السؤال ده جميل والله .. و فكرت فيه كتير و أكيد في كتير مننا اتسحل في إجابة السؤال ده .. بعد بحث و مناقشات و قراية و فرجه لقيت أحسن واحد بيتكلم عن اختلاف طريقة التفكير بين الراجل و الست ..وهعرض عليكم رأيه في السؤال ده اللي عمل عنه محاضرة مدتها 4 ساعات عن السؤال ده : Expert and preacher Mark Gungor Relationship ورقة و قلم و اكتبي معايا يا ست كل ..لا مش ورقة فلوسكاب .. بيقولك : 1. اطلبي منه أكتر من مرة . نقطة آه والله بصي .. لما تطلبي من الراجل يعمل الحاجة مره واحده ده ولا كأنك طلبتي منه اصلا .. و بيحكي موقف حصل مع مراته بيأكد المعلومة البديهية دي : " طب اثبتلك بدليل عملي مثلا مراتي مره بتقولي ممكن تودي بودي الحضانة ؟ قلتلها لاااء - عشان خاطري - لأ متبقاش سخيف بقي - أنا سخيييف راحت ماسكاني من خدودي الملظلظه دي و كده اهوو (بتمسك وشه كأنها بتكلم بيبي ) حبيبي أنت روحي أنت مين اجمل جوز مش أنت ..فخلاص قمت عملتها بدل ما اقعد مع بودي في الحضانة .." تعالي بقي اطلبي من جوزك مرة واحدة مثلا انه يشيل الغسيل ..مش حيسمعك ..جربي حتي تحطيه في نص الأوضه يا حيعمل اسبرنت و ينط من فوقه يا حيلف حواليه يا حيطوف داير مايدور و بررررضه مش هيعمله ! و الزتونة اللي أغلبنا مش هيحب يعترف بيها : أن المشكلة في كينونه الست من جوه .. احنا اصلا مش بنحب نسأل كتير ! احنا مبنحبش نسأل اصلا! ليه ؟ حتقوليلي و حقولك : "ماهو لو بيحبني مش المفروض اقوله " عمك مارك بيقولك : يا ستي اطلبي ...اطلبي تاااني ..بس أنا هارشكم خلااااابيص إنتي مش عيزاه يعمل الحاجة ..إنتي عيزاااااه يعووووووز يعمل الحاجة ! عمك مارك بيأكدلك المعلومة دي تاني ردا عليكي : احنا مش عاااااااااايزين نعملها ! مش عايزييييين ! ماهو لو كنا عايزين كنا عملناها من غير ماتطلبي ! و هنا محتاجين نكلم نفسنا و نسألها .. : ليييييه ببتهتمي و تحللي كينونه الدافع النفسي الا واعي للدافع العاطفي للراجل ؟ ليه ليه ؟ بس تعالي اقربهالك .. زي لما ست تبقي عايزه تبين قد ايه هي معطاءة و صاحبه واجب و كاسرة عينك .. علي فكره أنا عملت الشاي عشان بحبك ..ماشي ..عشااااان بحبك و تتك كده علي P الموضوع يا حبيبتي ببساطة كل الرجاله عايزه تعمل ... الولا حاجة .. خدي كلامي ثقة ممكن تضيفي الحته دي في ضهر الورقة .. ففكك بقي من كينونه الدافع النفسي الا واعي للدافع العاطفي للراجل .. و خلينا نتفق كده بالمعروف ..مفيش راجل عايز يعمل حاجه.. اطلبي اللي إنتي عيزاه.. مارك بيقولك كده ! الست حتقولي تاني : ماهو لو بجد بيحبني هيعمل اللي أنا عيزااااااه !!! لأ ! اطلبي اللي انتي عيزاه! و دي شوية نصايح ترجمتها من محاضرته و خلتها بالبلدي كده عشان تبقي بسيطة و مش مكلكعة ! هتحتاجي تطلبي أكتر من مره - لما تطلبي من الراجل أي حاجة مره واحده كأنك مطلبتيش منه تماما ..ولو سألتي تاني ليه لازم نطلب أكتر من مره ؟ حقولك عشان هما مش عااااااااايزين يعملوا أي حاجة ..باعترفاتهم !! حتقوليلي ده زن أو اعوذ بالله "nagging" حقولك لأ ده مش زن..الزن لما تطلبي منه أكتر من مره ب attitude ولو الرجالة مش عاجبها الزن اخرس و أعمل الحاجه عشان تخلص من الزن! بسيطة والله ... و عشان كده بنقول و نعيد : المشكلة في الست انها مش عايزه الراجل يعمل الحاجة لأ دي عيزاه يعوووووز يعملها اوعي تشتميه و أنتي بتطلبي حاجة.. مش هيعملها. تعالي نفكر بره الصندوق في الموضوع ده ولا اقولك .. تعالي نرميه ! لما تكوني عايزه حاجة من ربنا بتحتاجي ايه ؟ تسأليه ؟ و بتحتاجي ايه كمان .. تسأليه أكتر من مره ! وطبعا مش هينفع تشتمي ربنا (استغفر الله (لو الحاجة اتاخرت و مجتش في وقتها .. الخلاصة : طبقي ده برضه علي الراجل ..متقوليش أنا عايزه راجل بتاع ربنا و أنتي عايزه تهينيه عشان يلبي طلباتك و اللي انتي عيزاه. بس خلاص .
