مفروسة أوي

أمس كانت الدنيا برد ومطر وعواصف ، وقلت أفاجئ أولادي بأكلة تدفي بطونهم وقبل ما ابدأ قلت لهم محاضرة طويلة عن الأكل الصحي وفوائده وأضرار التيك أواي ،وبلعت ريقي وأنا أري تلميحات من عينة قولي إنك مفلسة، وطلبت من السوبر ماركت بالفم المليان كيس عدس مصري معتبر، ورد علي متهكما عدس مصري أجيبة منين ده ؟ الأكياس اللي عندي كلها عدس مستورد ومعبأ بس في مصر ،قلت طيب أطلب عدس مصري منين حضرتك ؟ رد شوفي عندي أقتراح لأن95٪ من الفلاحين مبيزرعوش دلوقت لا عدس ولا فول وكل الفول والعدس اللي في السوق مستورد وبيتغلف بس في مصر ،اللي عاوز عدس مصري يزرعه في البلكونة أو فوق السطوح ،قلت برافو عليك أنت بتعمل كده ؟رد ليه هو أنا عبيط أنا بزرع فراولة !