بالفيديو..هتافات متظاهري السويس:احلقوا شنباتكو.. طنطاوي عرى بناتكو

* ومتظاهرة: احلق شنبك واحلق دقنك.. إحنا بنات هتحرر بلدك.. باللي نايم ع السرير.. البنات نزلوا التحرير
كتبت – نور خالد :
قال تكتل شباب السويس إنه بعد مسيرة وأثناء العودة إلى ميدان الأربعين وردتهم أنباء عن أن عدد من المؤيدين للمجلس العسكري احتلوا الميدان، فآثر البعض إنهاء اليوم دون مصادمات، بينما توجه البعض الآخر إلى الميدان وعند اقترابهم ابتعد مؤيدو المجلس العسكري على الفور.
وفي لقطات بثتها قناة الجزيرة مباشر مصر للمظاهرات في السويس كانت الهتافات كلها مناهضة للمجلس العسكري وشملت الهتافات:
من السويس للتحرير يسقط يسقط المشير
مصر بلدنا خسارة فيه.. تل أبيب أولى بيه
يسقط يسقط حكم العسكر.. مصر بلدنا مش معسكر
علي وعلي وعلي الصوت.. الحرية مش هاتموت
احلقوا شنباتكو... طنطاوي عرى بناتكو
احلق شنبك واحلق دقنك.. إحنا بنات هنحرر بلدك
آه يا سلفي يا إخوان.. البنات نزلوا الميدان
ياللي ساكت ساكت ليه.. بعد عرضك فاضل إيه؟
ارفعي راسك ارفعي راسك.. أنتي أشرف م اللي داسك
الطنطاوي راجل كداب.. شرف البنت الخط الأحمر يسقط يسقط حكم العسكر
مش قابلين الاعتذار هتك العرض مش هزار
انزلوا من بيوتكو.. طنطاوي عرى بناتكو
باللي نايم ع السرير .. البنات نزلوا التحرير
واحد.. بناتنا ماتتكشفشي
أتنين.. المصري ما يتهانشي
تلاتة.. طنطاوي لازم يمشي
مسرحية تمثيلية .. والعصابة هي هي
شلنا مبارك جابوا حسين جاتكوا مصيبة انتوا الاثنين
طنطاوي ومبارك.. أيد واحده
آه يا مجلس الأوباش.. بنات مصر ماتتعراش
مجلس خيبة ومجلس عار.. يضرب يسحل ف الثوار
شرعيتنا اللي بتحمينا.. وأنت يا جيش ارجع على سينا
http://www.youtube.com/watch?v=niXS2Lxt1ME&feature=player_embedded#