قالت الفنانة شهيرة: "آخر حاجة بعملها قبل ما أنام بنده على محمود ياسين وبيتهيألي إنه بيرد عليَّ". فترة مرض محمود ياسين وتابعت خلال لقائها ببرنامج "كلام الناس" المذاع على قناة "إم بي سي مصر": "بنده عليه وأقول له يا محمود، وأثناء مرضه كنت دايمًا أقوله يا محمود عايز حاجة، فيرد عليَّ يقول لي لأ شكرًا، وأنا لحد دلوقتِ بنده عليه وبحس إنه بيقول لي نعم".
معاناة شهيرة من الوحدة وأضافت: "مفيش أصعب من الوحدة وما كنتش أعرف أن ممكن يوصل بيَّ الحال لكده وإن ما يكونش محمود جنبي".
وقالت الفنانة شهيرة في نفس اللقاء:"محمود ياسين هو اللي سحرني علشان أتجوزه، وهو اللي بذل مجهود علشان يقرب مني وأحبه، وانا كنت تقلانة عليه".
وأضافت: "محمود ياسين اقتحم وحدتي بعد وفاة والدي وقرب مني واتعرف عليَّ لما كنت طالبة في معهد التمثيل".
الزواج من محمود ياسين ولفتت: "محمود ياسين هو اللي كلفتني وخلاني أحبه وأوافق أتجوزه، بس هو كان تقيل مش خفيف، وكان محاط بأجمل النجمات والمعجبات من كل الأعمار وأنا اللي كنت بساعده في أنه يتواصل مع المعجبات في البيت، وهو في الأساس خجول ولما واحدة تقوله أنا بحبك ونفسي أشوفك كان يبقى مكسوف جدًّا وهو بيرد، وأنا كنت بقدر أي معجبة تقوله بحبك، ومرة واحدة جت اتشعلقت في رقبته وأنا واقفة جنبه وما عملتش حاجة، والغيرة عندي تكون لما يبقى فيه ناقوس خطر ويكون واحدة عندها رغبة مش حلوة وقتها كنت أتدخل".
تصرف شهيرة مع معجبات محمود ياسين
وأشارت: "كنت أتدخل لو حسيت إن فيه واحدة عايزة تخطف محمود ياسين وتخرب البيت، ولما كانت واحدة بتبقى عايزة تخرب بيتي كنت بتكلم معاه فيقول لي المقص اللي تقص بيه ضافر رجلك برقبة كل المعجبات، والراجل مهم إنه يطمن شريكة حياته ويحسسها إنها أهم من أي ست في الدنيا". ولفتت: "محمود ياسين عمره ما رفض طلب لأولاده رانيا وعمرو".
