حورية فرغلي: محدش بيعاكسني في الشارع.. وبسبب تنمر الناس عليا كنت هبطل تمثيل | فيديو

قالت الفنانة حورية فرغلي: "اتجوزت 3 شهور وملحقتش أتعرض للخيانة، وكنت مخطوبة وكان حب عمري ومات قبل فرحي بيوم، ولما جيت مصر ماما كانت عايزة تطلعني من الحالة النفسية اللي أنا فيها وبقيت أروح معاها النادي واتعرفنا على بعض وتقدم للزواج مني واتجوزنا بس مكنش بينا قصة حب وانفصلنا علطول بس إحنا لسه أصحاب وبيحلف بالبامية بتاعتي، وهو اتجوز وخلِّف وأنا مبسوطة بيه".

الحب لدى حورية فرغلي
وتابعت خلال لقائها ببرنامج "حبر سري" المذاع على قناة "القاهرة والناس": "في سن معين بكون عايزة أحب وأتحب لأن الحب زي الهواء، بس أنا للأسف بعيدة عن الحكاية دي بقالي كتير، حتى مابتعاكسش في الشارع".

عمليات التجميل
وأضافت حورية فرغلي: "هيجي وقت وجمالي هيروح وهقعد في البيت فالروح هي اللي هتبقى موجودة، وأنا من النوع اللي مش هشد وأنفخ فعايزة لما أبطل تمثيل يبقى عندي عائلة ونصي التاني اللي هقضي حياتي معاه".
اعتزال التمثيل
ولفتت: "في دماغي اعتزال التمثيل ولكن مش دلوقتي، وبسبب كلام الناس وتنمرهم عليا وهجومهم بسبب مناخيري كنت هبطل تمثيل".
حورية فرغلي: بعت فيلتي.. وصرفت 5 ملايين جنيه على مناخيري
حورية فرغلي: اشتريت حصان ب 20 مليون جنيه | فيديو
وقالت الفنانة حورية فرغلي في حديث سابق: "لم أندم على أي عمل فني شاركت فيه، وخلال مشاهدتي لأعمالي القديمة أركز في النظر لأنفي قبل إجراء عملية جراحية فيها".

مشكلة الشم
وتابعت خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "بعد العملية حاسة الشم رجعتلي بعد 5 سنين، ومكنتش عارف أعيش، ومبعرفش أشم حاجة وريحة البرفان مكنتش بشمها".

اكتئاب حورية فرغلي
ولفت: "فقدت الثقة في نفسي السنوات الماضية وكانت حاطة فويل على المرايات ودخلت في اكتئاب، وكل الناس بعدت عني في مرضي، واللي كانوا قاعدين معايا 10 سنين أصحابي وقرايبي بعدوا عني وتليفوني مكنش بيرن فجات لي حالة من الاكتئاب".

التنمر على حورية فرغلي
وأكملت: "كانوا بيقولولي إنتي مسخ دميم، وإنتي شبه أبو الهول، وكله بيتنمر عليا وقتها فقدت الثقة في نفسي، ومعندش علاقة عاطفية ومبقاش يجيلي شغل بسبب مناخيري، وقتها كنت بتمنى الموت كل يوم بعد لما كنت ملكة جمال الناس كانوا بيقولوا عليا مشوهة، وأنا مش بخلف ومحدش عايز يتجوزني لأني مبخلفش".

زراعة مناخير
وأشارت: "عندي عملية جراحية في مناخيري والعملية الأولي زراعة جسم مناخير فقط، وخدوا جلد من خدودي علشان يطولي مناخيري، وكل ده حصلي من وقعة حصان".

صلاة حورية فرغلي
ولفتت: "خلال فترة محنة مرضى قربت من ربنا وكنت بصلي وكنت بقول لربنا مش عايز أرجع ملكة جمال ولكن عايزة أشم وأتذوق وأعيش بشكل طبيعي".

مفاجأة عن حورية فرغلي
وأشارت: "بعد 5 سنين من مشكلة عدم الشم أول حاجة شمتها في أمريكا كانت مخدر الحشيش ولما سألت أخويا قاللي الحشيش هنا عادي".