كنزي وائل تكشف تفاصيل تعرضها للتحرش في الأتوبيس .. فيديو

كشفت كنزي وائل، الفتاة التي تعرضت للتحرش في الأتوبيس، عن تفاصيل الواقعة، قائلة: "كنت خارجة من تمرين ألعاب قوى وركبت أتوبيس نقل عام عشان أروح بيتي .. فكان فيه واحد قاعد في الكرسي اللي ورايا وبيعمل حركات غريبة ومش مظبوطة".
وأضافت كنزي وائل في مداخلة هاتفية مع برنامج "يحدث في مصر" المُذاع على فضائية "إم بي سي مصر"، قائلة: "طلعت أقعد على الكرسي اللي قدام، جيه ورايا بردو .. وراح حاطط ايده عليا .. فأنا صوت ولميت الناس".
وتابعت الفتاة التي تعرضت للتحرش في الأتوبيس قائلة: "في ولد ساعدني ومسكه وعشان ميبفلتش منه راحوا واقعين هما الاتنين من الاتوبيس .. والولد اتعور في صباعه بسبب الوقعة ديه"، مشيرة إلى أن اسم الشاب الذي ساعدها محمد.
وواصلت كنزي وائل: "بعدين اتجمع عليه الناس تحت ومسكوه وودوه على القسم".
وأكملت الفتاة التي تعرضت للتحرش في الأتوبيس قائلة: "فيه ناس كتير وقفت ضدي .. وأول ما نزلت من الأتوبيس واحد قالي هو هيعملك كده ليه يعني ده راجل كبير .. وواحد تاني قالي حرام عليكي توديه النيابة حتى لو متأكدة أنه عمل كده، وحاولي يقنعوني أني اسامح في حقي بس أنا رفضت".
ونوهت كنزي وائل أن النيابة استمعت لأقوالها، مشيرة إلى أنها فور حدوث الواقعة تواصلت مع أسرتها، معقبة: "كلمت أهلي علطول وجم بسرعة وراحوا معايا القسم ودعموني انا أنا متنازلتش عن حقي".
وأشارت الفتاة التي تعرضت للتحرش في الأتوبيس إلى أنها تدرس في الصف الأول من كلية الإعلام.
واختتمت كنزي وائل حديثها قائلة: "الناس اللي بتكتبلي كومنتات تضايقني .. ياريت يا تكتبلي كومنت يدعمني لأني فعلاً كنت في موقف يا متكتبليش حاجة تضايقني".