الآلاف من طلاب عين شمس يرتدون أقنعة الشهداء في مسيرة للتحرير تهتف ” لا طنطاوي ولا عنان .. دول مبارك همه كمان”

* الطلاب هتفوا : قال بيقولوا احتفالات قولي فين حق اللي مات.. عسكر عسكر ليه.. بردو هيمشي سعادة البيه..
كتب – محمود عبد المنعم
نظم آلاف من طلاب جامعة عين شمس مسيرة من أمام الباب الرئيس للجامعة إلي مسجد النور بالعباسية لالتقاء مع مسيرة كلية الهندسة والطب عند مسجد النور بالعباسية .. وردد الطلاب المتظاهرون هتافات مثل :عسكر عسكر ليه .. برده هيمشي سعادة البيه ولا طنطاوي ولا عنان..دول مبارك هما كمان
قولنا عيش كرامة حرية مش محاكمات عسكرية.. وقال بيقولوا احتفالات.. قولي فين حق اللي مات والقضية مش في شاويش..القضية في مجلس عسكر حط الشعب في وش الجيش.. وقول في كنيسة وقول في الأزهر يسقط يسقط حكم العسكر.
ورفع المتظاهرون لافتات ضخمة يسقط يسقط حكم العسكر ولافتة مكتوب عليها قصاص وعدالة اجتماعية وحرية و الثورة مستمرة .. وكلاكيت تاني مرة.
وارتدي بعض المتظاهرين تي شيرتات بيضاء مكتوب عليها يسقط يسقط حكم العسكر كما ارتدوا اقنعة مرسوم عليها صورة الشهيد د.علاء عبد هادي و الشيخ عماد عفت.