في لحظة صدق من جواك مع نفسك حاجات كثيرممكن تشوفها بشكل تاني وتبدأ تجدد بروح مختلفة في حياتك في لحظة صفاء مع ذاتك تشوف كثير غايب عنك وتمر حياتك قدام عينيك فتكتشف نفسك وكأنك أول مرة تشوفها وتعرفها كفاية تلوم علي غيرك وترمي كل اخطاءك علي الدنيا وتلوم الظروف والناس كفاية تشوف عيوب غيرك وتشوف نفسك من غير عيوب كفاية تقول مقدرش وتتحجج قدام نفسك أنك مظلوم من كل الناس واجه خوفك واجه ضعفك باخطاءك اعترف لان مفيش حد معصوم وما يفيدش في أي شيء الدموع واللوم علي غيرك لما تكابرعمرما شيء غلط في حياتك هيتصلح أنت المسئول عن حياتك وأفعالك أنت المسئول عن مستقبلك وأحلامك لو حبيت تعيش فاكر انك مظلوم وترتاح لانك وحدك شايل كل الهموم اكيد هتفضل عايش متألم ومهزوم وصعب تحافظ علي أي شيء جميل في حياتك وصعب تشوف أي أمل أو تحس لحظة سعيدة مرت بك لان استغراقك وسط الهموم والحزن يمنع عينك تشوف أي جمال في حياتك ويمنع قلبك يحس بمشاعر أي شخص نقي ومخلص بيحاول يسعدك. ساعتها فعلا لازم تكون مهموم لانك ضيعت فرص أكثر للسعادة والفرح في حياتك. بامكانك تعيش سعيد لما ترضي بكل لحظة تمر بك وتعرف أن الحياة فيها المر وفيها الحلو ومتقفش كثير قدام الصعب والمر الاعلشان تستوعب خبرات الحياة ومن المواقف تفهم وتتعلم ومن ألمك تكون أقوي وتدور علي أي لحظة تفرح بها وتشد نفسك من الهم مش عيب أبدا أنك تغلط وتتعلم وكل مرة هتكون أنضج وتتعامل أكيد أفضل مع حياتك بامكانك تعيش الواقع بكل ما فيه وتتغلب علي صعابه بارادتك وعزيمتك وفي كل يوم تسعي بنفس راضية وقلب طيب بدون غل وطمع وظنون أو تستسلم لضعفك وآلامك وتعيش مهزوم. بامكانك تعيش راضي وقادر تكمل بأمل جديد في كل يوم أو تعيش مهموم مأزوم وكل لحظة مرة تمر عليك كأنها عمر فتش في حياتك هتلاقي حاجات كثير حلوة ممكن تسعدك وناس طيبة وجودها في حياتك يطمنك ولما تبص علي حياتك بتفاؤل وحب وتحمد ربنا في كل صبح مع كل طلعة شمس هتتفاجيء أن حياتك بطعم الأمل أصبحت أحلي.