الأجر علي الله .. صدق او لاتصدق

مش عارف ليه الواحد من كثرة الهموم ومايراه في الشارع والناس بتكلم نفسها بيعجز القلم عن الكتابة والعقل عن المسك بقضية واحدة
او هم واحد من الهموم وبتسيح المسائل فى بعض لكن فجأة قلت باواد اللى تقدر تعبر عنه عبر عنه بدل ما يحصلك حاجة مذيعة مثقفة عرفت ببرامجها فى الاذاعة بحل مشكلات الناس والتفتيش عن أحلامهم فى برامجها اعترفت فى احدى اللقاءات التلفزيونية معها ان الهم لا يتلم وعلشان تنام بتلجأ احيانا للمسكنات والسبب تفكيرها فى هموم الناس وان مايحدث فوق طاقة البشر قلت ياواد الورقة والقلم احسن ليجرفك التيار وخد عندك جزء من الهم اللى ما يتلم
** 2 مليون تم تعينهم اكيد ممكن لانه فى 2 مليون توك توك فى مصر وممكن من تم تعينهم يدوب كم الف فقط بس بالفلوس اللى راحت لجيوب مجالس الادارات واعوانهم والوسطاء .
الراجل المناضل رفعت السعيد كادت دماغه تنفجر وهو يصرخ فى لقاء على العربية تعقيبا على مانشر من بيان حول الحياة الوردية الخادعة مؤكدا ان الحكومة كاذبة ومخادعة وكل تصريح ينفى الاخر طوال السنوات الماضية والله صحيح يادكتور ( هؤلاء مسئولى تخدير الفقراء للاسف الشديد نسيوا ان الشعب المصرى لديه وعى يفوق الحدود)
** وزير مش عارف مرتب موظفى الدولة طبقا للوائح كم يتقاضون هو قال ان الموظف فى اى قطاع فى الدولة بالدرجة الثالثة بيحصل على اكثر من 400 غير عشرات العمال والموظفين كذبوا ذلك على الهواء فى برنامج 48 ساعة بالمحوربرغم سنواتهم الوظيفية مهندسة دخلت على الهواء مع اخونا سيد على . المهندسة اقسمت باغلظ الايمان ان مرتبها يادوب بالكاد 300 جنية والوزير حاول يكذب الجميع والواقع ويصدق نفسه قائلا اكيد هؤلاء عندهم خصومات وهى تحلف براس امها وابوها ولايوم وانها من وقت ما تم تعينها وهى ملتزمة ( انا بتهيلى الوزير ده وزير فى دولة تانية او بلاد الواق واق )
** دولة بترشح وزرائها فى البرلمان ياعالم ده الوزير الصحفيين علشان يقابلوه عايز شهرين حتى يتم تحديد موعد يبقى المواطن البسيط فى دائرتة عايز 20 سنة لكى يحظى بشرف المرور امام مكتبه وان حصل كده يعنى الحظوة ح تبقى لابناء دائرتة ومعارفه وسلملى على بقية المحافظات واهاليها وبعدين هو الوزير عايز اية اكتر من انه وزير بيبرطع فى وزارتة طب ماهو الوزير ممكن يعمل اللى هو عايزة فى وزارتة وهو محصن زى جدتى ما كانت بتحصن الفروج من مرض الكريرة او الفرة
** مؤدى طلب 80 مليون لانه سوف يقوم ببطولة مسلسل فى رمضان الله يرحمك يافريد ويا عبدالحليم هو زكى رستم ونجيب الريحانى ومحمود المليجى ومحمد فوزى عادوا من جديد وبعدين ال 80 مليون هذه كم شفة تبنى لتسكين الفقراء او تاسيس مرافق فى قرية او حى من الاحياء الاخ المغنى ده ياترى سوف يناقش ايه من مشاكل اجتماعية فى المسلسل تحية تقدير للدراما السورية
** وزير بيصرف من ميزانية وزارتة ودم الشعب على الدعاية الانتخابية المال السايب
** محافظ فى عاصمة الاهرامات سالتة عندما تولى منصبه عايزين المحافظة زى قنا والاقصر نط واقف ح تصبح تحفة صحيح صارت تحفة فى اكوام الزبالة وانفجار مجاريها ووساخة اسوارها ( صلاة النبى احسن)
** موظف فى المحليات ذهب لصاحب عمارة بصوته الحيان انت مخالف صاحب العمارة فهم البذرة وقام اية لف ايده