والد طالب طب قصر العيني : منتحل صفة نجلي غير مقيد بالمدرسة من 2004

كشف الدكتور أيمن منصور والد الطالب فادى أيمن منصور الشهير ب طالب طب قصر العيني عن آخر المستجدات عن واقعة تزوير نتيجة الثانوية العامة الخاصة بنجله .
وقال الدكتور أيمن منصور والد طالب طب قصر العيني خلال تصريح لصدى البلد " ذهبت إلى الإدارة العامة للامتحانات بوزارة التربية والتعليم ، وقالولى إن اسم طالب تانى على الورق الخاص بابنى" .
وأضاف والد طالب طب قصر العيني: " أن الطالب الذى قام بالتزوير غير مقيد بالمدرسة التابع لها نجلي وأنه يوجد موظف هو من قام بهذا التزوير ، مؤكدا على أن الطالب المزور ليس له أى ورق فى السجلات من سنة 2004 إلى 2020 " .
بدء ظهور نتائج امتحانات الفصل الدراسي الثاني بكليات جامعة القاهرة
رئيس جامعة القاهرة عن واقعة طالب طب قصر العينى: لو ليه حق هياخده
لطلاب جامعة القاهرة .. تعرف على الاوراق المطلوبه لاستلام شهادة التخرج
بالتزامن مع قرب افتتاحه .. معلومات عن مسرح "دولت أبيض" بجامعة القاهرة
و أكد والد الطالب فادى أيمن ، أنه يمتلك كافة الأوراق التي تثبت تدرج ابنه الدراسي ودرجاته في كل سنة ، مشيراً إلى أن سنوات دراسته كلها كانت في مدرسة واحدة .
وقال والد طالب طب قصر العيني :" سيادة رئيس الجمهورية و سيادة وزير التعليم أرجو التدخل الفوري في هذه المشكلة ، ابني عنده امتحان يوم السبت ومستقبله هايضيع ، الموضوع قضية رأي عام ده مستقبل ناس بيضيع ويخده ناس تانية .. ازاي بيحصل كده ؟"
ماذا قال الطالب فادى أيمن في فيديو الاستغاثة ؟

وقال الطالب فادي أيمن، طالب طب قصر العيني في الفرقة الثانية جامعة القاهرة ،:" بأعمل الفيديو ده عشان استغيث بسيادة الرئيس عبد الفتاح السيسي ووزيري التربية والتعليم والتعليم العالي وسيادة النائب العام .. أنا طالب عادي زي أي طالب في كلية الطب ، المفروض بنجهز حاليا لامتحانات آخر السنة ، لكني فوجئت بتليفون من شئون الطلاب عندي في الكلية بيقولوا لي انت محروم من دخول الامتحان وطلبوا مني اروح للشئون القانونية المركزية في جامعة القاهرة .. ولما روحت قالوا لي نتيجة الثانوية العامة بتاعتك مزورة والمجموع ده بتاع حد تاني وأنت واخده".
وأضاف الطالب : " طيب انا دلوقتي معايا رقم جلوسي الاصلي بتاع الثانوية العامة محتفظ بيه بالصدفة ، روحت اطلع اثبات من الادارة العامة للامتحانات ان ده رقم جلوسي ، و هناك اتفاجئت انه متغير عندهم".
وقال الطالب : "طب انا كدة اعمل ايه حقي راح ودرجاتي بتروح وفي واحد تاني واخد رقم جلوسي و اسمي وداخل بيه كلية تانية.. انا طالب منكم تساعدوني عشان عندي امتحان السبت الجاي".