مفاجأة : نجل ضابط شهيد يدافع عن أبو تريكة

فجر نجل الضابط الشهيد عامر عبد المقصود الذي استشهد في أحداث كرداسة مفاجأة عبر صفحته الشخصية على فيس بوك بإعلان تعاطفه مع لاعب الأهلي السابق محمد أبو تريكة رغم ما يتردد عن تورطه في الأحداث التي شهدت استشهاد والده.
وقال أحمد عامر "برغم تورط محمد أبو تريكة في حوارات كرداسة و أنه طلع أم متهم للعمرة و الكلام ده كله في رأيين أنا شايفهم، أولاً بما إني إبن عامر عبد المقصود شهيد مذبحة كرداسة فلازم أتضايق و أثور ضد تريكة و أقول عليه إخواني وعميل، أما النظرية التانية إني أكون زي أي حد من الشباب إنه يعمل عبيط و ميصدقش الحاجات دي عن تريكة و إنه يقول إن تريكة مش بتاع مشاكل و الكلام ده".
وأضاف قائلا "أنا اخترت بقى عن نفسي رأي تالت خالص إن أبوتريكة سواء كان إخواني أو بني آدم عادي فا أنا مشفتش منه حاجة وحشة بالعكس أبو تريكة فرح مصر كلها أكتر من مبارك و مرسي و السيسي أنا عن موضوع أخونته و إنه كان بيحيب مولدات لرابعة فبعد بحث طويل لم أجد أي صورة لأبوتريكة في رابعة ولا شوفتله أي صورة و هو بيوزع مولدات هناك".
واستطرد قائلاً "أما عن موضوع إنه طلع أم متهم من متهمين كرداسة العمرة فأنا شايفها إن ده عمل خير و مش عشان هي ابنها متهم تبقى ست مخطئة زي ما أنا بيتي اتخرب بموت والدي الله يرحمه لقيت الناس اللي اتعكز عليها و قومتني من تاني الست دي -أم المتهم- لقت اللي تتعكز عليه و قومها من تاني اللي هو أبو تريكة".
واختتم تدوينته قائلاً "أنا ضد تحفظ علي أموال أبو تريكة، أنا عاشق لابوتريكة، أبو تريكة خط أحمر و ان شاء الله ربنا بيحب الرجل ده و هيثبت برائته".