سمر حمزة بطلة المصارعة تتراجع عن الاعتزال..وتوجه رسالة للمسئولين عن اللعبة

تراجعت سمر حمزة لاعبة المنتخب المصري للمصارعة، عن قرار اعتزالها اللعب، والذي كانت قد اتخذته فور خسارتها وخروجها من دورة الألعاب الأولمبية طوكيو 2020، بعد خسارتها أمام الروسية ناتاليا فوروبييفا بنتيجة 16-12، في منافسات المصارعة النسائية.
وكتبت سمر حمزة، عبر حسابها الرسمي على موقع التواصل الاجتماعي "فيسبوك": "أنا جاهزة للعودة من جديد".
وتحدثت سمر حمزة عقب قرار التراجع عن الاعتزال على صفحتها الشخصية على موقع التواصل الإجتماعى فيس بوك عن التخبطات داخل أسرة المصارعة المصرية والصراعات الداخلية والمصالح الشخصية فى الانتخابات التى تؤثر بالسلب على أبطال اللعبة مطالبة المسئولين بالاهتمام باللاعبين ودعمهم لانهم الأهم وليس المصالح الانتخابية.
سمر حمزة تعلن اعتزالها المصارعة بعد وداع أولمبياد طوكيو
أول تعليق من سمر حمزة بطلة المصارعة المصرية بعد وداع أولمبياد طوكيو
ابتعدوا عن مصالح الانتخابات وادعموا اللاعبين
و كتبت رسالة تضمنت الآتى: " تعالوا نفضفض شوية من غير ما ناخد الكلام اننا بنهاجم حد هنتكلم شوية عن المصارعة النسائية لمن لا يعلم. حققت اعلي النتائج و المستويات ميداليات في بطولات العالم كاديت ميداليات في أفريقيا و عالم كبار وخامس اولمبياد و ميداليات فى بطولة الجائزة الكبري غير ميداليات البحر المتوسط الأربعة و البطولات الدولية و التقدم فى التصنيف العالمي .. للمعلومة عمرنا قبل كده ما كنا بنكسب مباراة في بطولة خارج مصر عالمية وليه عالمية أفريقيا حتي أخرنا كنا ال 3 .
وتابعت :" فلما الدنيا تتطور ليه عايز تنفي السلالة (اخر كام ديناصور ههههه )حافظوا عليهم بدل ما ينقرضوا
فبدل ما نفكر نشيل مين ونحط مين فكروا هتكملوا ازاي حتي على نفس المستوي او ربنا ينفخ في صورتنا ونحقق اعلي
اي لاعب اي لاعبة بيقوم بالاساءة للعبة فقبل مايسئ فهو بيسئ لنفسه .. واي مدرب بيقلل من مدرب تاني يبقي بيقلل من نفسه .. وأي مسئول بيقل من لاعب ومدرب فبيقلل من اللعبة كلها فلو مستاء اوي كده سبها غيرك يستحمل
سيب اللى بيعرف يساعد يساعد متحربهوش لمجرد مش عارف تعمل زيه
بدل ما تدور تسئ ازاي دور هتعلي نفسك واللعبة ازاى "
واكدت سمر حمزة :" احنا لاعبين لنا اسماؤنا وسط اللاعبين الكبار و بيتعمل لنا الف حساب .. فبلاش تقلل من حد .. المصارعة النسائية لسه بتكبر و هاتكبر بس شجعوها و كبروها كفاية شغل انتخابات و كلام خايب
الدنيا بتتشقلب في لحظة ادعو ربنا يديم عليكم ستره ونعمه ويكفيكم شر غفلات الزمان".
وخسرت سمر حمزة في دور ال16 أمام لاعبة منتخب روسيا "ناتاليا فوروبيفا" صاحبة ذهبية لندن 2012 وفضية ريو دي جانيرو 2016، في ثمن النهائي لوزن 76 كجم مصارعة حرة بنتيجة 16-12 قبل أن تخسر لاعبة روسيا في المواجهة التالية بربع النهائي من لاعبة قيرغستان "أيبيري ميديت كيزي" بعدم التكافؤ 12-0، لتودع سمر حمزة المنافسات رسميا وتفقد فرصة دخول دور الترضية والمنافسة على الميدالية البرونزية.
جدير بالذكر، أن المصارعة المصرية لم تنجح في حصد سوى ميدالية وحيدة بأولمبياد طوكيو، عبر محمد إبراهيم "كيشو" في منافسات وزن تحت 67 كجم.