أمى العزيزة.. اشتقت إليك كما يشتاق الرضيع إلى ثدى أمه وكما يشتاق الزرع والإبل إلى جداول المياه.. اشتقت إلى نغمات صوتك، ورنين كلماتك، اشتقت إلى لمس يدك ونظرات حنانك.. اشتقت إلى أنفاس حبك وأحضان حنانك، كيف انقطع صوتك ورحلت همساتك؟.. فما زلت انتظر نداءك ومسامرة كلماتك. هل اختطفك الموت منى أنا القوى الذى انتصرت فى كل معارك حياتى؟.. انه عدو خائن خفى جبان لم يواجهنى فى اختطافه لك من بين أحضانى؟.. لكن غافلنى وطعنى فى ظهرى وعندما التفت إليه لم أجدك أمامى. حى هو اسم الرب القدوس ما كان يقدر أن يختطفك منى لو واجهنى.. لكنت سحقته تحت الأقدام وأنقذتك من مخالبه وهشمت كل الأنياب.. ذهبت انا إلى قبرك فكان صوتك يدوى فى كل الآذان.. قالت لى لا تحزن إن الموت لم يهزمك فأنا فى حضن المسيح قائد موكب النصرة والحاكم الديان، الذى هزم الشيطان وسحقه تحت الإقدام، وجعله أضحوكة وذليل وضعيف وفى الأتون سيلقيه بعد انتهاء كل الأزمان. أخبرينى يا أمى عن المكان فقالت لى ملوك وقديسين ونور وتيجان، لا حزن ولا ألم ولا تنهد ولا شخص عريان.. فرح وسلام واطمئنان ولا جوع كمان.. هناك العذراء وجرجيوس والبابا كيرلس وكل القديسين فى حضن الديان.. المكان قال عنه الكتاب لا يدخله نجس ولا زانى ولا سارق ولا عابد أوثان. مكانك هنا يا ابنى أنا شيفاه بالأعين، كرسى منور من ذهب ومكتوب عليه اسمك بنور الديان.. عيش فى المحبة اللى سلمتها لك واخدم اسم الإله القدوس كل الأيام.. سيبك من العالم وشهواته وخليك مع يسوع.. هو الطريق والحق والحياة، اخدم الفقراء والمساكين والمحتاجين وكل الضعفاء هما دول آل المسيح قال عليهم أولاده وإخواته وبارك كل اللى خدموهم ودان المخالفين باسمه الديان ومتنساش تحب كل الناس ومعاهم حتى الأعداء. يا ابنى انا أكملت السعى والجهاد فى عالم الشقاء والفناء وقد وضع لى إكليل البر والقداسة، لا تحزن وتشدد وخليك قوى فى الإيمان، فرحى بك لما تكمل طريقى فى السلام.. ربيتك على المحبة فى كل الأعمال لا تترك اسم القدوس وحب كل الناس وفى كل البلدان. يا أمى اخبرينى كيف كنت قوية واحتملتى كل أتعاب الأيام.. يا ابنى المسيح قال تعالوا إلى يا جميع المتعبين وثقلى الأحمال وأنا أريحكم.. عشان كدة كنت قوية تحت الأحمال وبيسوع انتصرت على تعب الزمان.. يا أمى اخبرينى اعمل إيه مع الأيام أنا حاسس أنى بقيت وحيد ويتيم وضعيف أمام الأيام.. يا ابنى متخفش من الأيام هناك يسوع ملء كل زمان فيه الكفاية والغنى فى كل مكان هتلاقيه معاك فى كل خطوة وعمل وستنجح فى كل زمان. يا أمى تعبان جدا ومش قادر أنام صوتك سكن وجدانى ويهز كل كيانى وحزنى منعنى من النعاس.. يا ابنى اطلب يسوع الديان هو الراحة وفيه كل السلام.. خليك معاه واخدمه هتكون نور لكل تعبان.. يا ابنى إنا بصليلك عند الرب وسيعطيك سلام ملء كل السلام. سلام يا أمى لحين لقائك.. بذكرك بمكانك يا ابنى اللى أنا شيفاه ومكتوب عليه اسمك فى وسط القديسين والأبرار.. حاضر يا أمى سأكون كلمة محبة ورسالة سلام ويد تطعم وتعالج وتحمل وتساعد وتمسح دموع التعبان، متنسيش يا أمى تصليلى عند يسوع كلمة الحياة وبداية ونهاية الزمان . حاضر يا ابنى اصليلك ومعايا العذراء والقديسين كمان .
