سخرية على تويتر من مهرجان البراءة للجميع برعاية ماما سوزان: انشغلنا ب كاميليا فهربت سوزان

* خرجت سوزان بدون دعامات لتدعم فكرة “انتم بيضحك عليكم”.. سبحان من يحي العظام وهي رميم
* بندق بلطجي “مدينة السلام” قال لي: عرّفت اللي حصل ، سوزان هتعتذر للشعب ...وهما هيتنازلوا عن الثورة
* فهمونا غلط لما طالبنا بالإفراج عن معتقلين سياسيين فأفرجوا عن سوري وسرور
كتب: أحمد سمير
أثارت أخبار عودة الصحة لسوزان مبارك بعد قرار الكسب غير المشروع بإخلاء سبيلها سخرية وغضب الكثير من المواطنين على الفيس بوك وتويتر .. كما أثارت أنباء تنازلها عن جميع أرصدتها المالية لصالح الدولة سخرية النشطاء أيضا .
بقدرة قادر سوزان رجعت بنت عشرين وقلبها زي الفل ومش محتاج قسطرة ولا حاجة.. سبحان من يحيي العظام و هي رميم”
خرجت سوزان بدون دعامات لتدعم فكرة انتم بيضحك عليكم
هما تقريبا فهمونا غلط لما طالبنا بالإفراج عن معتقلين سياسيين فأفرجوا عن سوري وسرور
نقتل جمال ونحرق علاء ونسحل سوزان ونغرق أحفاده فى عبارة، ونعتذر له لو قبل اعتذارنا هنقبل اعتذار
سوزان ..عايز اسجن أختي
بعد انشغالنا بالبحث عن كاميليا وعبير هربت سوزان.. أنا عايز أختي سوزان
مهرجان البراءة للجميع .. تحت رعاية سوزان مبارك
سوزان كل اللي تنازلت عنه 20 مليون وفيلا.. ده نهب ساعة واحده بس
يا ترى بقى سوزان هتعمل القسطرة ولا خلاص كده خفت
هيعدموا العيل اللي اغتصب واحده...طيب ما سوزان ضحكت على أطفال مصر كلهم
بندق بلطجي “مدينة السلام” قال لي: عرّفت اللي حصل ، سوزان هتعتذر للشعب ...وهما هيتنازلوا عن الثورة
بتقولوا لنا بنفلس بسبب المظاهرات وبعد كدة افرجتوا عن سوزان.. طيب كده انتم عايزنا نفلس
طيب، أنا لن أنجرف في هيستريا سوزان اتحبست ولا أفرج عنها، ومبارك هيعتذر ولا حيتسجن.. أنا نازلة يوم 27
أيها الناس،إنما ضل من كان قبلكم،إنهم كانوا إذا سرق الشريف تركوه، وإذا سرق فيهم الضعيف أقاموا عليه الحد..لو أن فاطمة بنت محمد سرقت لقطعت يدها
أعلن إبليس في بيان رسمي أنه إن قبل الشعب اعتذار مبارك و أن حكم له بالبراءة فإنه سيجدد عشمه في دخول جنة الفردوس،و أضاف: هي جت عليا؟
يذكر أن جهاز الكسب غير المشروع اصدر قرارا اليوم بالإفراج عن سوزان مبارك بدون ضمانات بعد تنازلها عن حساب بقيمة 20 مليون جنية وقصر بمصر الجديدة .