نظرة الرئيس كلها أبوة..أول تعليق من دنيا سمير غانم علي مشاركتها ب"قادرون باختلاف"

علقت الفنانة دنيا سمير غانم علي مشاركتها باحتفالية "قادرون باختلاف"، عبر حسابها الشخصي بموقع التواصل الاجتماعي لتبادل الصور والفيديوهات "انستجرام".

ونشرت دنيا سمير غانم صورة من الاحتفالية وعلقت كاتبة: "تشرفت النهارده بالغناء أمام الرئيس عبد الفتاح السيسي في احتفالية قادرون باختلاف و سعدت و تشرفت بكلامه ليا جدا وبنظرته اللى كلها أبوة".

عقب احتفاليه قادرون باختلاف.. هاشتاج "السيسي جابر الخواطر" يتصدر تريند تويتر
إنجي علاء تعلق علي مشاركة زوجها يوسف الشريف باحتفالية "قادرون باختلاف".. شاهد

وتابعت كاتبة: "احب أشكر الجمهور العظيم اللي دايما بيشجعني و شفت في عنيهم و في ردود أفعالهم فرحتهم بوجودي في الحدث الهادف مع الملايكة اللي كانوا سبب في ثقتي بنفسي النهارده بإحساسهم الصادق في تعبيرهم عن حبهم ليا الحمد لله و فرحتهم باليوم ده وان فى حد مهتم بيهم وبيفكر فيهم وفى احتياجاتهم".

وأكملت: "بشكر كل الزملاء والأساتذة إللي اتشرفت إني كنت موجودة معاهم في نفس الحفلة و علي رأسهم الموسيقار الكبير عمر خيرت و أستاذ أشرف عبد الباقي سعيدة جدا إني ابتديت يومي بتشجيعهم و حرصهم انهم يطمنوا عليا قبل ما أطلع".

وأضافت: "وكمان زملائي الأعزاء مصطفي شعبان و يوسف الشريف و المذيعين شريف مدكور و إيمان الحصري اللي مروا بظروف صعبة وعدوها بكل قوه وثبات بفضل ربنا و رحمته و كنت مبسوطة بيهم و حسيت بأد إيه أغلب الموجودين مننا كان عندهم تحديات في حياتهم زي الملايكة اللي استمدينا قوتنا منهم النهارده و من أهلهم الأبطال".

وأشارت: "بشكر كل القائمين علي الاحتفال د/أمل مبدا الأم التانية للقادرون باختلاف فخورة جدا بأخويا هشام جمال لإنه اشتغل و تعب من قلبه في إخراج الحفلة و الأغاني و اختيار الأصوات اللي دخلت قلوبنا كلنا و عن نفسي بشكره علي أغنيتي "بلادي اسلمي" كلمات الشاعر الموهوب محمد إبراهيم و ألحان العبقري المتنوع هشام جمال و توزيع الموزع الشاطر جدا مادي".

واختتمت دنيا كاتبة: "و في النهاية حبايبي الغاليين بابي و مامي إتأثرت جدا النهارده اني لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي ربنا معاكي يا حبيب بابي يا رب أكون شرفتكم، بحبكم و وحشتوني أوي ربنا يرحمكم يا أغلي حاجة في حياتي".

View this post on Instagram
A post shared by Donia Samir Ghanem (@donia.samir.ghanem)