لواء سابق يترشح للانتخابات بشعار :” أحد أبناء القوات المسلحة حماة الثورة”.. ونشطاء: “حكم عسكر تانى”

تداول نشطاء على موقع التواصل الاجتماعي فيسبوك صورة دعائية للواء سابق بالقوات المسلحة يدعي محمد المداح مرشح لانتخابات مجلس الشعب القادمة مكتوب عليها في التعريف به ''احد ابناء القوات المسلحة حماة الثورة ''.
وانتقد النشطاء الصورة والتعليق الذي كتبه المرشح محمد المداح، وكتب أحد النشطاء ''يالهوى حكم عسكر تانى كدة خلاص فعلا هاسافر واسيبها'' وكتب آخر'' ولسه ياما هنشوف طول ما أنتوا مصدقين كدبة حماية الثورة دى الشريعه اللى هيحكمونا بيها 60 سنه تانى'' .
وعلق آخرون على الصورة قائلين:
- يعني مرشح نفسو مستقل ومتصور بالبدله الميري وكمان بيتمسح في الثوره؟
- المخلوع ذلنا بالضربه الجويه .. وسيادة اللواء بيذلنا بحماية الثوره .. وبكره الدكتور يذلنا انه بيعالجنا والداخليه بتحكينا والمهندس بيبنى لنا بيوت ..على اساس ان كل ده مش واجبهم اصلا.
- وانت عملت اية عشان حميت الثورة .. اتبهدلت .. حد من اهلك عينو راحت .. ولا اضرب بالرصاص .. خلاص زمن انكو تستعبطو الشعب راح
-وجهة نظر : مش المفروض إن في قانون عدم التمييز , يبأه لازم يمنعوا الشعارات العسكرية كما منعوا الشعارات الدينية مش كده وله إييه ؟