الوفديون يتوافدون على ضريح سعد زغلول قبل احتفالية ذكرى رحيل زعماءه التاريخيين    الجندي يشدد على ضرورة تطوير أساليب إعداد وإخراج المحتوى العلمي لمجمع البحوث الإسلاميَّة    غرفة الجيزة التجارية تستعرض الاستعدادات النهائية لمعارض «أهلًا مدارس»    شهداء وجرحى بنيران الاحتلال أثناء انتظارهم الحصول على المساعدات جنوب قطاع غزة    باكستان تثمن الجهود المصرية لإيصال المساعدات إلى قطاع غزة    زلزال بقوة 6 درجات يضرب المحيط الهادئ قبالة سواحل السلفادور وجواتيمالا    موعد مباراة الزمالك وفاركو في الدوري الممتاز والقناة الناقلة    توجيهات بالتنسيق مع إحدى الشركات لإقامة ملعب قانونى لكرة القدم بمركز شباب النصراب في أسوان    «هذا لا يقلقني».. تصريح مفاجئ من تشابي ألونسو عن برشلونة    بعد تغيبه يوما عن منزله، تفاصيل العثور على جثة الطفل يوسف بالأقصر    تكريم الفنانة شيرين في مهرجان الإسكندرية السينمائي بدورته ال41    غدا.. قصور الثقافة تطلق ملتقى دهب العربي الأول للرسم والتصوير بمشاركة 20 فنانا    صلاح عبد العاطي: إسرائيل تماطل في المفاوضات ومصر تكثف جهودها لوقف إطلاق النار    داعية: سيدنا النبي لم يكن عابسًا وكان مُتبَلِّجَ الوجه    حالة الطقس في محافظة الفيوم غدا الأحد 24-8-2025    بحوث الصحراء.. دعم فني وإرشادي لمزارعي التجمعات الزراعية في سيناء    إسلام جابر: تجربة الزمالك الأفضل في مسيرتي.. ولست نادما على عدم الانتقال للأهلي    مصر القومي: الاعتداء على السفارات المصرية امتداد لمخططات الإخوان لتشويه صورة الدولة    15 صورة.. البابا تواضروس يدشن كنيسة الشهيد مارمينا بفلمنج شرق الإسكندرية    تفعيل البريد الموحد لموجهي اللغة العربية والدراسات الاجتماعية بالفيوم    إزالة لمزرعة سمكية مخالفة بجوار "محور 30" على مساحة 10 أفدنة بمركز الحسينية    إسماعيل يوسف مديرا لشؤون الكرة في الاتحاد الليبي    إسلام جابر: لم أتوقع انتقال إمام عاشور للأهلي.. ولا أعرف موقف مصطفى محمد من الانتقال إليه    صور.. 771 مستفيدًا من قافلة جامعة القاهرة في الحوامدية    "قصص متفوتكش".. رسالة غامضة من زوجة النني الأولى.. ومقاضاة مدرب الأهلي السابق بسبب العمولات    وزير الدفاع الأمريكي يجيز ل2000 من الحرس الوطني حمل السلاح.. ما الهدف؟    الداخلية تكشف ملابسات اعتداء "سايس" على قائد دراجة نارية بالقاهرة    وزارة النقل تناشد المواطنين عدم اقتحام المزلقانات أو السير عكس الاتجاه أثناء غلقها    «لازم إشارات وتحاليل للسائقين».. تامر حسني يناشد المسؤولين بعد حادث طريق الضبعة    منال عوض تناقش استعدادات استضافة مؤتمر الأطراف ال24 لحماية بيئة البحر الأبيض المتوسط من التلوث    الموت يغيب عميد القضاء العرفي الشيخ يحيى الغول الشهير ب "حكيم سيناء" بعد صراع مع المرض    «عامل وفني ومدرس».. إتاحة 267 فرصة عمل بالقليوبية (تفاصيل)    وفاة سهير مجدي .. وفيفي عبده تنعيها    تم تصويره بالأهرامات.. قصة فيلم Fountain of Youth بعد ترشحه لجوائز LMGI 2025    مؤسسة فاروق حسني تطلق الدورة ال7 لجوائز الفنون لعام 2026    قلق داخلي بشأن صديق بعيد.. برج الجدي