حذَّر الشيخ خالد الجندى، عضو المجلس الأعلى للشئون الإسلامية، من وصفهم الدجالين باسم الدين والقرآن، لسرقة أموال الناس، قائلاً: "دول نصابين ولصوص إوعى تصدّق كلامهم وقرآنهم، إوعى يخدعوك عشان يسرقوك، دول ياكلوا مال النبى ويحلّوا بالصحابة". وفسّر "الجندى"، خلال حلقة برنامجه "لعلهم يفقهون"، المُذاع على فضائية "dmc"، اليوم الأربعاء، قول الله تعالى: "كَذَٰلِكَ نَسْلُكُهُ فِي قُلُوبِ الْمُجْرِمِينَ"، قائلاً: "أيوة ده القرآن، وده مجرم لما تلاقى حد يبلفك بالقرآن خلى بالك هيسرقك وهيضحك عليك، وأكبر دليل على كده اللى حصل من شركات توظيف الأموال اللى سرقوا الناس باسم الدين وتربّحوا بالدين والقرآن ويدوا الناس 3 تمرات".