حورية فرغلي: هذه حقيقة زواجي | فيديو

قالت الفنانة حورية فرغلي: "طلع لي خُراج في رجلي ولما رُحت المستشفى الدكتور قال لي لازم يتشال دلوقتِ".

تعرض حورية فرغلي للحسد
وتابعت خلال مداخلة هاتفية ببرنامج "كلام الناس" المذاع على قناة "إم بي سي مصر": "واحدة ست قالت لي رجلك حلوة بعدها على طول طلع لي خُراج".

حقيقة ارتباط حورية فرغلي
وعن الأنباء التي ترددت عن ارتباطها، علقت حورية فرغلي: "أبويا كلمني من الكويت يبارك لي على الزواج، وقال لي حورية كدا تتجوزي من ورايا، قلت له أنا اتجوزت فين؟، فقال لي على التريند بيقولوا إنك عايشة قصة حب، فقلت له يا ريت يا بابا، لأ طبعا مفيش أي ارتباط، ولو فيه حد في حياتي وفيه تجربة عاطفية أول حد هيعرف جمهوري وهكون فخورة بالشخص اللى هكون معاه وهسعى إن الناس تعرفه".

موقف حورية فرغلي من الزواج
وأكدت: "الباب مفتوح على مصراعيه بالنسبة للزواج، وأتمنى أرتبط بشخص يحبني وأحبه".
حورية فرغلي: محدش بيعاكسني في الشارع.. وبسبب تنمر الناس عليا كنت هبطل تمثيل | فيديو
حورية فرغلي: بعت فيلتي.. وصرفت 5 ملايين جنيه على مناخيري
وقالت الفنانة حورية فرغلي: "اتجوزت 3 شهور وما لحقتش أتعرض للخيانة، وكنت مخطوبة وكان حب عمري ومات قبل فرحي بيوم، ولما جيت مصر ماما كانت عايزة تطلعني من الحالة النفسية اللي أنا فيها وبقيت أروح معاها النادي واتعرفنا على بعض وتقدم للزواج مني واتجوزنا بس مكنش بينا قصة حب وانفصلنا علطول بس إحنا لسه أصحاب وبيحلف بالبامية بتاعتي، وهو اتجوز وخلِّف وأنا مبسوطة بيه".

الحب لدى حورية فرغلي
وتابعت خلال لقائها ببرنامج "حبر سري" المذاع على قناة "القاهرة والناس": "في سن معين بكون عايزة أحب وأتحب لأن الحب زي الهواء، بس أنا للأسف بعيدة عن الحكاية دي بقالي كتير، حتى مابتعاكسش في الشارع".

عمليات التجميل
وأضافت حورية فرغلي: "هيجي وقت وجمالي هيروح وهقعد في البيت فالروح هي اللي هتبقى موجودة، وأنا من النوع اللي مش هشد وأنفخ فعايزة لما أبطل تمثيل يبقى عندي عائلة ونصي التاني اللي هقضي حياتي معاه".

اعتزال التمثيل
ولفتت: "في دماغي اعتزال التمثيل ولكن مش دلوقتي، وبسبب كلام الناس وتنمرهم عليا وهجومهم بسبب مناخيري كنت هبطل تمثيل".

وقالت الفنانة حورية فرغلي في حديث سابق: "لم أندم على أي عمل فني شاركت فيه، وخلال مشاهدتي لأعمالي القديمة أركز في النظر لأنفي قبل إجراء عملية جراحية فيها".