دنيا سمير غانم لأحد أطفال حفل «قادرون باختلاف»: فخورة بيك

نشرت الفنانة دنيا سمير غانم صورة تجمعها بالطفل عبد الرحمن الذي شارك بالغناء في حفل "قادرون باختلاف"، عبر حسابها على إنستجرام.
وعلقت دنيا على الصورة قائلة: "بحبك أوي يا عبد الرحمن وفخورة بيك يا أجمل صوت ربنا يوفقك".
في أول ظهور إعلامي لها منذ وفاة والديها، شاركت الفنانة دنيا سمير غانم، باحتفالية "قادرون باختلاف"، بحضور الرئيس عبدالفتاح السيسي.
وقدمت النجمة دنيا سمير غانم أغنية "بلادي اسملي" مع كورال من الفتيات والأولاد، وشكرت الرئيس عبد الفتاح السيسي، على هذه الاحتفالية، وتكريمه لوالدها الراحل سمير غانم.
ووجهت «دنيا» من خلال منشور على إنستجرام الشكر للرئيس عبد الفتاح السيسي لما وجهه لها من كلمات رقيقة، وللجمهور ولكل من ساهم في مشاركتها في إحتفالية «قادرون باختلاف».
وقالت «دنيا»: «تشرفت النهاردة بالغناء أمام الرئيس عبد الفتاح السيسي في احتفالية قادرون باختلاف، و سعدت و تشرفت بكلامه ليا جدا وبنظرته اللي كلها أبوة».
وتابعت قائلة «أفعالهم فرحتهم بوجودي في الحدث الهادف مع الملايكة اللي كانوا سبب في ثقتي بنفسي النهارده بإحساسهم الصادق في تعبيرهم عن حبهم ليا الحمد لله و فرحتهم باليوم ده وان فى حد مهتم بيهم وبيفكر فيهم وفى احتياجاتهم».
واستطردت «وبشكر كل الزملاء والأساتذة إللي اتشرفت إني كنت موجودة معاهم في نفس الحفلة و علي رأسهم الموسيقار الكبير عمر خيرت والفنان أشرف عبد الباقي سعيدة جدا إني ابتديت يومي بتشجيعهم و حرصهم انهم يطمنوا عليا قبل ما أطلع و كمان زملائي الأعزاء مصطفي شعبان و يوسف الشريف و المذيعين شريف مدكور و إيمان الحصري اللي مروا بظروف صعبة وعدوها بكل قوه وثبات بفضل ربنا و رحمته و كنت مبسوطة بيهم و حسيت بأد إيه أغلب الموجودين مننا كان عندهم تحديات في حياتهم زي الملايكة اللي استمدينا قوتنا منهم النهارده و من أهلهم الأبطال».
واختتتمت المنشور قائلة: «وفي النهاية حبايبي الغاليين بابي و مامي إتأثرت جدا النهارده اني لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي ربنا معاكي يا حبيب بابي، يا رب أكون شرفتكم، بحبكم و وحشتوني أوي، ربنا يرحمكم يا أغلي حاجة في حياتي».
View this post on Instagram
A post shared by Donia Samir Ghanem (@donia.samir.ghanem)