بالقرشين وغمزة. الموظف انفرجت اساريره وقال ربنا يتمم بخير ابنى ياراجل حتى الدور العشرين
** 2000 مدرسة تم تشيدها اما العيال ليه 60 فى الفصل المبرر احنا 100 مليون طب ما الصين مليار و250 مليون مش عنديها ليه تكدس ولا ازمة فى حاجة احنا المبرارات جاهزة الطمام ارتفاع اسعارها بسب احتراق الزرع وزى مبرر ازمة الخبز لانه مش عندينا قمح علشان ارتفاع الاردب وسعره عا لميا (ياناس دا احنا اراضينا شاسعة وكنا ثلة غلال )
** لحوم من هنا وهناك مستوردة توجع البطن ياعالم ده احنا عندنا حلايب وشلاتين تغطى مصر بجمالها ونعاجها والنبى حاسس انه فى تواطىء بين المستورديين والحكومة للقضاء على الشعب بالحمى القلاعية (حد من الدولة طرح فكرة مصنع لحوم هناك فى حلايب وشلاتين )
** فنطاس الميه 300 جنيه لشباب ابنى بيتك مش كان ممكن توصيل المياه للشباب بموسورة مية وحتة حنفية صينى لكل قطعة ولا هناك سبوبة بين بلطجية بيع المية وكله يرزق من الهبش
** ثلاثة نماذج لرجال الدولة المخلصين الفنان فاروق حسنى وزير الثقافة واللواء عادل لبيب محافظ الاسكندرية والدكتور سمير فرج محافظ الافصر والقليل منهم (البعض الاخر عايزين دورة تدريبية على كيفية العمل بامانة والنزل للشارع للوقوف على مايدور هذا راى مواطن بسيط )
** فى شارع الشهيد احمد حمدى بالطوابق بفيصل تم وضع النار جنب البنزين بتلقى ماسورة الغاز جنب الكهرباء جنب ماسورة المية جنب المجارى حد عاقل يقول لو ماسورة مجارى ضربت وعامل غلبان بدل ما يدور فى الارض على ماسورة المجارى كسر ماسورة الغاز( بالتاكيد الدنيا ح تولع بس اكيد المسئولين عباقرة ح يقولوا مبرراتهم ياجماعة اللى حصل قضاء وقدر )
** قابلت مجموعة شباب متجوزين صينيات سالتهم المصرية توكل رد واحد منهم وقال لى غالية ياعم الصينية تنام على( برش ) نجيب من فين شقة لوكس وشبكة بالشىء الفلانى ( قلت العنوسة المصرية فى رقبة الحكومة ) **هدومنا صينى اكلنا صينى ترمس صينى حمص صينى ابشروا قريبا فى كوز درة صينى ياحسرة على الحبيبة .. حتى الزوجة صينى يارب مش ممكن قالب نانسى عجرم صينى بقى ايه فى بلدنا مش صينى البركة فى الخصخصة
** مراقبين من الخارج على الانتخابات المصرية هو الاحتلال رجع تانى (على الطلب بالتلاتة ) لنطلع بالشوم على اى حد يدخل مصر الطاهرة البلد بلدنا رغم كرهنا لما يحدث من افقار الشعب
** مصطفى بكرى راجل صعيدى وبرلمانى صوته من قلبه الهم الاكبر عنده محاربة الفساد والمفسدين رجل فتح باب مكتبه للبسطاء من اسوان الى السلوم لقضاء حوائجهم برغم ان البهوات فى دوائرهم بتشوفهم الناس فقط كل 5 سنوات .
.فجأة طقت فى راس شلة المنتفعين وقالوا بكرى ده خسرنا ملايين وصدعنا احنا عايزين حد يصلى ورانا ويقول امين
الراجل شنعوا عليه واتهموه انه عميل لصدام ورجل الامن وراجل فلان وعلان وهذا كلام تلفيق وتزييف لكن من يقترب من هذا الرجل يعرف من هو مصطفى بكرى مد يده للجميع فى لحظات احتياجهم مشى فى افراحهم واحزانهم وبرغم انه دائما يصاب بالطعنات من خلف الظهر ( لكنه يقابل كل شىء بالضحك رغم الطعنات ويمضى مبتسما على مايحدث ) مبروك مجلس المعينين هى الكارنيهات طلعت ولا لسه.
**اخوك سوف يقتل ابن عمك والسبب ان الحزب وضعهم الاتنين فى مواجهة بعض فى الانتخابات فكرة عبقرية فرق تسد.