كشف عماد متعب، لاعب النادي الأهلي ومنتخب مصر الأسبق، تفاصيل حالته الصحية، قائلا: "الحمد لله أنا تمام ومفيش أي مشكلة خالص". حيث أضاف "متعب"، خلال مداخلة هاتفية ببرنامج "الحكاية"، المٌذاع عبر فضائية "إم بي سي مصر"، : "من فترة كنت تعبت شويه في الجونة، ودخلت المستشفى لأطمئن على نفسي، وطلع عندي حصوات على الكلي، والأطباء قالوا فيه مشكلة في القولون". وأشار: "الموضوع عدى على خير، وبعدها عملت عملية في عيني منذ شهر ونصف، ودا سبب أن فيه تغير في وجهي، لكن الحمد لله بقيت كويس". وأوضح: "التعب مالوش علاقة بالجلطة اللي كانت عندي، ومفيش أي مشكلة كبيرة"، مردفا: "بشكر كل الناس اللي سألت عني.. وأنا عايز الناس تطمن مفيش أي حاجه خالص.. وأما قولت أنا هسافر كنت بقول كدا علشان أسافر اطمن على نفسي مش فكرة أني بشتكي من حاجه".