اليوم 23 أغسطس    وزير العمل يتفقد وحدتي تدريب متنقلتين قبل تشغيلهما غدا بالغربية    موعد إجازة المولد النبوي 2025.. أجندة الإجازات الرسمية المتبقية للموظفين    كيف تكون مستجابا للدعاء؟.. واعظة بالأزهر توضح    «المركزي لمتبقيات المبيدات» ينظم ورشة عمل لمنتجي ومصدري الطماطم بالشرقية    مصر ترحب بخارطة الطريق الأممية لتسوية الأزمة الليبية    رئيس «الرعاية الصحية»: تقديم أكثر من 2.5 مليون خدمة طبية بمستشفيات الهيئة في جنوب سيناء    قافلة حياة كريمة تقدم خدماتها الطبية المجانية لأكثر من 1050 مواطنا بقرية عزاقة في المنيا    محاضرة فنية وتدريبات خططية في مران الأهلي استعدادًا للمحلة    طقس الإمارات اليوم.. غيوم جزئية ورياح مثيرة للغبار على هذه المناطق    8 وفيات نتيجة المجاعة وسوء التغذية في قطاع غزة خلال ال24 ساعة الماضية    نور القلوب يضىء المنصورة.. 4 من ذوى البصيرة يبدعون فى مسابقة دولة التلاوة    مصر تستضيف النسخة الأولى من قمة ومعرض "عالم الذكاء الاصطناعي" فبراير المقبل    حملة مكبرة لإزالة إشغالات الباعة الجائلين والتعديات على الطريق بمدينة أبوتيج بأسيوط    تحرير 125 محضرًا للمحال المخالفة لمواعيد الغلق الرسمية    الأوقاف: «صحح مفاهيمك» تتوسع إلى مراكز الشباب وقصور الثقافة    "يونيسيف" تطالب إسرائيل بالوفاء بالتزاماتها والسماح بدخول المساعدات بالكميات اللازمة لغزة    «100 يوم صحة» تقدم 59 مليون خدمة طبية مجانية خلال 38 يوما    تعرف على مواقيت الصلاة اليوم السبت 23-8-2025 في محافظة قنا    إعلام فلسطينى: مصابون من منتظرى المساعدات شمال رفح الفلسطينية    تنسيق الجامعات 2025| مواعيد فتح موقع التنسيق لطلاب الشهادات المعادلة    «مياه الأقصر» تسيطر على بقعة زيت فى مياه النيل دون تأثر المواطنين أو إنقطاع الخدمة    سعر الأرز والسكر والسلع الأساسية في الأسواق اليوم السبت 23 أغسطس 2025    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



حديث المدينة
نشر في أخبار مصر يوم 23 - 09 - 2009

مفيد فوزى : تنفق ترليون دولار لعلاج ومحاربة السمنة السمنة اى البدانة صارت وباء وبقى يعنى انتشروصارمقتلنا فى معداتنا تساءلت هل تغذية الام اثناء الحمل يؤثرعلى سمنة الطفل ؟
د/مها : المؤتمرات اللى كانت فى باريس كانت بتتكلم على ضرورة تغذية الام تغذية سليمة وان السمنة كانت بتخلى الطفل ان هو يبقى عرضة ان هو يدخل فى السكرئ ده + ان سوء التغذية الغيرصحيى بيأثرعلى نمو الدماغ بتاعت الطفل لذلك دائما بنكون حريصين ان الام تستخدم زيت الزيتون لان ده مفيد للطفل غنى بالاوميجا اللى الطفل محتاجه تأخذ سمك على قد ما تقدر 3 ايام فى الاسبوع لان الاميجا اللى بتساعد على نموالدماغ نسبة من الكالسيوم لان الطفل بكل الاحوال بيسحب المخزون اللى هوعايزة سواء من الكالسيوم اومن التغذية اللى هوعايزها من الام فلذلك بنحرص على انها تأخذ وجبات غنية بالكالسيوم لبناء الهيكل العظمى بنحرص على ان تأخذ وجبات غنية بالخضروات علشان صحتها هى بنحرص على ان تأخذ وجبات غنية بالفوليك اسيد حتى 3 شهور قبل ما تبدأ الحمل علشان نضمن انها لا تدخل فى حالات الانيميا .
