بالفيديو.. متصل لبكري: أنت أكتر رجل "منافق" في مصر.. والصحفي يرد: "لغتك تدل إن مفيش تربية سياسية"

تعرض الكاتب الصحفي مصطفى بكرى لموقف محرج على الهواء مباشرا أثناء تقدمه لبرنامجه منتهى الصراحة على قناة الحياة 2, عندما قام متصل من مدينة الإسكندرية يدعى محمد بمهاجمة بكرى ووصفه بالنفاق.
وقال المتصل لبكري " ممكن حضرتك تديني وقت في دقيقة واحدة هقول رأيي في حاجة معينة، فرد بكري: "تفضل يا أستاذ محمد"، فقال المتصل : أنا عايز أقول لحضرتك حاجة واحدة أنت اكتر راجل "منافق" في مصر، حضرتك طبلت للمجلس العسكري.
وعندما حاول الأستوديو منع الصوت, قال بكرى" سيبه سيبه خليه يكمل اتفضل", فقال المتصل: "حضرتك طبلت لحسنى مبارك وطبلت لكل شخصية عامة في مصر ومش لاقي حاجة تعملها بصراحة سوى تطلع تضحك على الإخوان اللي كنت بتسلم عليهم لما أهنت البرادعي".
وفور انتهاء الاتصال، علق بكري قائلا: شكرا جزيلا لك أتمنى أن تتعلم أدب الحوار، للأسف اللغة دي عفا عليها الزمن واللي زيك مفترض على الأقل يعرف تربية سياسية ويعرف يناقش الناس أزاي ومع ذلك أتحت لك الفرصة كاملة حتى تتحدث، لأن للأسف هذه اللغة الموجودة لدى البعض هى لغة تعبر على إن مفيش تربية سياسية".
Comment *