مش هتلاقي حد يدلعك.. شهيرة تفجر مفاجأة عن عودتها للتمثيل

كشفت الفنانة شهيرة، عن موقفها من العودة للعمل الفتى مرة أخرى بعد فترة الاعتزال، مؤكدة أن لديها رغبة في هذا الأمر.

شهيرة: مهما عملت مبقدرش أنسى محمود ياسين
شهيرة عن سر اختفائها: مترددة في العودة إلى الشاشة.. والشغل دلوقتي أصعب من زمان
وأضافت شهيرة، خلال لقائها ببرنامج "كلام الناس" المذاع على قناة "إم بي سي مصر"، :" نفسي أرجع بس عمر ابني قال لي مش هتلاقي حد يدلعك ".
وكشفت الفنانة شهيرة، تفاصيل خاصة عن حياتها الخاصة وزوجها محمود ياسين.
وقالت شهيرة إن :"محمود ياسين كان تقيل مش خفيف، وكان محاط بأجمل النجمات والمعجبات من كل الأعمار، وأنا اللي كنت بساعده في أنه يتواصل مع المعجبات في البيت، وهو في الأساس خجول ولما واحدة تقوله أنا بحبك ونفسي أشوفك كان يبقى مكسوف جدًّا وهو بيرد".
كنت بقدر أي معجبة تقول لمحمود بحبك
وأضافت شهيرة، :"أنا كنت بقدر أي معجبة تقوله بحبك، ومرة واحدة جت اتشعلقت في رقبته وأنا واقفة جنبه وما عملتش حاجة، والغيرة عندي تكون لما يبقى فيه ناقوس خطر ويكون واحدة عندها رغبة مش حلوة وقتها كنت أتدخل".
وتابعت شهيرة، : "كنت أتدخل لو حسيت إن فيه واحدة عايزة تخطف محمود ياسين وتخرب البيت، ولما كانت واحدة بتبقى عايزة تخرب بيتي كنت بتكلم معاه فيقول لي المقص اللي تقص بيه ضافر رجلك برقبة كل المعجبات".