محمد صلاح: يا مساء الخير المراة والاقباط والمشاركة السياسية ولا نقول العزوف والاحباط والسلبية المراة لما بدات تترشح في انتخابات الشورى والشعب مخدتش مقاعد كفاية 3 او4 مقاعد بالعافية وكان قرار رئيس الجمهورية تعيين عدد من النساء المميزات في المجلسين كن هيتعين كام يعني مش كتير فكان اللجوء الى حكاية كوتة المراة نصيب معلوم من مقاعد البرلمان يدي تمثيل قوي للمراة البعض غضب كان عايز المراة لما تنجح تنجح بمجهودها وبدراعها مش عن طريق ولادة مبتسرة تلوي الحقائق على الارض اللي رجحوا الكوتة ووقفوا معاها شافوا ان المجتمع في الظروف اللي احنا فيها دي لسه مش مؤهل كفاية عشان يدي صوته للنساء والدليل على ذلك ان 11 سيدة اترشحوا في انتخابات الشورى اللي فاتت في مواجهة حوالي 500راجل ، الاقباط برضه بيدخلوا الانتخابات ترشيحا وتصويتا لكن باعداد قليلة بينجح منهم اقل والاحزاب ما بترشحش اقباط بعدد معقول في الانتخابات الشرسة واللي بتزداد شراسة انتخابات بعد انتخابات لان الناخبين في بحري والصعيد وفي المدن والبنادر ما بينتخبوش على اسس حزبية او برامج دا عصبيات وعائلات ومصالح الانتخابات عندنا بتتم بطريقة الدوايرالفردي مش بالقوائم ودا اضعف طرح المراة والاقباط ومعاهم الشباب برضه الرئيس بيعين اقباط بس كام مقعد مش كفاية طيب ما ينفعش تتعمل كوتة للاقباط اكيد لا ما ينفعش لانه تم الاستقرار في الوجدان المصري بان الاقباط مش اقلية عشان نخصص ليهم كوتة ومش مضطهدين عشان نطلع لهم قوانين دول حلوين وزي الفل زي غيرهم من المسلمين عن المراة والاقباط العزوف والمشاركة في الحياة السياسية هيكون لينا النهاردة كلام مسئول فاصل محمد صلاح: دور المراة في الحياة السياسية بيتراجع لكن واحنا قدام فرصة تاريخية من خلال كوتة المراة تتقدم هي بقى ودورها وتثبت لما ان الفرصة راحت للي يستحق لها وتنتزع مبدا لا يمكن بعده المساس بحصتها ، دور الاقباط في حياتنا السياسية اقل من المامول خصوصا لو رصدنا دورهم في بقية مناحي حياتنا طب هندسة المال والاعمال بقى في الجيرة وفي نسيج المجتمع الواحد النائبة الدكتورة جورجيت قليني هيكون لينا معاها النهاردة كلام مسئول ومن كلام النائبة جورجيت قليني "الدولة هي المسئولة عن توفير القانون الانتخابي الامثل والذي يحقق مشاركة فعلية للاقباط ونزاهة الانتخابات ايضا مسئولية الدولة ""على الاحزاب ان ترشح شخصيات قبطية مثل ما حدث في حزب التجمع عندما قرر ترشيح 10 من الرجال اوالمراة في الانتخابات الماضية لان هذا هو دوره ومسئوليته في المجتمع ""من يتحدثون عن كوتة في البرلمان مش فاهمين في الدستور والموضوع تم طرحه على كثيرين من القيادات القبطية في مقدمتهم البابا شنودة لكنهم رفضوا بشدة "," ثقة الناس في العملية الانتخابية مفقودة ويكفي ان نعرف ان نسبة من يصوتون من لهم الحق في الانتخاب لا تتجاوز 32% "-"هناك 8 نائبات اسمائهم معروفة بنسبة 100% في حين انه يوجد كثيرمن النواب لا يعرف احد اسمائهم"كوتة المراة ماهياش عربية الستات في مترو الانفاق ولا زنقة الستات في اسكندرية دي زقة جامدة في مستقبل الوطن ..