محمد صلاح: يا مساء الخير الشباب متعطش ومعندوش معلومات متأصلة ومتقدمة بشكل سليم عن معارك مصر في الحرب والسلام القصص والوثائق نادرة بين ايدهم مع ان فيه قصص ممكن تدعم روح الشباب وتخليه يعر فالتضحيات اللي اتقدمت تخليه يعرف كمان ان فيه نماذج تانية مشرفة مش بس لعيبة الكورة والفنانين ونجوم الفضائيات لكن الناس الي ضحت بارواحها في حرب الاستنزاف واللي اقتحموا خط بارليف وحطوا العلم اللي هو مش بس قطعة قماش انما روح وعزيمة وكفاح اللي قنص اسرائيليين واصطاد كام دبابة حتى استشهد تحتها الروح عنده رخيصة عشان مصر تفضل عالية نماذج عظيمة ممكن تواجه السفه اللي بنشوفه وفي مجالات كتيرة النماذج العظيمة تروح وتتبخر لو ما اتوثقتش لو الاجيال اللي عاشتها ماسكة بايديها على ذكرياتها مين هيقول مين هيحكي مين هيكتب مين هيرسم الشباب معذور ماشافش ولاسمع انه عندنا اكتر من نص الشعب المصري اتولدوا بعد تحرير سينا ما سمعوش البيان رقم واحد ولا اتنين ولا شافوش المقاتل المصري وهو ظاهرعلى التليفزيون وبرفع العلم والاسرى الاسرائيليين رافعين الراية البيضا ويضربوا للقائد المصري تعظيم سلام و دا ما اتوثقش مش هنشوف سينا كويس مش هنشوف نفسنا كويس لغاية دلوقت عملنا كام فيلم ووقفنا وكام برنامج وخلاص ماعملناش حاجة نحرك بيها روح الاجيال الجديدة كلها ناحية لحظة فارقة في تاريخ مصر لحظة حققت المعجزة وحررت سينا قصور شديد في التعامل معاها حتى الاحتفالات السنوية زيها زي غيرها بتيجي وبتروح لكن اللي نفسنا فيهى انا لما تيجي تترك اثر مش تعدي والسلام .زبطولة المصريين في تحرير سينا ما اتسجلتش كويس وكده ياجماعة ذاكرة الوطن مش في ايد امينة عايزين الحرب والنصر والسلام يتجسدوا وتشوفهم العيون في كل حتة في الشارع في تمثال جندي مجهول على اسم مكتوب على رخامة موجود على ناصية شارع عاش فيه شهيد دي في الحقيقة مسئولية النخب اللي لازم يتعمل هيكون لينا فيه كلام مسئول فاصل محمد صلاح: اللي مالوش ماضي مالوش حاضر وبالتالي مالوش مستقبل وسط الكلام عن السخط والاحباطات ممكن بشوية تعب نسجل لحظة نور حقيقية في عيون ولادنا لسه ناس عاشوا التجربة العصيبة الفنان التشكيلي والمحارب القدير الدكتور احمد نوار هيكن لينا معاه كلام مسئول ومن كلام الدكتوراحمد نوار فترة الحرب اثرت كثيرا على اعمالي حتى انني صرت استخدم خامات مختلفة من بقايا الحرب كشظايا القنابل وفوارغ طلقات الدبابات والصواريخ .. عندما يكتشف الانسان ان جزءا من كرامته وارضه اغتصب من قوة معادية تبدل وتتحول طاقاته الفنية من طاقة سامية ومسالمة الى طاقة وطنية وقال الدكتور احمد نوار مصر مليئة بالثراء الفني لكن المجتمع بات مشغولا بالكرة وقضايا الفنانين وترك القيم والنماذج لرائعة وثقافة المجتمع ".."هناك حالى ارتباك وتفتت وتوتر كبيرة جدا في المجتمع ومؤسساته "..وقال الدكتور احمد نوار " اصبح النصر مناسبة نتذكرها يوما واحدا في السنة وما يتم فيها من احتفالات لا يرقى الى مستوى الانجاز وهناك قصور شديد من جهة الحكومة والدولة في تثبيت هذا اليوم العظيم وتوثيقه وجعله مادة ثرية غنية في التاريخ المصري "..... حال مصر دلوقت كلنا مسئولين عنه المصريين على ارض مصر في فترة هزيمة 67 ماقدروش يتنصلوا من المسئولية ويزيحوها على الاجيال اللي جاية والا كنا احنا لقينا ارض سينا محتلة والمفروض نحررها لكن هما عملوا اللي عليهم واكتر والواجب اللي عملوه معناه اننا لازم نرده بالوفاء لهم وتسجيل التضحيات والمعاني الجميلة اللي قدموها المحارب القناص الدكتور احمد نوار هيكون لينا معاه كلام مسئول فاصل محمد صلاح: ارحب بالفنان التشكيلي الكبير ولا نقوله القناص الدكتور احمد نوار بتمر علي الذكرى ازاي ؟ د/احمد نوار: بشكل خاص جدا بس بتمر كل الذكريات الرائعة للمقاتل المصري الذي استشهد والمقاتل المصري الذي اصيب والمقاتل المصري الذي يعيش الان بين المجتمع المصري دا شق والشق الاخر كنت استدعي مشاهد كنت اتمنى انها تكون مشاهد على الشاشة السينمائية في مصر رائعة تتعلق بقيام المقاتلين المصريين بشكل رائع في البطولات الرائعة التي قاموا بها في استنزاف حرب اكتوبر الشق الاخر الخليل وكان قائد الجيش التاني في الاستنزاف وقائد الجيش التاني في حرب اكتوبر والطيار حسن القصاص وكثير من واللواء حامد عبد الرحمن ودا كان قائد الفصيلة اللي انا كنت يعني انا بعيش حالة رائعة محمد صلاح: هل الجيل اللي صنع الانتصار والتحرير عايش الحالة دي لوحده لانه نتكلم بصراحة بعض الاحتفالات في التليفزيون وبعض وسائل الاعلام وبعض الاحتفالات الرسمية انما احساس الناس شكله عامل ازاي احتفالات اناس باكتوبر بتحرير سينا الحاجات دي بتشوفها ازاي ؟ د/احمد نوار: يعني انا احزن اولا لانه الحصيلة الموثقة في السينما لم ترق الى مستوى هذه الاحداث بالمرة واخص هنا مجموعة الافلام اللي انتجت الخاصة بحرب اكتوبر ، الشق التاني على مستوى التليفزيون هناك مشاهد مرئية لبعض المواقع لكن بتتكررمرة اخرى في العاشر من رمضان وفي اكتوبر وفي ناسبة تحرير سيناء محمد صلاح: حتى الافلام الروائية الافلام السينمائية الطويلة وقنوات الافلام بتتكرر هي هي ليه بقى ..؟ د/احمد نوار:لانه الاسف الشديد الكم الابداعي في مجال المسرح او الادب او حتى السينما او الفن التشكيلي ضئيل جدا في هذه المناسبة دا شق ، الشق اخر انا بعتبر السينما هي المجال الابداعي الذي فقد فرصة انتاج افلام كبيرة ومتعددة عن حرب اكتوبر لان هذه الفرصة اعتقد انها كانت غالية على الشعب المصري كله وانتصار لتاريخ مصر كله والحادث نفسه على المستوى التكتيكي والمستوى العسكري ومستوى الارادة المصرية للمقاتل المصري غير مسبوقة على مستوى العالم لانه عبور مانع مائي في حد ذاته الساعة 2 وخمسة الضهر دا من المستحيلات او من القوانين المتعارف عليها او بان الجيش الذي يعمل مانع مائي يعمل حسابه ع0لى تدمير ما يقلش عن 75 من هذه القوى وهذا لم يتم محمد صلاح: طيب دكتور نوار انت مازلت تتفاعل مع المشهد الثقافي المصري وفي نفس الوقت بشوفك في ندوات كتير بتلتقي بين المحافظات والجامعات طبعا من خلال معارضك وخصوصا خاماتك اللي تتعلق ببقايا الحر وشظايا الحرب خلينا في النقطة بتاعة احساس الناس بالذكريات دي بتلاحظ ايه لما تيج ذكرى اكتوبر او سينا او العبور ؟ د/احمد نوار:يعني وجهت لي الدعوة في اكتر من جامعة زي جامعة المنصورة وجامعة حلوان والمجلس القومي لشباب ومعهد اعداد القادة بحلوان انا اكتشفت خلال التقائي بالشباب انه بيفتقد المعلومات الحقيقية عن حرب اكتوبر كما انه بيفتقد الى الشق التوثيقي بهذا الحدث الضخم او بهذا الانتصار الضخم من خلال عناصر واشكال الاحتفاليات محمد صلاح: يعني برضه فيه تقصيرعلى الشباب انه لم يسع الى البحث على معلومة ذكريات والمناطق المؤثرة في ذاكرة الوطن ولا فيه جهات اثرت؟ د/احمد نوار: لا فيه جهات اثرت كثيرا يعن يانا اذكر انه من حوالي 21 سنة تقدمت لانتاج فيلم جديد يرقى الى انتصار اكتوبر وتم ارساله اى جميع المؤسسات وارسلته الى رئيس الجمهورية وارسلته الى وزير الثقافة وكافة المؤسسات المعنية ورئيس مجلس الشعب ورئيس الوزراء وبالفعل تمت الاستجابة من وزارة الدفاع وجالي رد كان موقع من امين عام وزارة الدفاع كا ن اللواء هتلر طنطاوي بيقول ان احنا مستعدين اننا نساهم في انتاج الفيلم على ان انا ارشح جهة او مؤسسة تتولى هذا الموضوع فرشحت مؤسسة الاهرام وقابلت الاسناذ ابراهيم ونافع وحوله للاستاذ يوسف فرنسيس ولم يتم شئ ثم تم تحويل الموضوع للاستاذ محمود مراد الكاتب ولم يتم شئ وانا تابعت بشكل شخصي كثيرا وبعض الحف القومية و المعارضة وكل الصحف عملت عنه حملات وانا بكتب عنه ومفكرين كتير و كتاب . محمد صلاح: مش ملاحظ ان دا فيه تناقض يعني الجيل المؤثر دلوقت من الرموز والموجودين على الساحة اللي حقق النصر موجودين في كل المجالات تقريبا ازاي مقدرش ينقل تجربته حتى الرموز الكبار الوزرا كانوا على الاقل طلبة في الجامعة في التوقيت دا او لسه متخرجين الشباب مش عارفة حاجة؟ د/احمد نوار:هو انا اجد الحال هو فقدان لرؤية متكاملة في شتى المجالات يعني احنا لما نشوف الشق السكري هناك هدف وهناك اليات وهناك اسلحة مختلفة وهناك خطة مختلفة ورؤى كثيرة بتناقش حول طرد هذ العدو من سيناء هذا الشق حصر ونجح ولكن هذا الشق لم ينجح على المستوى المدني للاسف الشديد هناك كتم من كافة مؤسسات الدولة بيتعلق بثقافة المواطن على سبيل المثال والشق التاني محمد صلاح: يعني وزارة الثقافة لها دور في الدولة ؟ د/احمد نوار:ووزارة الاعلام ووزارة التربية والعليم يعني انا كنت اتوقع انه يكون فيه كتب عن بعض البطولات او بعض الرموز الفذة في تاريخ العسكرية المصرية احنا بنتكلم عن رموز في تاريخ مصر وحققوا نصر كبير يجب ان يكون على الاقل على السنة اطفال مصر يعني هناك رموز مصر على الاقل بشكل مختصر وبسيط مع ادراك هذه الفكرة محمد صلاح: يعني على الاقل يتحول الامر الى ايدلوجية دي مسالة مستمرة على طول الى الابد انت بتبرا الشباب انه مكانش يعرف ؟ د/احمد نوار:لا الشباب بيروح المدرسة اوبيروح الجامعة وبيقرا جرنان يومي بيشوف قنوات ارضية او قنوات فضائية بيروح سينما كل هذه المجالات يتمن حصار الشباب من خلال حصار تليفزيوني من خلال موضوعات كثيرة عن الحياة عن السياسة او عن الاقتصاد او عن الحرب او عن طريق مصر الى اخره بدون شك هياثر انما ... محمد صلاح: دلوقت يادكتور نوار ما بقاش التليفزيون الحكومي بس بقى فيه قنوات كتيرة مش هتقدر تفرض عليها تقدم هذه النوعية د/احمد نوار: هو مش شرط كل القنوات تقدم ولكن على الاقل تليفزيون الدولة الدولة المسئولة عن الشباب هي المسئولة عن تعليم الشبتاب وثقافة الشباب والدولة عنا انا اخص المجتمع كاملا بمؤسساته الرسمية مش الحكومة فقط والجمعيات والمؤسسات الى اخره وكن هناك انا باجد هناك تغييب لعقل الشباب فينا يتعلق بحاجات كثيرة في حياة مصر بالذات في هذه القضية وهي انتصار اكتوبر والحرب وطرد العدو الصهيوني من سيناء يعني انا بيتصل بيا بعض الابطال اللي ساهموا في هذا النصر العظيم يقولك مفيش حد سائل عننا لما يكون واحد طياراوواحد قائد او واحد فدائي ولا حد قالعه تعال كذا ولا حد كرمه كل سنة نحتفي بيهم واولاد الشهداء وزوجاتهم وامهات الشهداء دول برضه بشر محمد صلاح:دا هيعيدنا الى مقولة بنسمعها بتتردد احيانا وهي انه اللي حاربوا وضحوا ودفعوا اتمن ما استفادوش من الانتصار وان اللي استفاد من الانتصار في مراحل بعد كده ناس تانية خالص انت معايا في الكلام دا د/احمد نوار:اه طبعا بدون شك محمد صلاح: الى متى؟ د/احمد نوار: يعني انا الدولة ومتمثلة في الحكومة المعنية فيما يتعلق بهذا الخصوص يعني هي المسئولة مسئولية كاملة والقصور موجه اليها يعني نتكلم بصراحة جدا ووجهت الكلام دا للدكتور نظيف في عدة مقالات سابقة فاللي انا عايز اقوله ان لابد ان نستثمر كل ماهو ايجابي في تاريخ مصر هو انجاز على المستوى القومي مش بس فقط في الحرب لا في العلم وفي الطب وفي الفن وفي الهندسة وفي كل شئ احنا لابد ان نقدم ماهو قدوة في هذا البلد في جميع المجالات عامل ممتاز وعامل مثقف وعامل منتمي الى وطنه وعامل يجتهد لزيادة انتاجه يجب ان اقدمه قدوة للناس قبل ان اقدم طبيب او استاذ جامعة لا يؤدي عمله على فكرة دي بينقصنا الكثير من الكشف عن القيم الموجودة في المجتمع وايضا حمايتها لان كثير من الرموز الموجودة في المجتمع في شتى المجالات تحارب ايضا من فئات اخرى والفئات هذه هدفها محاربة الوطنيين ومحاربة الرموز محمد صلاح: ويحاربوهم ليه ما يسيبوا الناس تعيش ذمرياتها وتنقل ذكرياتها الى جيل تاني عندنا مخزون من الوطنية ربما نستخدمه في اوقات ربما تفرض علينا ؟ د/احمد نوار:لاسف الشديد هناك ضعاف النفوس وهناك من يفتقدون الثقة في الذات يعني انا اتذكر صديق للاسف مش هقدر اقول اسمه كتب في بعض المقالات انه كأن انا مسئول عن حماية حرب اكتوبر وانا اعتقد ان هو كان بيهرب او بلاش بيهرب كان على الاقل لم يحارب ولم يدافع عن الوطن فاللي انا عاوز اقوله ان هناك كثير من النفوس الضعيفة هناك الكثير من الحاقدين على اصحاب هذا النصر من القرار السياسي حتى السيادي ان جاز التعبير حتى احنا لما نتكلم عن تجربتنا كان فيه ناس بتزعل وهناك بعض الزملاء ايضا كان بيقولي وعلى الصحف وللاسف الشديد ان الصحافة بتسمح لهم بنشر هذه الكلمات يعني بيتهمني اني انا عشان مسكت بندقية بقيت بطل انا ما قلتش على نفسي بطل ولا قلت ان انا كذا انا بؤدي دوري كمقاتل وكنت قناصا وهناك شهادات وهناك وثائق وهناك شهادات حية وهناك عدواسرائيلي اللي انا عايز اقوله انه لابد ن مواجهة هذه بالاضافة الى تعميق حس الانتماء لدى الشباب . محمد صلاح:في مجال السينما ملا كلمتني عن تجربة كتابتك للفيلم اللي اتعرقل وكلمتني عن مؤسسة الاهرام وهكذا لكن بشكل عام ليه ظل انتاج الافلام اللي ممكن نسميها افلام حربية وتخليد للذكرى طيب ماهو انتجت بالفعل بعض الافلام واستفادوا من بعض اللقطات اللي اتاخدت بعد الرحب على طول في نفس الوقت في دول اخرى احنا لحد النهاردة بنشوف افلام عن الحرب العالمية التاني د/احمد نوار:من حوالي 5 سنوات امريكا انتجت 3 افلام جديدة عن الحاجة التانية العملية فيما يتعلق براي بعض السينمائيين في تكلفة المشاهد العسكرية انا وضعت تصور في ضوء خبرتي المتواضعة ..تصور بسيط جدا القوات المسلحة بتقيم كل سنة عدة مشروعات تكتيكية بالذخيرة الحية محمد صلاح: اللي هي بيسموها مناورات ؟ د/احمد نوار: بيشارك فيها قوات جوية وبحرية ودبابات وجميع الاسلحة بتشترك فيها وجميع فئات الجيش البشرية بيشاركوا فيها فاتنا قلت تكلفة مشروع تكتيكي من هذه المشروعات بيتم وتحويله الى مشروع تكتيكي من نفس السيناريو يبقى التكلفة اللي هقوم بيها في هذا المشروع هغير السيناريو في هذا المشروع بدل ما يبقى مشروع في الصحراء الغربية هيبقى مشروع على قناة السويس بنفس الاسلحة وبنفس الازياء ويبقى هنا انا وفرت جميع الملايين للي انا هحتاجها في المشاهد الحربية من قنابل وصواريخ الى اخره يعني ..الشق التاني قلت لو كل مواطن دفع جنيه يعني هيبقى 60 مليون جنيه بالاضافة الى المؤسسات الاخرى الدفاع والثقافة والاعلام ضروري يعني محمد صلاح:على المستوى الفني والجماهيري شايف انه لو اتعمل فيلم هينجح يعني ويحقق مكسب ويجيب اعلانات د/احمد نوار: طبعا طبعا ..انا عايز اقولك حاجة أي فيلم عن الحرب العالمية الاولى او التانية كل الشباب بيقعدوا يتفرجوا عليه والكبار والصغيرين دا مرة واحد، نمرة اتنين دا فيلم انتصار مصر فيلم عن حرب اكتوبر والرئيس مبارك سنة 2006 اصدر توجيهات او تعليمات بانتاج افلام عن حرب اكتوبر او فيلم وانا كتبت مباشرة بشكر الرئيس على هذا الموضوع .. انا بعتبرها جريمة في تاريخ مصر جريمة بكل المقايس عدم توثيق حرب اكتوبر والبطولات اللي تمت بعد 67 لغاية 73 لغاية وقف اطلاق النار سنة 70 وبطولات حرب الاستنزاف وبطولات يعني تشيب الشعر لما الواحد بيحكي بعض منها اعتقد دي جريمة ولن يتذكرها الا اللي حارب وعاش فيها وعاصرها بعد سنة اتنين مش هنلقى حد عايش هتبقى كلمتين في التاريخ كلمتين في الكتاب شئ بيحزنني جدا عشان كده انا لا عملت معرضي الاخير عن العبور بعد 36 سنة انا كل ما اروح الاستوديو بتاعي في هذه الفترة كنت اجد انا ما افعله يعني احتفظت بهذه الطاقة وقررت ان اذهب على مدار قد يكون غير مباشر للحرب وقد يكون غير معبر عن الحرب لان نص اكتوبر دا ملحمة ضخمة واثناء المعارك اليومية اثناء حرب الاستنزاف بتنفجر محمد صلاح:ممكن بعض الشظايا او ال... ؟ د/احمد نوار:كنا بنشوف بعض الشظايا اللي بتنفجر حوالينا فاثارت فيا شئ غريب هل هذه التقدم التكنولوجي في صناعة هذه القنابل المدمرة الفتاكة عشان قتل البني ادم ..هذه الشظية دلالة انا خدتها وقلت هذه الشظية اكتر حاجة بتعبر عن هذه الكارثة او تعبر عن هذه الفظاعة او فظاعة الحرب محمد صلاح: اذا كانت مسالة السينما مثلا محتاجة تكلفة وخايفين على الاعلانات ويجي جمهورولا ما يجيش فيه وسائل اخرى وسائط اخرى عندنا معرفش بقى الشباب هيبقى الاقبال عليها قد ايه بس بنشوف عربات كتيرة خصوصا في الاجازات يعني بس زمان كان فيه معارض للفن التشكيلي بس دي هتظل محاولات فردية لبعض المبدعين لبقايا او لخسائر اسرائيل اللي كنا بنسميها معرض الغنائم لو حضرتك فاكر د/احمد نوار:انا اقترحت اكتر من مرة على مدى السنين الماضية انشاء متاحف في مدينة الاسماعيلية اوبورسعيد اللي كانوا في مواجهة العدو ، اعتقد ان الاماكن دي اماكن مهمة جدا لاقامة هذه المتاحف التي تعبرعن مقاومة الشعب المصري للعدو ..