ميادة مدحت : على تونس الخضرة

وأرضها الحرة
خدنى يا قطر الأمل
وصلنى للثوار
واوصلنى بالأحرار
أشرح لهم ذلى
واوصف لهم أملى
انى أكون زيهم
فى قولى وف عملى
*******
على تونس الحرة
وشعبها الثائر
آخد هناك عبرة
واتهنى يا جزائر
لما أشوف الشعب
قادر يخطى الصعب
ويثور على الفجرة
فى تونس الحرة
****
سيدى بوزيد قامت
مدد .. يا سيدى بوزيد
مهما السيوف نامت
النصر له مواعيد
عمره ما يخلفها
لو عسكر الحاكم
كان مفترى وظالم
لك جيش يا شعب العرب
حامى حماك
حاكم قالوا زمان حكمة
لو تشترى المملوك وتعسكره
يتنمرد
أما اللى نسل ملوك
وأبوه شقيق لأبوك
هيصون حماك حتى
لو كنت متمرد
****
وعلى سيرة الأحرار
يا شعب لو ليك جار
اتأمله وشوفه
كيف عدى على خوفه
وواجه الأخطار
لاجل السواد ينجلى
ونلتقى له نهار
******
مين أولى بالشفعه
غيرك يا متخاذل
متقولشى مش نافعه
ده انت اللى بيه قابل
طب قول له لأه فى يوم
وشوف هيستنى
يحكم ويتهنى
ولا هيتنازل
عن عرشه فى مقابل
راسه على صدره
تقعد وتستنى
مواضيع ذات صلة
1. ميادة مدحت : مدنة وصليب
2. ميادة مدحت : بكائية مولد أبو حصيرة
3. مظاهرات في تونس احتجاجا على تفشي البطالة.. والمتظاهرون يهتفون ضد استبداد بن علي
4. انتفاضة البطالة تتصاعد في تونس.. والشرطة تفتح النار على المتظاهرين وتقتل4 مواطنين
5. تونس حرة