شهيرة: ممثلة كانت عايزة تخطف محمود ياسين مني.. وهذا ما فعله معها

قالت الفنانة شهيرة، إن "الفنان الراحل محمود ياسين لم يعطها الفرصة لأن تشك فيه أبدا"، متابعة: "محمود كان مؤدب جدا وأخلاق وبيحافظ عليّا وعلى مشاعري وعلى بيته".
وأضافت شهيرة، خلال حوارها ببرنامج "واحد من الناس" مع الإعلامي عمرو الليثي عبر شاشة "الحياة"، "أما كان يعتريني شك ولو حاجة، محمود ياسين كان يقولي: المقص اللي بتقصي بيه ضافرك ده أهم من أي واحدة في الدنيا".
ولفتت إلى أنهما لم ينفصلا مطلقا في حياتهما، متابعة: "مكنش ينفع نطلق خالص، مهما كنا نختلف النقطة دي عمرها ما نوصلها، كان بينا مشاعر فوق أي حب".
تابعت: "في ممثلة شهيرة كانت عايزة تخطفه مني وتتجوزه.. ومش واحدة لأ ده أكتر من حد.. وأنا معملتش أي حاجة غير إني قولتله الناس بتقول كذا، وهو اتضايق جدا، وراح جرحها وأحرجها جامد قدام الكاست، محمود كان عاقل جدا وجِه حكالي، وقولتله: يا محمود مكنش لازم تعمل كده، قالي: أنا مش هسمح لحد أنه يحاول يدمر بيتي".
استكملت: "وارد جدا أن الرجل يتجوز مرة واتنين، وفي رجالة كتير بيعملوا كده، لكن الموضوع ده بينا مكنش مطروح تماما وهو عمره ما كان هيعمل كده، محمود رجل استثنائي بكل المقاييس".
وتوفي الفنان الكبير محمود ياسين، في 14 أكتوبر الماضي عن عمر ناهز 79 عاما، تاركا من خلفه إرثا فنيا كبيرا.