مفيد فوزى :اكيد اتصور ان هناك فروق ثقافية وحضارية بين الشعوب تتعلق بالنمط الغذائى ولكن هذا النمط او هذا التصورهل هوبالفعل صحيح ؟
د/عبد الناصرعمر:الحقيقة صحيح اه يعنى يمكن حضرتك لو رجعت معانا كده كان زمان فى الثقافة المصرية كانت المرأة البدينة هى المرأة الجميلة وبعدين لما حصل نوع من التعرف على الثقافات الاخرى اتعرف اكثر بالغرب فخصر المرأة النحيفة بقت اهم بالنسبة لنا وبعدين المرأة الاكثر نحافة زى الموديلز اللى بيطلعوا فى الفاشون tv احنا حصل لنا نوع من العدوى ابتدت الصورة لفكرة الوزن والشكل الجمالى تختلف according للثقافة فتتبعنا وبقت بالنسبة لنا المرأة النحيفة هى المرأة الجميلة بالرغم ان دلوقتى ابتدوا همايرجعوا شوية نلاحظ ان الموديلز الجديدة دلوقتى اسمن شوية لان المرحلة الاسبق كانوا رفيعين قوى فا احنا اه طبعا الثقافة ليها دخل مهم جدا فى القصة دى والثقافة معدية الثقافة الاقوى بتتغلب على الثقافة الاضعف هما ثقافتهم فى الوقت الحالى اقوى وبالتالى هما يعنى بيؤثروا علينا وبيعلموا بيغيروا من فكرنا ومن تصورنا للجمال عموما
مفيد فوزى:يتساءل الناس وعادة هل هناك علاقة بين ما يدخل افواهنا وحالاتنا المذاجية ؟
د/عبد الناصر عمر :كلام كثير قوى يا استاذ مفيد عن الموضوع ده ان في بعض الاغذيه تحسن من الحالة المزاجية وفى الحقيقة الكلام اكثرعن الحاجات اللى فيها مادة السليتون اللى هى المؤثرة اساسا فى المذاج العام بتاع الانسان واهمها الشيكولاتة وفى جنان الشيكولاته ده احنا عندنا مدمنين شيكولاتة الشيكولاتة فيها مادة سيكوتين عالية جدا وفى بعض الناس بيحصل لهم اللى احنا بنسمية ال Craving اللى هى اللهفة الشديدة جدا اوالرغبه الشديدة جدا فى تناول بعض الاطعمة مثل الشيكولاتة وفعلا بترفع المذاج شوية لكن ودى مهمة جدا متنفعش لعلاج الاكتئاب يعنى عندى واحد مريض الاكتئاب واكل مصنع شيكولاتة مش هيخف لكن هى بتحسن المذاج العادى بتاع الشخص العادى يعنى لوحضرتك معندكش اى اكتئاب وانسان طبيعى جدا تخلى الشيكولاتة بتخلى المذاج يتحسن لو اخذت فنجان قهوة الكافيين بيحسن مذاجك كمان كويس لكن لو واحد عنده مرض الاكتئاب الغذاء لا يحسن هذا المرض
مفيد فوزى :لما اقول طفل سمين الراجل ده سمين الست دى سمينة يا ترى ا يه معيار الوزن الزائد؟
د/مها : احنا مفروض بنشوف الوزن بالكيلو جرام بنقسمة على الطول مضروب فى 2 ومعدل كتلة الجسم لو لغايه 25 يبقى فيه زيادة فى الوزن ازيد من 30 يبقى داخل فى سمنة مفرطة يبقى فى الساعة دى بنبتدى نلجأ لطرق لانقاص الوزن خوفا من السمنة
