حلت مساء أمس الجمعة الفنانة شهيرة ضيفة على الإعلامية ياسمين عز ضمن حلقة جديدة من حلقات برنامجها الشهير كلام الناس والمذاع عبر فضائية mbc. شهيرة: اعتزلت الفن علشان أصلي وأقرأ قرآن وقالت " شهيرة" خلال استضافتها ببرنامج كلام الناس والمذاع عبر فضائية mbc مصر، إن زوجها الراحل الفنان محمود ياسين تفاجأ بقرار اعتزالها ولم يصدق وقتئذ بهذا الأمر لأنه يعلم جيدا حبها للتمثيل والفن وعقبت "سمع زغاريد وهو فى مكتبه وعرف بعدها أنها ستقوم بارتداء الحجاب واعتزال التمثيل " وتابعت أنها اعتزلت الفن بهدف التقرب من الله أكثر والتفرغ للدين وقراءة القرآن ، والمناجاة والتحدث مع الله وأن تبتعد عن الفن تماما لأنه كانت تعشق عملها وكان يشغلها عن الصلاة ، لافتة إلى أنها زوجة مثالية واهتمامها كبيرا بالبيت وأبنائها .
تقيل وبيتكسف .. شهيرة تكشف تفاصيل تعامل محمود ياسين مع المعجبات وقالت شهيرة، :"محمود ياسين كان تقيل مش خفيف، وكان محاطا بأجمل النجمات والمعجبات من كل الأعمار، وأنا اللي كنت بساعده في أنه يتواصل مع المعجبات في البيت، وهو في الأساس خجول ولما واحدة تقوله أنا بحبك ونفسي أشوفك كان يبقى مكسوف جدًّا وهو بيرد". وأضافت شهيرة، :"أنا كنت بقدر أي معجبة تقوله بحبك، ومرة واحدة جت اتشعلقت في رقبته وأنا واقفة جنبه وما عملتش حاجة، والغيرة عندي تكون لما يبقى فيه ناقوس خطر ويكون واحدة عندها رغبة مش حلوة وقتها كنت أتدخل". وتابعت شهيرة، أنه : "كنت أتدخل لو حسيت إن فيه واحدة عايزة تخطف محمود ياسين وتخرب البيت، ولما كانت واحدة بتبقى عايزة تخرب بيتي كنت بتكلم معاه فيقول لي المقص اللي تقص بيه ضافر رجلك برقبة كل المعجبات".
مكانش عندنا بوتكس و فيلر .. شهيرة : جمال ممثلات زمان كان طبيعى أكدت " شهيرة " خلال استضافتها ببرنامج كلام الناس والمذاع عبر فضائية mbc مصر ، أن ممثلات جيلها كان لكل فنانة منهن جمال خاص بها وليست شبه أحد وعقبت : "جمالنا كان طبيعى زمان ومكانش فيه وقتها عدسات ولا بوتكس او فيلر وتركيب شعر " . ولفتت إلى أن نجمات الجيل الحالى لهم جمالهم الخاص يؤهلهم لأدوار معينة مثل منة شلبى ، هند صبرى ، منى زكى .
مش هتلاقي حد يدلعك.. شهيرة تفجر مفاجأة عن عودتها للتمثيل كشفت الفنانة شهيرة، عن موقفها من العودة للعمل الفتى مرة أخرى بعد فترة الاعتزال، مؤكدة أن لديها رغبة في هذا الأمر. أضافت شهيرة، خلال لقائها ببرنامج "كلام الناس" المذاع على قناة "إم بي سي مصر"، :" نفسي أرجع بس عمر ابني قال لي مش هتلاقي حد يدلعك ". وكشفت الفنانة شهيرة، تفاصيل خاصة عن حياتها الخاصة وزوجها محمود ياسين. وقالت شهيرة إن :"محمود ياسين كان تقيل مش خفيف، وكان محاط بأجمل النجمات والمعجبات من كل الأعمار، وأنا اللي كنت بساعده في أنه يتواصل مع المعجبات في البيت، وهو في الأساس خجول ولما واحدة تقوله أنا بحبك ونفسي أشوفك كان يبقى مكسوف جدًّا وهو بيرد". وأضافت شهيرة، :"أنا كنت بقدر أي معجبة تقوله بحبك، ومرة واحدة جت اتشعلقت في رقبته وأنا واقفة جنبه وما عملتش حاجة، والغيرة عندي تكون لما يبقى فيه ناقوس خطر ويكون واحدة عندها رغبة مش حلوة وقتها كنت أتدخل". وتابعت شهيرة، : "كنت أتدخل لو حسيت إن فيه واحدة عايزة تخطف محمود ياسين وتخرب البيت، ولما كانت واحدة بتبقى عايزة تخرب بيتي كنت بتكلم معاه فيقول لي المقص اللي تقص بيه ضافر رجلك برقبة كل المعجبات".
شهيرة: مهما عملت مبقدرش أنسى محمود ياسين دخلت الفنانة شهيرة في نوبة بكاء، أثناء الحديث عن الفنان الراحل محمود ياسين، وقالت: "مهما عملت مبقدرش أنسى محمود ياسين، وقبل ما بنام بنده على محمود، وبيتهيألي إنه بيرد عليَّا". وأضافت شهيرة، خلال لقائها ببرنامج "كلام الناس" المذاع على قناة "إم بي سي مصر": "بنده عليه وأقول له يا محمود، وأثناء مرضه كنت دايمًا أقوله يا محمود عايز حاجة، فيرد عليَّ يقول لي لأ شكرًا، وأنا لحد دلوقتِ بنده عليه وبحس إنه بيقول لي نعم"
مفيش أصعب من الوحدة وتابعت: "مفيش أصعب من الوحدة، وما كنتش أعرف إن ممكن يوصل بيَّا الحال لكده وإن ما يكونش محمود جنبي، محمود ياسين هو اللي سحرني علشان أتجوزه، وهو اللي بذل مجهود علشان يقرب مني وأحبه، وانا كنت تقلانة عليه، محمود ياسين اقتحم وحدتي بعد وفاة والدي وقرب مني واتعرف عليَّا لما كنت طالبة في معهد التمثيل".
شهيرة عن سر اختفائها: مترددة في العودة إلى الشاشة.. والشغل دلوقتي أصعب من زمان كشفت الفنانة شهيرة عن حقيقة ما يتم تداوله بشأن رجوعها للفن والتمثيل مرة أخرى، قائلة إنها تتلقى عروض كثيرة وتتحمس لبعضٍ منها ولكنها عندما تفكر بالأمر تشعر بالقلق حيال الورق المعروض عليها لأنها ظلت فترة كبيرة لم تطل على جمهورها في أي أعمال درامية لذلك هي متخوفة من الوقوع في أية اختيارات خاطئة. وأضافت شهيرة خلال حواره ببرنامج "كلام الناس" والمُذاع عبر فضائية "mbc مصر"، : "مش عايزة الجمهور يقول لا ياريتك مارجعتي.. ما انتي كنتي قاعدة واحنا حابينك كده"، معقبة: " بصراحة مترددة". وتابعت أنها ظروف العمل حاليًا أصعب من ذي قبل، حيث تصل ساعات العمل في بعض الأحيان ل 18 ساعة وهي تعتقد أنها لن تقدر على تحمل هذا الأمر، فسابقًا كان العمل مقتصر على 8 ساعات فقط، معلقة: " كان على أيامنا الوضع في منتهى الشياكة".
