طارق الشيخ يطرح أغنية الشيطان احتار في أمرك.. فيديو

طرح المطرب طارق الشيخ أغنيته الجديدة والتى تحمل اسم "الشيطان احتار فى أمرك" عبر قناته على موقع يوتيوب.
أغنية "الشيطان احتار فى امرك" غناء طارق الشيخ ومن كلمات عصام حجاج، وألحان تامر حجاج، وتوزيع موسيقي ميدو مزيكا، وإسلام شيبسى وتقول كلماتها ..
أحسنت في أدائك ده إنت عبقري صدقت إنك حنين وبني آدم سوي
وطلعت عكس ذلك وبتعرف تفتري لكن دورك عجبني وفرحت بيك أوي
وحياة النعمه هايل ليك مستقبل كبير
الناس بدأت تصدق إنك عندك ضمير
الشيطان احتار في أمرك نفسه يعرف جنسك إيه
شرك أبعد من خياله واللي متعود عليه
انت وريته العجائب واللي مشفتهوش عينيه
من قساوتك قلبه لان والدموع زارت عينيه
وكما طرح الفنان طارق الشيخ أغنيته الجديدة "عالم غريب" على اليوتيوب وجميع التطبيقات الموسيقية ومحطات الراديو، وهذه الأغنية ضمن أغنيات ألبومه الجديد الذى يحمل عنوان "ودونى البحر" والمقرر طرحه على فترات.
اسكت مش ناقصاك.. ندى الكامل تفتح النار على مظهر شاهين.. اعرف التفاصيل
العلاقة الجنسية قبل الزواج.. تحت شعار الحرية الشخصية نجوم يثيرون الجدل أخرهم محمد عطية.. وفنانة شهيرة تقيم علاقة لمدة عامين قبل الارتباط
طارق الشيخ يحافظ دائما على طابعه ومكانته وأسلوبه، كأحد نجوم الطرب الشعبي، ويركز أكثر فى أعماله على ما يمس الناس، ويناقش فى أغنية "عالم غريب" قضية اجتماعية هامة، وهى الأنانية وحب الذات، وإقامة الحواجز بين الناس، وخلق روحا عدوانية تجاه الآخرين، ويحذر من الطمع والغش، والذى يتسبب فى تحويل المجتمع إلى غابة.
أغنية "عالم غريب" من كلمات سامح الكومى وألحان سيد شعبان عبد الرحيم وتوزيع موسيقي طه الحكيم، وإنتاج مشترك بين شركتى Digital Sound و MS برودكشن، للمنتج مصطفى السويفى وتوزيع شركة Digital Sound.. ويقول مطلعها:..
البني آدمين بقوا عادي ماشيين يغلطوا
البني آدمين على جرح بعض بيضغطوا
والدنيا زى السوق واللي معاه بيسوق
والصح بقي شبه الغلط و الناس فى غاية السوء
عالم غريب مبقاش فى عيب
واللي اتظلم المحترم و الطيب اللي ملوش نصيب
حتى اللي ليك جايين عليك
هتروحلهم هتحبهم هيخونوا و هيتغدوا بيك
دور هتلقانا سكينة سرقانة
و طمعنا خلانة ولا حد يملا عنينا