مفيد فوزى :من المهم ايضا ان نقدم حالات سمنة ولكن كيف صارت وعبرت حد الوزن الطبيعى لنعرف الحالات على الطبيعة اكثر؟
فاصل
مفيد فوزى : عندك كم سنة؟
يوستاماهو : 13
مفيد فوزى : وزنك كم ؟
يوستاماهو : 83
مفيد فوزى :انت معتبرة نفسك سمينة شوية؟
يوستاماهو : ايوه
مفيد فوزى :سمينة دى وراثة ؟
يوستاماهو : لأ
مفيد فوزى :ايه السبب ؟
يوستاماهو : يعنى باكل بكميات كثيرة
مفيد فوزى :مين اللى بيقول لك كلى ؟
يوستاماهو : محدش انا اللى بأكل
مفيد فوزى : يعنى مامتك ما بتقولش لكى لازم تأكلى ؟
يوستاماهو : لألأ
مفيد فوزى : ولا والدك؟
يوستاماهو : لأ
مفيد فوزى :طب ا نتى لما بتأكلى كميات كبيرة بتحسى امتى تشبعى
يوستاماهو : ايوه
مفيد فوزى :امتى ما بتشبعيش هههه صح يعنى باستمرار كل ما تأكلى مش حاسة بالشبع؟
محمد التهامى :ايوه
مفيد فوزى :اه وبتخسسى نفسك؟
يوستاماهو : لأ
مفيد فوزى :هل انتى مبسوطة من كدة؟
يوستاماهو : لأ
مفيد فوزى : هل بتسمعى تعليقات عليكى
محمد التهامى :ايوه
مفيد فوزى : هل التعليقات بتضايقك؟
محمد التهامى :ايوه
مفيد فوزى :الوزن؟
محمد التهامى :112
مفيد فوزى : انت مفروض تبقى كم ؟
محمد التهامى : مفروض ابقى 90 -- 85
مفيد فوزى : حسب طولك؟
محمد التهامى :اه حسب طولى
مفيد فوزى :اذن تقل كم كيلو زيادة 40؟
محمد التهامى : فيه تقريبا 30 كيلوزيادة
مفيد فوزى :30 كيلوزيادة سببه ايه ده ؟
محمد التهامى : الاكل بين الوجبات
مفيد فوزى :الاكل بين الوجبات بتفطر بين الفطار وبين الغذاء فيه اكل؟
محمد التهامى :اه فيه اكل فى النص المشروبات الغذائية
مفيد فوزى : اه اه بتعمل كل ده بين الوجبات فعمل لك الاحساس ده ؟
محمد التهامى : اه
مفيد فوزى :بالليل بتتغشى الساعة كم؟
محمد التهامى : يعنى على حسب ما برجع
مفيد فوزى : تقريبا فى العموم؟
محمد التهامى :12 - الواحدة
مفيد فوزى : بتأكل كثير؟
محمد التهامى :اه
مفيد فوزى :وبتنام مباشرة؟
محمد التهامى : اه
مفيد فوزى :بتلعب رياضة ؟
محمد التهامى :كنت بلعب رياضة وبعدين جت علي فترة تخنت ورجعت تانى بقى العب رياضة اكمل رياضة ثانى
مفيد فوزى :يعنى انت لما وقفت الرياضة رجعت للسمة ؟
محمد التهامى : اه اه
مفيد فوزى : احساسك ايه الداخلى النفسى ؟
محمد التهامى : احساس الواحد متضايق ما بيعرفش يلبس
مفيد فوزى : مقاسك كم ؟
محمد التهامى : مقاسى فى البطلونات مثلا
مفيد فوزى : نعم
محمد التهامى :42 دلوقتى بس كنت 50
مفيد فوزى :50 قدرت توصل 42 ؟
محمد التهامى :42 -40 الرينج ده
مفيد فوزى :موقف الجنس اللطيف منك ايه ؟
