فاجأني ناجح بواب عمارتنا بسؤال : تقدر تعرف اللي بيحصل لينا دلوقتي بطريقة سهلة تدخل دماغنا ؟ رديت عليه : وانت عايز تعرف إحنا رايحين فين ولا حالتنا دلوقتي إيه؟ رد ناجح : ياباشا لو عرفنا إحنا واقفين فين وحالتنا إيه أكيد سهل نعرف إحنا رايحين فين.. أعجبني الرد وبدأت في الحديث قائلاً: إحنا حالنا دلوقتي زي اللي راح يأجر عجلة قام العجلاتي سأله:عايزها سوبر ولا عادة ؟ فسأله الرجل : إيه الفرق في السعر والامكانيات ؟ راح العجلاتي رادد عليه بأن السعر واحد بس السوبر أعلي بكتير في الإمكانيات وبيتقدم معاها هدية كبيرة.. طبعا صاحبنا أخذ السوبر وفعلا كانت عجلة آخر حلاوة وأول ماركب راح العجلاتي مشيله صندوق كبير تقيل مليان كراكيب ملهاش أي لزمة خلاه مش عارف يمشي وتعب بعد أن قطع نص متر فقط.. راح المسكين طلب أنه يرجعوه علي العجلة العادة.. فإذا بالعجلاتي بيسحب منه العجلة السوبر وتركه حاملاً الصندوق اللي مالوش أي لزمة وقاله : خليك كده مستني لحد ما العجل العادة يرجع من التأجير الراجل المسكين قال:أمري لله هات ياعم العجلة السوبر وخليني أكافح علشان أوصل وأخلص العجلاتي رد وقال: مكانش يتعز لسه مأجر آخر واحدة لمدة طويلة!