صباح جديد

محمد مرسي صعبان عليا.. لا كان ليه في الطور ولا في الطحين.. وبصراحة هو ما ينفعش حاجة خالص واتاخد في الرجلين.. مرسي كان خيال مآتة في السنة السودة اللي حكمنا فيها.. ياخد الاوامر من مكتب الارشاد وينفذ وهو مغمض.. زي الفنان عادل أدهم في فيلم »حكمتك يارب« لما قال: أنا عبدالمأمور ادبح يا زكي قدرة يدبح زكي قدرة.. مرسي كان كده، عَينّ يا مرسي يعين مرسي مدرس صنايع في رئاسة الجمهورية بعشرة الاف جنيه شهريا، اعفي يا مرسي يعفو مرسي عن ارهابيين وبلطجية ومجرمين ويطلعهم من السجون، اكبش يا مرسي يكبش مرسي مكافآت بمئات الالاف ويحولها علي البنك.
يخرب بيوتكم وبيوت اللي جنب بيوتكم.