سعد الصغير يساند "تامر حسنى" وينشر صورته قبل الشهرة

أعلن المطرب الشعبي سعد الصغير تأييده للنجم تامر حسني ومساندته له بعد السخرية من صورته وهو صغير، إذ نشر صورة له قبل الشهرة مع صورة تامر، وعلق عليها قائلًأ "بعد اذن حضرتكوا ممكن تشوفو الكلام ده كويس وياريت للاخر".
ثم تابع سعد الصغير قائلًا "اليومين دول شايف كافنان متابع كل ماهو جديد علي ناس بتتريق علي صوره الفنان المحترم تامر حسني .. المشكله مش هكلم علشان تامر بس المشكله، نفسي كل واحد يعرف الفنان او اي حد تعب في المجال بتاعو لي حد لما بقا فنان ومشهور عمل اي في حياتو من وهو صغير، يعني انا في الصوره دي من وانا صغير وكنت شاب لسه ولا اقدر اتكسف انزلها ولا اي حاجه.. وانت يالي بتتريق شوف نفسك مش من وانت صغير شوف من كام سنه شكلك كان عامل ازاي ودلوقتي في اختلاف كبير ازاي، نركز شويه بقا في الكلام الي جاي #اقسم بالله انا اشتغلت كل شغلانه في الدنيا حضرتكو تتخيلوها وكل فنان محترم اكترهم كانو كدا علشان يوصلو للي هما في دلوقتي .
واستطرد "سعد" قائلًا: "من تعب تحت الصفر لحد ماعمل نفسو بنفسو علشان كان حلم من وانت صغير بتحبو ونفسك لو توصل بس لو حاجة منو".
ثم استكمل "سعد" كلامه قائلًا "انا عن نفسي والله تعبت اوي اوي ونفس النظام حصلي في سنه من السنوات صوره ليا انا وامي بناكل زي اي حد وكتبو سعد الصغير وهو فقير #الفقر لايمكن يكون عيب او اي حاجة بالعكس بيصنع رجال في يقدار يعتمد علي نفسو في حياتو الشخصيه والمسئوليه، اسال نفسك لاعيب كوره القدم من عرق ومن شمس بتتعبو ومن تمارين واسال نفسك من فنان سهران طول الليل وتصوير وتعبان علشان اكل العيش في الاخر ويصنع نفسو ويبقا مشهور لو سمحت ياريت قبل مانتريق شوف ده بقا اي وانت اي مع احترامي للجميع شكرا".