شهيرة: محمود ياسين كلفتني وخلاني أحبه وأوافق اتجوزه

قالت الفنانة شهيرة:"محمود ياسين هو اللى سحرني علشان اتجوزه، وهو اللي بذل مجهود علشان يقرب مني وأحبه، وانا كنت تقلانة عليه".

وأضافت خلال لقائها ببرنامج "كلام الناس" المذاع على قناة"ام بي سي مصر":"محمود ياسين اقتحم وحدتي بعد وفاة والدي وقرب مني واتعرف علي لما كنت طالبة في معهد التمثيل".

الزواج من محمود ياسين

ولفتت:"محمود ياسين هو اللى كلفتني وخلاني أحبه وأوافق اتجوزه، بس هو كان تقيل مش خفيف، وكان محاط بأجمل النجمات والمعجبات من كل الأعمار وانا اللى كنت بساعده علي أنه يتواصل مع المعجبات في البيت، وهو في الأساس خجول ولما واحدة تقوله انا بحبك ونفسي اشوفك كان يبقى مكسوف جدا وهو بيرد، وانا كنت بقدر أي معجبة تقوله بحبك، ومرة واحدة جت اتشعلقت في رقبته وانا واقفة جنبه ومعملتش حاجة، والغيرة عندي تكون لما يبقى فيه ناقوس خطر ويكون واحدة عندها رغبة مش حلوة وقتها كنت اتدخل".

شهيرة تعلن رغبتها في العودة إلى التمثيل: تخلصت من الفوبيا | فيديو
عايدة رياض من تأبين محمود ياسين: محترم وكان شاطر جدا
تصرف شهيرة مع معجبات محمود ياسين

وأشارت:"كنت اتدخل لو حسيت ان فيه واحدة عايزة تخطف محمود ياسين وتخرب البيت، ولما كانت واحدة بتبقى عايزة تخرب بيتي كنت بتكلم معاه فيقولي المقص اللى تقص بيه ضافر رجلك برقبة كل المعجبات، والراجل مهم انه يطمن شريكة حياته ويحسسها انها اهم من أي ست في الدنيا".
ولفتت:"محمود ياسين عمره ما رفض طلب لأولاده رانيا وعمرو".