نشطاء يردون على بيان العسكري في ذكرى سقوط المخلوع: “كوبي بيست حسني مبارك”

* تعليقات: الجيش عامل زي المخلوع بيشنق نفسه.. وبرضو يسقط يسقط حكم العسكر.. وهل أنتم من كوكب آخر؟!
* معلق: مين اللي كاتب البيان احمد المسلماني بردوا؟.. ومؤيد للعسكري: كلنا مع الجيش صانع المعجزات من قديم الأزل
كتب – اشرف جهاد :
انتقد عشرات من أعضاء صفحة المجلس الأعلى للقوات المسلحة البيان الذي أصدره المجلس العسكري في ذكرى سقوط الرئيس المخلوع حسني مبارك, وحذر فيه مما وصفه بالمخططات التي تستهدف ضرب الثورة عن طريق بث الفتنة بين أبناء الشعب والفرقة والوقيعة بينهم وبين قواتهم المسلحة.
ورصدت البديل عشرات التعليقات على البيان الذي نشرته صفحة المجلس العسكري على الفيس بوك ومنها:
- كوبي بيست من حسني
- برضو يسقط يسقط حكم العسكر
- الجيش عامل زي الريس بيشنق نفسه
- مين الى كاتبه احمد المسلمانى برده
- مش مصدقه و لا كلمه
- وانتم طيبين وعلي دماء الشهداء مبسوطين وبدمعة ام فقدت وليدها فرحنين... حسبنا الله ونعم الوكيل
- انا حاسس انكم فى عالم و احنا فى عالم تانى, مؤامرات تانى؟؟!!,هو المجلس ليه بيتمسح اوى فى الجيش كدااااااااااا؟؟!!
- بيان معقول ومقبول_بس انا ملاحظ ان كل اللي بيقولوا نعم للمجلس_ بتوع اسف يا مخلوع!
- كلام فارغ
- هل أنتم من كوكب آخر؟!
- يا مشير يا مشير أسال نفسك ع التمويل
- إن غاب الأمن وعز الأمان فطهروا أجهزة أمن الشعب بإعادة بنائها.. لا بإعادة أندالها..
- الجيش حمى الثورة علشان ماكانش راضي عن مشروع التوريث بس اي حاجه تانية كان راضي عنها !! علشان كده على مدار عام كان بيحاول انتاج النظام القديم (بدون توريث) !! لا ننادي بسقوط الجيش لكن ننادي بسقوط الحكم العسكري يعيش جيش مصر مرفوع الرأس و يسقط حكم العسكر !! يسقط حكم العسكر يسقط كل مبارك يسقط كل ظالم يسقط كل غادر يسقط كل خائن ...
كما رصدت البديل تعليقات مؤيدة للعسكري مثل:
-نعم للمجلس العسكري ......................................
- كل واحد ضد الجيش اللى ضحى بأرواحهم فداءا للوطن يبقى أهبل وعبيط وعميل للأمريكان والصهاينه
- نحن معاكم يامجلس ياعسكري
-خلو بالكم من “قناه السويس”ياجيش مصر امريكا واسرئيل عوزها مقابل الديون نحن معاكم ياجيش مصر العظيم
- نحن معكم ولن يكون هناك إضراب او عصيان وسوف نتصدى لرؤوس الفتنه لعنهم الله وستبقى مصر حرة أبيه بقواتها المسلحة وشعبها النقي اما فئة الفساد فان من سيظهر منهم غدا فليحضر كفنه وسنسقطه هو من سجل الأحياء.
- كلنا مع الجيش العظيم صانع المعجزات من قديم الأزل سير على بركة الله شعب مصر من وراء المجلس الأعلى للقوات المسلحة