سعيد صالح عن مدرسة المشاغبين: وزير التعليم هاجمنا وقال انتو بتبوظوا العيال..نوستالجيا

حل الفنان الراحل سعيد صالح ضيفًا في لقاء تليفزيوني قديم على فضائية " دريم" من تقديم
الإعلامي عمرو الليثي، كشف خلاله عددًا من أسرار حياته .
وقال سعيد صالح:" موهبتي هما اللي مقدروش يستغلوها لكن أنا عامل فن وموسيقى يعيش سنين
موسيقى ومسرحيات في منها كتير متصورش ومش كلها كانت للضحك بس كانت مسرحيات هادفة وبتوصل رسالة ".
وتابع:" مسرحية مدرسة المشاغبين مكنتش بتتكلم بس عن التلامذة المشاغبين ولكن كان في رسالة من وراها"، معقبًا:" وزير التعليم جه ساعتها وهاجمنا وقالنا انتو كده بتبوظوا العيال .. رديت عليه وقولته العيال بايظة من عندكوا من الأول "، و العيال كبرت كانت بتناقش قضية موجودة في كل بيت مصري".
وأجاب عن سؤال:" ليه مبقتش في نجاح عادل إمام؟"، قائلًا:" لأن أنا تركت التمثيل ومكنتش عايزه
وبدور على حاجة تانية ولقيت نفسي في الموسيقى"، ادي نفسي تحقيق الذات 17 من 20 ".