نمرة اتنين للحفاظ على توثيق الحرب بشتى الوسائل الميديا الحديثة التكنولوجية الوثائق الصورالافلام هناك وسائل كثيرة للاعلام .. نمرة اتنين انها تبقى مزار للتلامذة تم تدميرها في الحرب العالمية التامي وبعدين تحولت المدينة جغرافيا الى مكان يشبه النصب اتذكاري ولكن بشكل مختلف عن النصب التذكارية الموجودة عن أي مكان يعني اتبنى المكان ببيوت شبه مقابر رخامية وفيها جزء زجاجي ومضيء وزهورعلى مساحة مدينة بالكامل واشترك فيها معماريين وبعدين اتعمل متحف صغير وجزء للشهداء واصبح مكان بقى سياحي ورؤساء دول بيروحوا هناك يعني رؤساء دول انا يوم مارحت هناك عشرات من الاتوبيسات واقفين والتلامذة والطلبة والشباب الى اخره .. دا شق الشق التاني هناك في كل قرية فيه زي نصب صغير جدا من الرخام مفيش شاب وشابة بيتجوزوا يوم الفرح قبل ما يروحوا يعملوا طقوس الزواج لازم يروحوا على هذا يعني شئ رائع وانا قعدت يومين ورحت اكتر من موقع انا بقول انه تقليد جميل ان انا اتذكر شباب ضحوا ن اجل الحفاظ على استقلال هذا الوطن جميل اني اروح اتذكر شباب كانوا سبب في طرد العدو الي بيعكف الى احتلال دولة بالكامل واستغلال دولة بالكامل يعني انا بشوف انه هناك ثقافة مغايرة محمد صلاح: انت كتبت عيون الصقر قبل ما تخوض في الكتاب والفيلم قولي واحنا بنتكلم على توثيق ذكرياتنا واحداثنا المهمة طب الافلام التسجيلية ماهياش مكلفة بنفس درجة الافلام الروائية اطويلة لكن ظلت برضه عدد الافلام التسجلية اللي بتتكلم عن حرب اكتوبر وعن تحرير سينا عن بطولات اهالينا والنماذج الرائعة من العسكرية المصرية د/احمد نوار: مش مكلفة بس المشكلة تتعلق بوزارة الدفاع فيما يتعلق بالافلام التسجيلية يعن فيه فنانين مخرجين في المركز القومي للسينما عملوا بعض الافلام يعني فيه فيلم اتعمل الجزء بتاع الجبهة المخابرات العسكرية ما وافقتش فهنا كان لابد انه اذا كانت وزارة الدفاع تمنع التصوير من قبل مؤسسات الدولة يبقى كان لازم توثق هي يبقى عندها مصورين وكان لازم تصور جميع المشاهد الرائعة على مدى 5 او 6 سنوات وهي حرب الاستنزاف حرب اكتوبر وتحتفظ بالافلام عندها لحين انتهاء الحرب ثم تطلع هذه الافلام كمادة يعني هيجيب منين دوقت تصوير مشاهد من الواقع انا عرضت على القيادات يالجيش التاني ان انا اصور داخل سيناء مارضيوش كنت عايز اشارك في القتال واصور ماوافقوش وبعدين حاجة تانية احنا كنا في موقع من اضخم المواقع في جنوب البحيرات المرة في نطقة الدفسوار كان ممكن يوميا اصور برضه من الموقع الدفاعي بتاعي من غير ما اعبر قناة السويس وخطط عسكرية خطيرة من الجيش المصري وعبور يعني اقصى عدد عدى مع بعضه من جماعة الصاعقة كان 100 سرية كاملة يعني كان ممن اصور الكلام دا وهما بيعبروا وهما بيعدوا وهما بيفجروا موقع العدو من الداخل محمد صلاح:فكرة الكتاب جات لك قبلها ولا بعدها ؟ د/احمد نوار: والله فكرة الكتاب جات من الكاتب جمال الغيطاني كان محارب عسكري في الفترة دي وهو كلف انه يروح الدفسوار في القطاع الاوسط انه يقابلني عشان يعمل معايا حوار في سنة 69 فوصل الاسماعيلية بالفعل فمعرفش يخش المواقع لانه الطيارات بدات تضرب عليهم ونزلوا ورجع هو والمصور من غير ما يقابلنا .. قابلته بعد 19 سنة بالصدفة كان ف بيت السفيرة المكسيكية بتعرفني عليه انا معرفوش يعني انا اسمع اسمه واقرا له وهكذا فقالي انت احمد نوار بتاع الدفسوار وحكالي بقى وكتبها في يومياته وكتب في النهاية اتمنى ان احمد نوار يكتب او يحرر كتاب موجه لشباب مصر وفعلا شجعني عليه وكتبته ... محمد صلاح: خليك معانا لسه الكلام مخلصش فاصل محمد صلاح: تحدث المقاتل الفنان اتشكيلي الدكتور احمد نوار عن كتابه عين الصقر اللي اتحول الى فيلم تسجيلي في مرحلة لاحقة دكتور نوار عندنا جزء من الفيلم التسجيلي وبعدين نتكلم عنه..