جلاد.. أنانية.. قسطرة

شعر وفاء البغدادي
(جلاد)
مليون جلاد
وزعوا أسواطهم
فوق مليون
حته ف جسمى
من فضلك إوجد
حاصل القسمة
اللى فرضها
الحزن عليا
لو حلتها
صحيح
راح تعرف ليه
الناس
شايفانى لسه
هرم
(أنانية)
منى بتحس
القوة
وبتشرب من
أحزانى صبر
منك باخطف
بكره البردان فى عنيك
وأحطه ف
حضنى يتدفَّى
واما أرده
لعينك
متشوفش ف
قلبى غير البرد
(قسطرة)
فى محاولة من
دكتور القلب بتاعى
إنه يمرر كل
الأحلام
وسَّع شريانى
التاجى
ولأنى ف خلاف
دايم ويا الحلم
بقت الفرصة
أكبر لخروج حلم وحيد
كان نفسى
يعيشنى لحد ما أموت
Comment *