محمد التهامى :هه هواتغير طبعا يعنى كان حاجة والاول حاجة
مفيد فوزى :الاول كان ايه ؟
محمد التهامى : طبعا مفيش تقبل من اى حد
مفيد فوزى : للدرجة دى؟
محمد التهامى :اه
مفيد فوزى : وزنك كم ؟
غادة حسين : حاليا 80
مفيد فوزى :مفروض تبقى كم ؟
غادة حسين :مفروض ابقى 58 - 55 فى الحدود دى
مفيد فوزى :يعنى فى فرق كبير؟
غادة حسين : اه
مفيد فوزى :تقريبا 20 كيلو
غادة حسين : اه
مفيد فوزى :سبب ده ايه ؟
غادة حسين : سبب ده الاكل زيادة عدم الانتظام بقعد طول اليوم ما بكلش اجى بالليل اكل كثيرعلشان ببقى فى الجامعة
مفيد فوزى :اه يعنى بالليل بتجوعى ؟
غادة حسين : اه طبعا
مفيد فوزى :فتضطرى تأكلى ؟
غادة حسين : اه
مفيد فوزى : بكميات كبيرة
غادة حسين : اه
مفيد فوزى : وتنامى وفى النوم تحصل السمنة؟
غادة حسين : ايوه
مفيد فوزى : طب محدش بيقول لك باستمرارانك انت مفروض انك تفطرى تتغذى تتعشى ؟
غادة حسين : اه بابايا وماماتى بيقولوا لى لازم ااكل على طول يعنى
مفيد فوزى : انت بتعاندى ؟
غادة حسين : مش بأعند ببقى مشغولة مثلا فى الجامعة الصبح
مفيد فوزى : اه
غادة حسين : يعنى ما بنكلش باكل بس برة البيت على طول
مفيد فوزى :اه اه بتأكلى برة البيت ايه الاكل بتاع الشارع ؟
غادة حسين : اه علشان ببقى طول اليوم فى الجامعة مثلا
مفيد فوزى : اه
غادة حسين : وبروح الساعة 8
مفيد فوزى : فتضطرى تأكلى اى اكل من اكل الشارع
غادة حسين :اه
مفيد فوزى : وبالتالى مفيهوش اى فائدة غذائية.
غادة حسين : اه بيضرنى يعنى
مفيد فوزى :انتى فى كلية ايه ؟
غادة حسين : الجامعة الالمانية
مفيد فوزى :الجامعة الالمانية بتدرسى ايه؟
غادة حسين : بدرس فنون تطبيقية
مفيد فوزى :طب دا الفن ده بيحتاج الى رشاقة شديدة.
غادة حسين : طبعا اه طبعا
مفيد فوزى : مش كده
غادة حسين : اه هههههه
مفيد فوزى : وانت طول النهار تفضلى جعانه .؟
غادة حسين :اه
مفيد فوزى : وتيجى بالليل
غادة حسين : اكل
مفيد فوزى : تدبيها صح؟
غادة حسين : اه صح ههه
مفيد فوزى : تدبيها وتتخمدى؟
غادة حسين : هههه ايوه
مفيد فوزى : صح
مفيد فوزى : وزنك كم ؟
عائشة غالى :72
مفيد فوزى : وكان قبل كده كم ؟
عائشة غالى : 120
مفيد فوزى : كان شكلك عجبك لما كنتى 120؟
عائشة غالى : لأ
مفيد فوزى : انا كمان وانا بشوف الصورة بتاعتك استغربت قوى .
عائشة غالى : التخين ما بيشوفش نفسه التخين بيبقى شايف نفسه انه امور قوى
مفيد فوزى : التخين ؟
عائشة غالى : اه
مفيد فوزى : ليه ؟
عائشة غالى : عشان
مفيد فوزى : بيعذى نفسه ولا ايه ؟
عائشة غالى : بيغالط نفسه
مفيد فوزى : ايه .
عائشة غالى : بيغالط نفسه اه
مفيد فوزى : بيقاوح نفسه ؟
عائشة غالى : اه
مفيد فوزى : اه
عائشة غالى : حاسس زايد 5 كيلو 2 كيلو
مفيد فوزى : اه وانتى سبب السمنة عندك ايه ؟
عائشة غالى : كنت حالة نفسية وبعد كدة قعدت فى البيت وبعد كده كنت عملت حادثة فكنت عادى باكل اه بس مش مفيش over weight يعنى
مفيد فوزى :اه امتى استشعرتى ان فيه Over weight؟
عائشة غالى : لما سمعت تعليقات الناس فى الشارع
مفيد فوزى :اه كانت رهيبة؟
عائشة غالى : اه جدا
مفيد فوزى : جدا
مفيد فوزى : قدرتى تنجحى انك تنزلى نفسك من 120 الى 72؟
عائشة غالى : اه
مفيد فوزى : رجيم ولا بالونة ؟
عائشة غالى : لأ رجيم
مفيد فوزى : رجيم هل كان الرجيم قاسى بالنسبة لك ؟
عائشة غالى : اول شهرين
مفيد فوزى : وبعدين ؟
عائشة غالى : وبعد كدة خلاص
مفيد فوزى : النهاردة وانتى بقيتى 72 احساسك الشخصى ايه؟
عائشة غالى : جميل طبعا
مفيد فوزى : هه
عائشة غالى : جميل طبعا
مفيد فوزى : جميل طبعا وهو انت تعتقدى لوانا بقول لك تنصحى البنات اللى زيك فى دورك يعملوا ايه علشان خاطر ما يحصلش لهم هذا التضخم غيرالعادى نقولى لهم ايه؟
عائشة غالى : يشوفوا نفسهم فى المرايا ويشوفوا يعنى اى واحدة يبقى نفسها تلبس حاجة تبقى سمارت فيها محدش هيعلق عليها محدش هيقول لها كلمه تحرجها لازم تشوف نفسها من جواها ان هى كثيرقوى يبقى لازم تقاوم
مفيد فوزى : قولى لى بقى من الناحية الطبية الصحية هل لما كنت ضخمة قلبك كان شكلة ايه يعنى ايه العوائق اللى كنت بتقبليها ؟
عائشة غالى : انا عامة عندى انزلاق غضروفى
مفيد فوزى :انزلاق غضروفى؟
عائشة غالى : اه
مفيد فوزى : وبالتالى السمنة دى ...
عائشة غالى : بالضبط فهى كده كده عملت اصابه اكثر كان عندى الفقرة الرابعة والخامسة , والخامسة والاولى فكان لازم لازم انا من جوايا كنت عايزة اخس لازم اخس يعنى لازم اخس ظهرى ما كنش مستحمل الرجلين مش قادرة امشى لان بعد الانزلاق الغضروفى جالى عرق النسا عرق النسا طبعا مسك فى الرجلين
مفيد فوزى :كل البلاوى دى؟
عائشة غالى : اه
مفيد فوزى : انتى طبعا عارفة ان الكيلو الواحد على الركبة يساوى 10 على الظهر؟
عائشة غالى : اه طبعا
مفيد فوزى :انا شايف ان جسمك عادى ولا انت كنت قبل كدة ..؟
محمد التهامى : هوعادى دلوقتى لكن
مفيد فوزى : لكن دلوقتى كم ؟
محمد التهامى : دلوقتى 114
مفيد فوزى : 114 وده يعتبرعادى دلوقتى ؟
محمد التهامى : هو انا لسة ثلاث ارباع الطريق لسة برضه شويه
مفيد فوزى : وانت قبل كده كم ؟
محمد التهامى : 137
مفيد فوزى :الله دا انت كنت بقى راجل بالعرض.
