بعد أزمة حلا شيحة .. بحبك ل تامر حسني تقترب من 4 ملايين مشاهدة

حقق فيديو كليب أغنية "بحبك" ل تامر حسني نجاحا كبيرا خاصة بعد أزمة الفنانة حلا شيحة، حيث إقترب من كسر حاجز ال 4 ملايين مشاهدة عبر القناة الرسمية على موقع "اليوتيوب".

"أغنية بحبك" ل تامر حسني من فيلم "مش انا" كلمات محمد محسن، وألحان محمد سراج، وتوزيع توما تم التسجيل ب TH production م/ عبد الرحمن شوقي إنتاج حسام حسني TH production إخراج سارة وفيق، قصة و سيناريو وحوار تامر حسني.

وكانت حلا شيحة، قد كتبت من خلال حسابها الرسمي على "الأنستجرام": "أنا اتفاجئت جدا بنزول كليب يجمع فيه مشاهد متفرقة من الفيلم وخصوصا بعد آخر بوست نزلته ووضحت فيه أنا إيه.. واتفاجئت أكتر خصوصا بعد وعد تامر حسني ليا وتأكيده إنه حيحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه هيحترم رغبتي».
وأضافت حلا شيحة: «إحنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح بتكلم من قلبي الكليب ده ميرضيش ربنا وأنا عيطت لإني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وبننسي".
تريند x خبر.. محمد رمضان يرد على سخرية أحمد الفيشاوي .. و بسمة وهبة عن حلا شيحة ومعز مسعود: مالهمش بيت يتكلموا فيه
بعد خلافها مع تامر حسني .. شخصية حلا شيحة حسب برجها
وتابعت حلا شيحة: "أنا مش هتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص إحنا أغلبنا ناسيينها إلا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن".
وأكملت حلا شيحة: "احنا كلنا عندنا امتحان في الدنيا دي وحابة أفكرك بالفيديو ده يا تامر اللي قولت فيه أنا مش بتمنى أموت وأنا مطرب أنا دايما خايف کده.. كلام أكيد قولته في لحظة صدق جواك وجوانا كلنا، شوفه تاني يمكن يفكرك إن جواك أكيد في صراع وأنا وكلنا بنغلط بس المهم في الآخر نتدارك الغلط ونصلح .(إلا من تاب وآمن عمل عملا صلحا أولئك يبدل الله سيئاتهم حسنات وكان الله غفورا رحيما).. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد".