شهيرة: «أحمد زكي كان يعتبرني والدته.. ومحمود يس مكنش بيغير منه»

قالت الفنانة المعتزلة شهيرة، اليوم الأربعاء، إن «الفنان الرحل أحمد زكي، كان يعتبرها والدته لحنيتها عليه»، مستكملةً: «أنا كنت بهتم بتفاصيله، وهو كمان، يعني مثلًا لما محمود يس -زوجها- ظهر في حياتي، كان أحمد يقولي إيه حكايته ده، وهيتجوزك ولا لأ.. قولتله أه إن شاء الله».
أضافت شهيرة، خلال حوارها ببرنامج «الستات مايعرفوش يكدبوا»، عبر فضائية «سي بي سي»: «لما قولتله كده مسكتش وراح لمحمود المسرح وقاله أنت ناوي تتجوزيها ولا إيه، قاله أه طبعًا بحبها وهتجوزها».
تابعت: «محمود يس مكنش بيغير من أحمد زكي وعلاقته بي، لأنه عرفني وهو موجود في حياتي، حتى بعد الزواج، ده مرة أحمد جيه وقف في صالون البيت وإحنا نايمين، وبعلو صوته قال (يا شوشو اصحي)، محمود اتخض وقالي مين بيزعق ده؟ دخلت الشغالة علينا وقالت أستاذ أحمد زكي عايز مدام شهيرة، قالي قومي شوفي ماله ده، لأنه عارف إننا اخوات، وأنه أكيد عنده مشكلة».
استكملت: «كنا بنحكي لبعض أدق تفاصيل حياتنا، ولما كنت ببقى زعلانة مع محمود أروح أحكي لأحمد، وكنت بحكيله حاجات مش بحكيها لمحمود».