محمد التهامى : بالعرض ايوه
مفيد فوزى :هه مش بالطول كان ايه تعليقات الناس عليك ؟
د/عبد الناصر عمر :هو طبعا قبل تعليقات الناس كانت صحتى تعبانة المجهود اللى بعملة ببقى تعبان الناس طبعا محدش بيعلق امامك لكن انت شايف النظرات ياعينى تخين يا عينى بيتحرك ازاى كدة
مفيد فوزى :سبب ده ايه عندك ؟
محمد التهامى : الاكل وقلة الحركة كمان اوتقدر تقول عادة الاكل الخاطئ
مفيد فوزى : عادات الاكل الخاطئة وقلة الحركة ايه كمان ؟
د/عبد الناصرعمر : هو ده تقريبا السبب الرئيسى بالنسبة ليىَ
مفيد فوزى : بالنسبة لك انت كمان حصلك مشاكل صحية ؟
محمد التهامى : اكيد اولا طبعا الركب الرقبة النفس الصحة العامة كلها
مفيد فوزى : متدنية متدنية كلمة
محمد التهامى : قليلة
مفيد فوزى : قليلة يا سلام انت معترف انك انت دلوقتى افضل؟
محمد التهامى : لأ ده احسن كثيرهو بفضل الله الواحد حقق جزء ان هو خس لكن الصحة العامة حسيت بتتحسن دلوقتى حاسس بفرق فى النفس وفى المشى فى الصحة العامة فى كل حاجة.
مفيد فوزى :لكن عُمر ما كانت السمنة عندك وراثة ؟
محمد التهامى :لأ انا ماكنتش وانا شاب ما كنتش تخين
مفيد فوزى :لما كنت شاب؟
محمد التهامى : ايه يعنى
مفيد فوزى : انت شاب دلوقتى ؟
محمد التهامى : يعنى لما كنت صغير
مفيد فوزى : حضرتك متزوج؟
محمد التهامى : متزوج وعندى ابن 12 سنة بيلعب سباحة
مفيد فوزى : وانت متزوج كنت 137 كيلو ؟
محمد التهامى : لا وانا متزوج كنت زى دلوقتى 114
مفيد فوزى : انت طبعا عايزتنزل عن ال100؟
محمد التهامى : ايوه عايزارجع لوزنى ايام ما كنت 80 يعنى فاضل لى 20 كيلو
مفيد فوزى : اه عاوز ترجع زى زمان ؟
محمد التهامى :ان شاء الله
مفيد فوزى : تسمح لى ارد عليك ؟
محمد التهامى :اتفضل
سمفيد فوزى : قول للزمان ارجع يا زمان.
محمد التهامى : يارب
فاصل
مفيد فوزى : لى هنا سؤال بديهى هل السمنة شهية مفتوحة ام سد نفس ام بالتحديد اضطرابات فى الشهية؟
د/عبد الناصرعمر : احنا عندنا انواع مختلفة يا استاذ مفيد فى اضطرابات الشهية اشهرهم حاجة اسمها اضطراب الشهية العصبى اوالDisorder Anorexia Nervosa وده مرض خطير جدا بالنسبة لنا بمعنى ان الانسان هواكثرعرضة فى السيدات عن الرجال , النسبة مثلا 95% ال 5% بيبقى الرسالة دى متصوره خطأ انها سمينة انها بدينة يعنى عندها اضطراب فى شكل الجسم احنا حتى بنعمل test ظريف جدا بقول لها ارسمى نفسك فترسم نفسها تخينة جدا اقول لها افتحى الباب وانتى خارجة على قدك بالضبط فا تفتح الباب قوى وهى رفيعة جدا على فكرة المريضة بتبقى عندها تصورخاطئ ان هى ابدن مما هى عليه فبالتالى بتبتدى تفقد الشهية تبتدى ترفض الاكل وبيعملوا نمط سلوكى متعدد يعنى فيه ناس عندنا انواع ان احنا بيأكلوا وبعدين يرجعوا او بياكلوا وبياخذوا مسهلات او تبتدى تهرب من الاكل وهو مرض خطيرلان وزن الانسان بينزل بصورة مرضية بتاثر جدا على وظائفة العضوية بتأثرجدا على ادائة الحياتى الطبيعى وممكن جدا على فكرة بيسبب نسبة من الاضطراب العصبى بحوالى 20%نسب عالية جدا النوع الثانى من اضطراب الشهية ده احنا بنسميها ِAppetite Disturbanceعكس ا ضطراب الشهية العصبى اللى هو الانسان بيجى له نوبات من الشره يأكل كثيرجدا جدا جدا وفى الاخربيعمل عملية افراغ لهذا الاكل سواء بالمسهلات اوبالترجيع او القئ وفى شخصيات شهيرة جدا على فكرة ده نمط سلوكى موجود جدا واكثر فى السيدات لان انا لما بكتئب بروح افتح الثلاجة واقعد ااكل .