نشوف نوار عين الصقر فاصل محمد صلاح: كانت ايه ظروف انتاح الفيلم دكتور نوار ؟ د/احمد نوار:والله كان فيه مشروع في قناة النيل للاخبار وانتجوا فيلم لعبد المنعم رياض وكاتب السيناريو مكاوي سعد ووضعوا اسمي من ضمن الاسماء للي يمكن ان تحول الى فيلم فاتصلوا بيا وطبعا كنت سعيد بهذه الدعوة محمد صلاح:ايه اللي حبيت توصله للناس؟ د/احمد نوار:والله هو انا حاسس ان الفيلم مهم جدا للشباب لانه بيعطي فكرة لشاب من عشرات الالاف من الشباب ليساهموا في تحقيق النصر لمصر وطرد العدو الاسرائيلي من سيناء ..نمرة اتنين شاب من قرية بسيطة ولد في هذه القرية سن 22 سنة التحق بالقوات المسلحة اي بعد 67 تدرب على السلاح اكتشف ان هو رامي متميز الحق بفرقة القناصة وتم تدريبه على السلاح الخاص بالقناصة ثم تم ايفاده الى خط المواجهة الى قناة السويس لالاف الشباب المصريين اللي حققوا النصر اعتقد انه مهم جدا الشباب في هذا السن لابد ان يدركوا ان الشباب سن قادر على صنع المستحيل وقادر على التحدي لاي ظروف تعترضه في الحياة وقادر على تحقيق نصر وقادر على ان يبني ويكتشف مستقبله وفي نفس الوقت اظها ان تحقيق النصر دي علامة فارقة في وجدان وعقل الشباب محمد صلاح:انت كان مهارة القنص او التصويب دي كانت عندك قبل الجيش ولا اكتسبتها في الجيش؟ د/احمد نوار:لا قبل الجيش وانا طفل ف القرية كنت عندي بندقية رش بسيطة والدي جابهالي وكنت باخد السلاح بتاع والدي وجدي محمد صلاح:ايه اكتر عملية قنص عملتها في فترة حرب الاستنزاف متقدرش تنساها؟ د/احمد نوار:هي طبعا اول عملية الان انا كنت هنصاب فيها الاولانية مهمة جدا لان اول مارحت الجبهة بدات اقيس امامي خبرتي في التدريب امام العدو اصبحت حالة مختلفة واصبحت واقعة فطبعا كانت حاجة مخيفة فيه خوف فيه ارتباك فيه ذعر والقنابل بتترمي علينا بالاف يوميا ونابالم طول الليل ، كنا اول دفعة في القناصة على الجبهة واللي كان بيقوم بدور القناصة كانوا بعض الجنود اللي هما سلاح الحدود كبار في السن لكن مهرة في الصيد ، وانا قعدت كام يوم في حالة من عدم التوازن وبدات اكتشف بعض الاهداف للعدو بس عن طريفق غير مباشر عن طريق البيروسكوب اللي هو مدفون لتحت زي الغواصة وبدات فعلا اجهز مكان قري اقرب مسافة لهذا الهدف وهو كان جندي استطلاع صهيوني في مكان في قمة في مدخل البحيرات وتاكدت ان هو ثابت في المكان يختفي ويظهر يبقى هنا نقطة استطلاع فمهدت نفسي بحيث مكان للضرب وبعدين قرت ان اقوم بهذه العملية وبالفعل صعدت على التبة العالية الخاصة بالجهة الغربية وبعدين بدات اوجه البندقية لسه هاثبت نفسي ..انا راسي من جهة الخلف كانت مكشوفة للموقع الاسرائيلي الشمالي فضرب عليا دفعة رشاش مكانش فيه قناص لو قناص كان خلاص فضرب كنت انا وقعت من الخضة وسلاحي اترمى وشالوني وماقنصتوش فحالتي النفسية كانت حالة سيئة جدا لكن انا بيني وبين نفسي كان فيه نوع من التحدي الذاتي فقمت لابس تاني وواخد سلاحي ورايح له .. فيه في الدفسوار لسان لمراقبة البواخر فانا رحت هناك بصيت من ين البواخر اللي موجودة هناك واستغلتها كسواتر لقيت الجندي واقف فبدات بالفعل اصوب عليه لكن قعدت حوالي دقيقتين ونص مش قادر اتمالك نفسي عشان المكان بعيد وعشان اول مرة ان القناصة عايزة ثبات كان الجسم ميت وبعدين تماسكت نفسي انا حسيت ان قلبي توقف والنبض توقف ساعة ان ضربت وكانت اول هدف وكانت الصعوبة ان انتقل من هذا المكان انا حسيت ان رجلي طايرة في السما ..