الطابق الثالث لتصاب بعدة إصابات وتم نقلها إلى المستشفى إلا إنها فارقت الحياة متأثرة بإصاباتها.
وتحفظت قوة من قسم شرطة العجوزة على المدرس لاستجوابه، وتحرر المحضر اللازم بالواقعة واخطرت النيابة العامة للتحقيق
