حورية فرغلي: بعت فيلتي.. وصرفت 5 ملايين جنيه على مناخيري

قالت الفنانة حورية فرغلي: "لم أندم على أي عمل فني شاركت فيه، وخلال مشاهدتي لأعمالي القديمة أركز في النظر لأنفي قبل إجراء عملية جراحية فيها".

مشكلة الشم
وتابعت خلال لقائها ببرنامج "كلمة أخيرة" الذي تقدمه الاعلامية لميس الحديدي بقناة "أون إي": "بعد العملية حاسة الشم رجعتلي بعد 5 سنين، ومكنتش عارف أعيش، ومبعرفش أشم حاجة وريحة البرفان مكنتش بشمها".

اكتئاب حورية فرغلي
ولفت: "فقدت الثقة في نفسي السنوات الماضية وكانت حاطة فويل على المرايات ودخلت في اكتئاب، وكل الناس بعدت عني في مرضي، واللي كانوا قاعدين معايا 10 سنين أصحابي وقرايبي بعدوا عني وتليفوني مكنش بيرن فجات لي حالة من الاكتئاب".

التنمر على حورية فرغلي
وأكملت: "كانوا بيقولولي إنتي مسخ دميم، وإنتي شبه أبو الهول، وكله بيتنمر عليا وقتها فقدت الثقة في نفسي، ومعندش علاقة عاطفية ومبقاش يجيلي شغل بسبب مناخيري، وقتها كنت بتمنى الموت كل يوم بعد لما كنت ملكة جمال الناس كانوا بيقولوا عليا مشوهة، وأنا مش بخلف ومحدش عايز يتجوزني لأني مبخلفش".

زراعة مناخير
وأشارت: "عندي عملية جراحية في مناخيري والعملية الأولي زراعة جسم مناخير فقط، وخدوا جلد من خدودي علشان يطولي مناخيري، وكل ده حصلي من وقعة حصان".

صلاة حورية فرغلي
ولفتت: "خلال فترة محنة مرضى قربت من ربنا وكنت بصلي وكنت بقول لربنا مش عايز أرجع ملكة جمال ولكن عايزة أشم وأتذوق وأعيش بشكل طبيعي".

مفاجأة عن حورية فرغلي
وأشارت: "بعد 5 سنين من مشكلة عدم الشم أول حاجة شمتها في أمريكا كانت مخدر الحشيش ولما سألت أخويا قاللى الحشيش هنا عادي".

حورية فرغلي: تتبقى لي عملية جراحية للعودة إلى طبيعتي.. وهذا طلبي من الناس
لميس الحديدي: منتخب مصر بعبع أفريقيا
وتعاقدت الفنانة حورية فرغلي على فيلم سينمائي جديد من المقرر عرضه خلال الفترة المقبلة.

فيلم جديد
وكشف مصدر مقرب من حورية فرغلي تفاصيل فيلمها الجديد، قائلًا: تعاقدت الفنانة حورية فرغلي على فيلم جديد يحمل اسمًا مؤقتًا "التجربة" لحين استقرار صناع العمل على الاسم النهائي للفيلم.
وبحسب المصدر فإن الفيلم قصة وسيناريو وحوار أحمد عثمان، وإخراج محمود سليم.
وأكد في تصريح خاص ل"فيتو" بأنه سيتم الاستقرار على باقي أسماء الأبطال المرشحين للفيلم خلال الأيام المقبلة.