مشاركة الاقباط في الحياة السياسية مستقبل وطن ما يقدرش يستبعد جزء مهم واصيل وعريض من مكوناته مجلس الشعب عندنا صحيح عدد قليل من النائبات لكن اصواتهن عالية مقاتلات يمارسن دورهن الرقابي ويمثلن مش بس المراة انما كل الامة انما بعين واحساس وقلب المراة ..النائبة الدكتورة جورجيت قليني هيكون لينا معاها كلام مسئول فاصل محمد صلاح: ارحب بالدكتورة جورجيت قليني منورة يادكتورة ..دكتورة انت دورتين في المجلس تعيين مش كده؟ د/جورجيت قليني: ايوه.. محمد صلاح: مكانش ممكن تدخلي مجلس الشعب بالانتخاب د/جورجيت قليني: لا انا مكنتش بفكر ادخل لا بالانتخاب ولا بالتعيين انا كنت رئيس نيابة وكنت بشتغل في ادارة التشريح في وزارة العدل كأول سيدة بل كنت السيدة الوحيدة لغاية سنتين وكنت من مجموعة مستشارين لوزير العدل فمفكرتش خالص وخصوصا ان كنت بحضر كخبيرة قبلها بدورتين .. لكن بعد الدورة الاولى كان قدامي اني افكر ارجع النيابة تاني لكن بصراحة كنت احب ان انا ادخل دورة تانية محمد صلاح:الانتخاب ماله بالنسبة للمراة ؟ د/جورجيت قليني:اولا الانتخاب النظام الانتخابي في مصرانا معترضة على النظام الفردي يعني انا بتمنى انه يكون النظام بالقايمة او مشترك بين القايمة النسبية والفردي لكن النظام الفردي الحقيقة اسفر عن مشاكل كتيرة جدا في الشارع الانتخابي محمد صلاح:مش عايزة تقفي قدام راجل يعني ولا ايه؟ د/جورجيت قليني:لا انا مش بستنكر الوقوقف قدام راجل لكن انا بستنكر الممارسات اللي بتحصل في الشارع الانتخابي سلاح المال انا عايزة اقول انه مجموعة كبيرة بتصرف بالملايين محمد صلاح: طب ماهو في ستات معاهم فلوس برضه ولا ايه؟ د/جورجيت قليني: ايوه انا اصرف ليه..؟ انا هقول لحضرتك حاجة انا مش هستفيد مش هرجع فلوسي دي محمد صلاح:ليه؟ د/جورجيت قليني:اما انها تكون للوجاهة الاجتماعية اما انه يكون انت عندك مادة خطيرة في الدستورالمادة 95 بتقول لايجوز لعضو مجلس الشعب ان يتعامل مع الدولة بالبيع او الايجاراوالتمويل طيب هلبي بقى عضو مجلس الشعب الشركات بتاعة عضو مجلس الشعب انا كنت طالبة تعديل دي وتقول باضافة فقرة بتقول يسري الحظر السابق على زوجات العضو اذا كانت ست يبقى زوجها واولادها والشركات متى كان يملك في شركة 10% من راس مالها على الاقل في الحالة دي هتحد انه هيصرف الملايين لسبب بسيط انه في صفقة واحده هتعوض له الملايين لكن انا واحدة معنديش استعداد انا بدخل عشان اشارك في التشريع اشارك في رسم سياسات الدولة وبعدين عشان اتلقى شكاوى المواطنين ودي بتحرق الدم لانه فيها حاجات انت مش عارف تعمل فيها حاجة يعني بتشعرك بالقهر محمد صلاح: قوليلي موضوع الكوتة انت نموذج للسيدة المصرية كل سيدة بتقول اصرف ليه واخوض المعركة الانتخابية ليه والممارسات الخارجة ؟ محمد صلاح: اظن فيه 8 نائبات دلوقت عن مجلس الشعب منهن بالتعيين دول قدروا يوصلوا دور المراة ؟ د/جورجيت قلينى: انا هقول لحضرتك حاجة هما نجحوا في انهم يوصلوا صوت الشعب اصل انا مش داخلة عشان المراة بس مجلس الشعب مش جمعية نسوية دا انا بتكلم عن الشعب المظلوم فيهم هتكلم عنه طلع المظلوم مراة طلع رجل طلع طفل طلع قبطي طلع مسلم محمد صلاح: يعني مش الطفولة والامومة والكلام دا؟ د/جورجيت قلينى: لا لا الكلام دا يعني اتكلم فيه في المجلس القومي للمراة في جميعة اهلية في المجلس القومي لحقوق الانسان لكن انا لما بدخل البرلمان كنائبة بحلف نفس القسم اللي بيقسمه النائب ارعى مصالح الشعب واحترم الدستور والقانون فبتكلم عن قضايا المراة بشكل زايد محمد صلاح: طب قيمي لي ادائهن؟ د/جورجيت قلينى: انت عندك المضابط بتقول ان ادائنا ضعف عددنا يبقى هي قدرت..حضرتك تعرف اسامينا ولا لا محمد صلاح: اعرف د/جورجيت قلينى: طيب تعرف اسامي النواب كلهم محمد صلاح: لا طبعا د/جورجيت قلينى :تعرف كام مادام تعرف اسامينا وما تعرفش اسامي الرجالة يبقى احنا صوتنتا وصل محمد صلاح: في تقييمك لاداء المراة في المجلس بتشوفي انه بيحصل نوع من الغيرة ؟ د/جورجيت قلينى: لا بالعكس دا هما اللي بيغيروا والمضايقات مش لاني امراة ولكن النسبة اللي موجودة النسبة الطبيعية محمد صلاح: ليه الانطباع دا مش موجود في الشارع ان النائبة بتؤدي ؟ د/جورجيت قلينى: اقول لحضرتك حاجة فيه بعض زمايلي النواب يقولولي تعالي اتصوري معانا عشان انت شعبيتك في الدايرة عندنا قوية جدا فمعنى كده ايه..؟ المواطن المصري ذكي جدا وعارف كويس قوي ومش مغيب الحضارة مش انشا لانه توارثها هو شعب واعي وفاهم كويس قوي اكتر مما احنا متصورين محمد صلاح: هل النائب لما يتعين انا سمعت حد بيقول لحد انت مالكش دايرة ؟ د/جورجيت قلينى: لا طبعا انا مصر كلها دايرتي محمد صلاح: انت خدماتك بتظهر فين مادام مالكيش دايرة ؟ د/جورجيت قلينى: كل الخدمات اللي بيقدمها النائب المنتخب بس هو بيقدمها على مستوى دايرة اللي ما بيقدرش يوصل للنائب بتاعه بيوصلني اللي ربنا بيقدرني عليه بعمله يعني الدستور والقانون ماقلش ابدا ان دوري ان انا اعين واحد او اشق ترعة او افتح مدرسة دا شغل المحليات لكن لان المحليات غايبة والا مكانوش يطلبوا مننا الطلبات دي ولان المواطن تعبان فسواء كنت نائبة او مش نائبة متقدرش تقول انا مش هساعد والمواطن بيتصور انك انت قادر واحيانا بيحلفوني ياخوانا هتبقى الحاجة دا في ايدي وما ادهالكوش ليه محمد صلاح: انت عضو في المجلس القومي للمراة ايه اللي عملتوه عشان خاطر مسالة اعادة تاهيل المراة حتى تسمح لها ظروفها انها تترشح لبرلمان وكمان زيادة التوعية في الشارع عشان اللي بيروح يدي صوته في الانتخابات يدي صوته للمارة ويبقى امنافسة مش على رجل او امراة وانما بين الاصلح او على برامج او على امكانيات ومؤهلات شخصية ؟ د/جورجيت قلينى: كل المرشحين محتاجين اعادة تاهيل ومش هتبقى مبالغة لو قلت لك ان الناخبين نفسهم عايزين تاهيل لانهم مش عارافين يدوا صوتهم لمين..حس سياسي لما اقولك حس سياسي انه يقدر يرصد لك اللي ماشي صح ولا اللي مش ماشي صح دي حاجة وانه يبقى فاهم دور البرلمان ان البرلماني هيشارك في رسم السياسة وانه هيعمل بدليل انه فيه مرشحين مش عارفين الدور الحقيقي للنائب يعن اختزلوا دورهم في الخدمات محمد صلاح: طب ايه المفروض؟ د/جورجيت قلينى: احنا بنعمل تاهيل كمجلس قومي للمراة بقالنا 5 سنين بنعمل دورات تدريبية اولا احنا اللي بنقدم مشروع عشان كوتة المراة والحمد لله قدجرنا نحصل على تعديل دستوري عملنا عشرات الدورات التدريبية لكل الاحزاب العشر احزاب معارضة يعن سيدات مش بينتموا للحزب الوطني بس وللمستقلات مش بس اهلناهم ان هما يخوضوا الانتخابات عمنا دورات للي هيعملوا لهم حملة انتخابية يعني لما يبقى فيه مراة هتترشح والتانية هتخوض لها الحملة الانتخابية بس انا عايزة اقول حاجة يوم ما جه الحزب يرشح السيدة الوحيدة من ال88 ما سالناش ما سالش المجلس القومي للمراة عندكم مرشحين ولا لا محمد صلاح: يعني كل اللي بتعملوه دا في سكة ؟ د/جورجيت قلينى: لا مش في سكة ولكن املنا ان مجلس الشعب ينزل 64 هيبقى فيه مرشحات كتير جدا على فكرة يعني انا في تصوري هيتنافس عليه على الاقل 7 او 8 محمد صلاح: على مقاعد الكوتة ؟ د/جورجيت قلينى: ايوه وهيبقى الحزب الوطني ملتزم في تصوري وكل الاحزاب اتنه يختار افضل العناصرلانه هتبقى في منافسة والحقيقة ان السيدات اللي هينزلوا اقوياء محمد صلاح: عندك امل يعني ؟ د/جورجيت قلينى :عندي احلام محمد صلاح: خليكي معايا لسه الكلام مخلصش فاصل محمد صلاح: امل الدكتورة جورجيت قليني وعندها امل في انتخابات مجلس الشعب المقبلة يتم علاج اللي بتعتبره اخطاء في انتخابات الشورى اللي فاتت ويبقى فيه تنافس والشارع يمكون وعي لاهمية وجود المراة في البرلمان دكتورة معانا تقرير من الناس المواطنين في الشارع حول مسالة اعطاء اصواتهم للسيدات؟ فاصل مواطن1: الحريم يدوا صوتهم للحريم والرجالة للرجالة ليه بقى..؟ لما بنتخب واحدة ست تبقى بايخة شوية مواطن2: الراجل اروح له في أي وقت بالليل بالنهار لكن ست شكلها وحش لو رحت في أي وقت مواطنة3: اه طبعا اديها صوتي عشان المراة دخلت في جميع المجالات وتسد فيها مواطن4: واحدة ممكن تخدم الشعب وتحس باحساي الست وتحس باحساس المواطن اللي بيمشي في الشارعه مواطن5: انتخبها لو هتؤدي الغرض مش هتؤدي الغرض ما انتخبهاش مواطن6: انا ممكن ادي صوتي لواحدة ست لو كانت مفيدة في الدايرة بتاعتي لانه انا في مجال شغلي انا كطبيب انا معايا طبيبات اكفا من بعض الاطباء الاساس هنا مش انوثة او ذكورة الاساس هنا مين الاكفأ وايه اللي ممكن يخدم الدايرة بصدق وايه ولو ان في النهاية راجل او ست محدش بيخدم الدايرة مواطن7: ليه لا..!! فاصل محمد صلاح: طب وليه لا الواحد ما يديش صوته للبرلمان؟ د/جورجيت قلينى :طبعا دا كويس سيعني لغالبية العظمى مكمكن يدوا صوتهم للبرلمان ودا نتيجة للخدمات اللي بتؤديها يعني المرة دي لو جبت حضرتك البرامج بتاعة الدورة اللي فاتت هتلاقي ان نسبة قبول الشارع كده زادت محمد صلاح: ما يتعلق بالاقباط طول عمرنا بنعيش ان الاقباط جزء من نسيج الوطن لكن ملاحظين عزوف الاقباط في المشاركة عن الحياة السياسية انت ملاحظة الحكاية دي؟ د/جورجيت قلينى: اه طبعا بس هي مش مسالة عزوف ولكن المسالة بدات مع عصر السادات يعني كانت النغمة السايدة انا رئيس مسلم لدولة مسلمة طب اذا كان رئيس الدولة بيقولك كده محمد صلاح :يعني قبلها كان فيه تمثيل للاقباط؟ د/جورجيت قلينى: ما انا هقولك كان بالتعيين ولكن قبل الثورة كان فيه تمثيل كويس قوي انت كان عندك نقيب المحامين مسيحي رئيس الوزرا مسيحي محمد صلاح: يعني انت بتقولي الخطاب السياسي؟ د/جورجيت قلينى :المسالة التانية عشان يقضي على الفكر الشيوعي طلع التيار الاسلامي ونزل بشعارات معينة يعني شعار لااسلام هو الحل ينزل المسيحي يقوله ايه ..!! ولا ينزل له هو كمان باية وتبقى حرب ضروس محمد صلاح: بس شعار الاسلام هو الحل نزل في التمانينات مش ايام السادات؟ د/جورجيت قلينى: ايوه بس هو ترك المسالة كان فيه سياسة للتيار الاسلامي دا فبداية التقوقع كانت في عصر السادات وبداوا لكن مع النظام الانتخابي الفردي علشان قدر ينزل لازم يكون الحزب مرشحه ومسانده محمد صلاح :ماهو هندخل في نفس القصة فيه 6 اقباط فاز منهم واحد طب ليه الحزب ما بيرشحش اقباط؟ د/جورجيت قلينى: قبل الترشيحات كان الصورة انه المسالة ما تنفعش لازم يكون فيه وود للاقباط والمراة لقيت مراة واحدة و3 اقباط من ال88 محمد صلاح: اقولك انطباع بعد احداث نجع حمادي هل وصل لك انطباع انك كمنائبة مسيحية انك كمنت مشاغبة ؟ د/جورجيت قلينى: وصلت من اللي عاوز يبلورها السنة اللي فاتت كانوا عاوزين يرفعوا الحصانة عن واحد من الاخوان وقالوا عاوزين راي الدكتورة جورجيت ولحس الحظ انا كنت قايلة رايي قبل مايقولا الكلام دا باني رافضة رفع الحصانة فلما تيجي مسالة الاقباط مش هخاف عشان انا مسيحية انهم يقولوا حاجة لاني اولا انا مش نازلة بالبراشوت انا متعينة بقالي 10 سنين وقبل كده واحدة معروفة فانا مش بخاف وانا بشتغل بعدها لقيت ان اقبال غير طبيعي قالي انا جامع لك الف صوت علشان نقف ضد اللي بيضتيقوك في موضوع معين والالف صوت دول مسلمين فالشارع ممكن في وقت ضيق حد يضحك غليه بكلمتين ولكن بيرجع على طول بيعمل حساباته ويعرف يقيم لك اللي قدامه دا كويس قوي فجاي في الفترة بتاعة نجع حمادي لان الهجوم عليا كان بسم الله ماشاء الله دا كل اللي عاوز يشتم .....انا طول عمري اقولهم انا مش نائبة فضائيات لكن في اليوم دا لما منعوني اني اتكلم في المجلس قلت لهم انا هبقى النهاردة نائبة الفضائيات رايي وعايزة اقوله بس لكن مش دا العادي بتاعي محمد صلاح: انت ايه ررايك في موضوع كوتة الاقباط؟ د/جورجيت قلينى: والله بصراحة انا ايام التعديلات الدستورية اقترحتها لكن انا قلت دلوقت مقدرش وانا لما اجي اعمل ظهير دستوري زي ماعملت للمراة يبقى اقدر اعمل محمد صلاح: بس كده انقسم المجتمع التقيم على اسس دينية ؟ د/جورجيت قلينى: يجب ما تتعالاش على الواقع انت عندك واقع لا سامح بدخول المراة وعشان كده عملنا كوتة للمراة ولا يسامح في دخول الاقباط يبقى انا ارفض الكوتة امتى الاقباط قالولي احنا رفضناها من 70 سنة قلت لهم الله يرحمه الدكتور يونان لبيب كنا في الاهرام قالي دا احنا رفضناها من 70 سنة قلت له يادكتور من 70 سنة كان المرشح القبطي بينزل في دايرة مسلمة بيدوله اصواتهم انت النهاردة انتخابات نقابة الصحفيين ماعرفتش تدخل في مجلس النقابة واحد مسيحي فيبقى المفروض ان القانون ينزل للواقع ولا اقول لا انا مقبلش الكوتة طب ما تصلح الواقع ..!!
