تباينت ردود أفعال الشباب علي الموقع الاجتماعي الشهير فيس بوك عقب الاستجابة لمطلب رئيسي من مطالب ثورة25 يناير, والاعلان عن قرار النائب العام عبدالمجيد محمود فجر الاربعاء بحبس الرئيس السابق حسني مبارك ونجليه احتياطيا. وقاموا بإنشاء عدد من الصفحات حمل احدها اسم الصفحة الرسمية لسجن طرة. اهلا بكم.. وضمت الصفحة في اقل من ساعتين من انشائها3000 عضو وعلق اسامة مصباح احد المشاركين زي ما قال الريس سجن طره كويس وقال هاني القاضي طره لاند الراعي الرسمي للفاسد المصري وعلي غرار اغنية ملاهي دريم بارك الشهيرة قال محمد جودة في طره لاند ومن عالباب.. العادلي يقابلك بالترحاب.. وجوه تلاقي جرانة معاك.. وعز برضه بيستناك وجيمي حبوب وكله ألاطة.. خلي بلدنا علي البلاطة.. عادلي.. تعالي بينا يلا.. احنا وشله نقتل ونسرق فلوس كتير.. طره لاند بيت مبارك الكبير.. تعال وزاره هناك كتير طره لاند: ليه تسرق مره لما ممكن تسرق مليون مرة. وفي محاولة منه لعمل شعار اعلاني كنوع من الدعابة لسجن طره قال أحمد أبوزيد سجن طره.. زنزانة عصرية علي أرض مصرية وتساءلت سلوي الشيمي عن عدد أعضاء لجنة السياسات بالحزب الوطني قائلة: هما كام واللي اتقبض عليهم كام.. يبقي فاضل كام هو ده سؤال النهارده؟ ووضع احد الاعضاء صورة تجمع جمال وعلاء مبارك محاولا طمأنتهما بأغنية ماما زمنها جاية.. واطلقوا شعارا جديدا الشعب يريد.. محاكمة المدام. وفي محاولة منه لاستكمال حمله مليودي الخاصة بالافلام العربي أم الأجنبي قال ريكو نادي ف السنه اللي قرر فيها جمال يترشح للرئاسة حبسناه هو وابوه واخوه واللي جابوه واللي اتشددوله.. الشعب المصري أم الأجنبي ولم تخل التعليقات من انتشار النكت السريعة التي اشتهر بها الشعب المصري علي مر العصور.. قال محمد جودة مبارك كان عامل اجتماع مع جميع الوزراء سوزان اتصلت بيه قاللو الحق ياحسني البيت اتسرق قالها اتسرق ازاي والحرامية كلهم هنا. وقال مصطفي فتحي الكاتب الشاب ورئيس تحرير راديو حريتنا علي صفحته الخاصة علي الفيس بوك ياللي من البحيرة وياللي من آخر الصعيد.. ياللي من السويس الحرة أو من بورسعيد.. هنوا بعضيكم وغنوا في فرحنا السعيد.. ومصر اليوم في عيد واستقبل امير صلاح الدين المطرب الشاب وعضو فريق بلاق تيما القرار معلقا علي صفحته كده يبقي فاضل جمعة سوزان في القناطر ويبقي عندنا طره هيتس والقناطر هيلز. وقال الكاتب الصحفي ياسر الزيات علي صفحته أمس عاجل: بعد ازدحام سجن طره.. الداخلية تقرر نقل مسئولي الحزب الوطني إلي حديقة الحيوانات في الجيزة ثم اقترح بعمل دعوة للمساهمة في شركة بورتو طره قائلا ساهم ولو بفايبر يتور. وقالت الناشطة السياسية اسر ياسر اتأخرنا عليكي قوي يا مصر.. سامحينا يا مصر.. وكتب محمد علي الدين المصور الصحفي علي صفحته مين اللي يقدر يسجن مصر؟!!! ولا حد. وكتب هاني سلامة علي تويتر عددا كبيرا من التعليقات الساخرة منها هو لسه في حد بره طره غير النائب العام, واعقبه قائلا ايوه لسه السباعي بتاع لفافة البانجو بره وهو اللي بيكتب التقرير بتاع مبارك طبعا علشان يفضل في المستشفي.. سلبطة يعني تعليقا علي الخبر المتعلق بالحالة الصحية للرئيس السابق, كما سخر من الاخبار التي ترددت عن التحقيق مع سوزان مبارك قائلا: عاجل: انباء عن افتتاح بورتو القناطر لاستقبال كبار الضيوف شوزي. وفي جملة طويلة جمع اسماء من تم حبسهم علي ذمة التحقيق خلال اليوم احتفالا بهم قال فيها ياجمال الأخبار النهاردة, يوم مبارك وكله سرور, وعلاء للمصريين. والشعب منصور بإذن الله, طره لاند عصابة غير أي عصابة. وبد خبر القبض علي مرتضي منصور كتب عاجل: انباء عن ترشيح مرتضي منصور رئيس جمهورية بورتو طره.