الحكاية التانية دي كانت صعبة شوية الهدف كالن راجل اسرائيلي بيستحمى وانا اخترت مكان دبابة دفاعية مصرية فقررت ان لا اتناول كان هدف سهل بس كان بعيد وكان اسرع هدف حددته واخترته وضربت ماعرفتش ارجع لان جميع اسلحة الهاون بتاعتهم بقى يضرب بكثافة جدا في المنطقة اللي انا ضرت منها فنمت في مكاني في الرمل ووشي مدفون في الرمل قعدت ربع ساعة مت فيها ييحي 500 مرة وبعدين توقفوا بعد ربع ساعة جريت انا جري على الملجأ لقيت زملائي ولاقائد قالوا احنا فقدنا الامل وقلنا مادام مارجعش يبقى خلاص محمد صلاح: يعني احنا لاحظنا ان فيه انتقادات كتيرة لجهات كتيرة لم تساهم في توثيق الحكاية والذكريات وتدخلها وجدان الناس وعقولها وقلوبها طبعا .. الفنانين التشكيليين وانت واحد منهم يعني هل قصروا يعني مدينة 6 اكتوبر فيه تمثال شكله غريب شوية جندي مجهول او حد رافع علم وتحتيه اسم شركة كبيرة بتاعة انتاج حاجات .زليه الفنانين التشكيليين ماحاولوش ما اقتحموش مدينة زي العاشر من رمضان دخلها وميادينها وشواريعها كذلك العبور وكذلك 6 اكتوبر ؟ د/احمد نوار:للاسف الشديد المحافظين في عالم مختلف حتى فيما يتعلق بتجميل المدينة او المحافظة وتنسيق المدن كله بيتم بشكل تلقائي وفي ضوء منظومة كل منظومات الخاصة بالحكم المحلي وانا دايما بقول يعني الاناء ينضح بما فيه مفيش محافظ قال نقابة الفنانين التشكيلين او قطاع الفنون اتشكيلية عايزين نعمل تمثال او نعمل ايه في مدينة 6 اكتوبر او في سينا على الاقل نعمل ايه للاسف الشديد يعني انا للاسف هي ثقافة محافظ مهتم اكتر بحاجات تانية انا مابقولش ان الحاجات التانية دي اقل قيمة ولكن للاسف الشديد هناك قصور وبنقترح وبنقابل محافظين كتير وفيه مشروع اثناء رئاستي للهيئة العامة لقصور الثقافة اللي هو ذاكرة الوطن وفعلا جميع محافظين مصر رحبوا بفكرة انشاء او ابداع مجنموعة من التماثيل مش حتى الحرب بس ولكن في جميع المجالات ويخصصوا اماكن في جميع الحدائق انها تبقى حدائق لرموز مصر في جميع المجالات الطب والزراعة وكل المجالات لك ن من الذي سينفق على هذه المشروعات الضخمة اهيئة العامة لقصور الثقافة انتجت فعلا مجموعة كبيرة من الشخصيات وتم صبها بالكروم فهو مشروع انا بعتقد انه مهم جدا لانه لما تنتشر تماثيل رموز مصر بشتى المجالات في حدائق مصر كلها يبقى كل شاب وكل طفل وكل انسان يتجول في هذه المناطق هيعرف اسماء كثيرة هيعرف توفيق الحكيم هيعرف نجيب محفوظ .. وهناك موضوع يتعلق بذاكرة الوطن ايضا قلنا نضع على بيوت جميع الراحلين من الرموز والابطال لوحة من الرخام وعليها الوجه من البرونز ونقول هنا كان يعيش الفنان سيد درويش كان يعيش اشهيد فلان الفلاني المقاتل كذا او الطيار كذا في حرب اكتوبر يعني هناك وسائل كثيرة لتعميق الانتماء لدى الشباب وربطهم بتاريخ مصر من خلال رموز مصر محمد صلاح:اللي بينسى تاريخه او بيتناساه هيعيشه تاني لمكن على شكل مأساة ومش هينقذه غير عدم النسيان في ذكرى واجواء وذكريات وايام وافاق ورؤى تحرير سينا قال كلامه معانا النهاردة الفنان التشكيلي الكبير المقاتل القناص الدكتور احمد نوار قال معانا كلامه كان كلام جميل كلام معقول كلام مسئول خلص الكلام سلام نلتقي في الحلقة المقبلة