مفيد فوزى :بعض الناس بيدوروا فى الصيدليات على دواء يسد نفسهم عن الاكل اى يعطيهم احساس بالشبع طبعا هو شبع كاذب ويظل الجوع هو السيد ما الحل اذن ؟
د/عبد الناصرعمر :االبالونة هى الحل االبالونة هى اهم حاجة حديثة دلوقتى زمان كان في مشاكل مع االبالونة القديمة اللى هى بتقلل الوزن وبتعمل الشبع تماما توقف الجوع لكن حاليا االبالونة الحديثة ليس لها اثارجانبية نقدرنؤكد انها بدون اثارجانبية تماما مجرد الشعوربالغثيان فى فترة بسيطة ده شئ طبيعى جدا اى جسم غريب بيدخل المعدة لازم يعمل هذا الكلام لان هذا وعاء ينقبض دائما اما غير ذلك وحلها مُجدى يعنى فى الماضى مكنش نفس الحل مُجدى كانت بتفشل وكانت نسبة نجاحها لا تتعدى 25% انهاردة نسبة النجاح اكثر من 98% باالبالونة الحديثة وليست القديمة ونبتعد عن مدعى وضع االبالونة لان االبالونة لازم تتحط بوضع محدد وكل واحد له نظام معين شكل المعدة اي كلنا بنتفق فى شكل واحد وكلنا نفس شكل ا لمعدة واحد لكن مش كل الناس نصلح اننا نحطها فى نفس المكان
مفيد فوزى : الفضول الان هو السيد سؤال هل يشعر المريض بوجود االبالونة فى المعدة ؟
د/عبد الناصرعمر : لا يشعر باى شئ تماما نهائيا فهى امنه تماما مجرد يشعر بالشبع المبكر مش شرط ان هو ما ياكلش حلويات ما ياكلش شيكولاتة ما ياكلش حاجات عالية السعرا ت الحرارية
مفيد فوزى : سؤال اخرالى اى مدى تساعد االبالونة فى انقاص الوزن ؟
د/عبد الناصرعمر : فى خلال 6 شهور المتوسط من 25 الى 40 كيلووحسب الالتزام بالنظام الغذائى المتبع مع الطبيب المتابع للنظام الغذائى يعنى لابد ان طبيب المنظار يبقى معاه طبيب نظام غذائى او طبيب تغذية
مفيد فوزى :اتذكر ان الراحل صلاح جاهين وصل فى علمية رجيم فى روسيا الى 90 كيلو وقد اصابة اكتئاب غريب كان جسرا فى نهاية الامر للرحيل السؤال الذى يثور هو هل نقصان الوزن الكبير يؤدى الى اكتئاب؟
د/عبد الناصرعمر : صلاح جاهين كان يعانى من الاكتئاب اسمه الاكتئاب الهوسى اللى هو الباى بولو - كويس لكن انقاص الوزن السريع جدا كويس ممكن يعمل اكتئاب يعنى بالذات لو جبنا حتى زمايلنا بتوع الجراحة يعملوا عمليات تدبيس المعدة والربط بيستشيسرونا قبل وبعد العمليات لازم لازم يكون في دعم نفسى مهم جدا لان انا بيتغير شكلى يا استاذ مفيد يعنى انا ببقى متعود على شكلى بطريقة معينة متضايق من نفسه هو بدين لكن لما بيخس قوى ما بيعرفش نفسه ده مش انا يعنى الفيجر بتاعتى مش هوده فكثيرجدا منهم بيجى لهم اكتئاب احسن طريقة ان انا بنزل الوزن بصورة تدريجية واللى اهم ان ده بيبقى نمط سلوكى يعنى احنا بنقول لهم دائما ان زيادة الوزن ده نمط سلوكى اضطراب سلوكى لو قدرت تغيرمن نمط سلوك الانسان الى نمط سلوكى جيد كويس الانسان ده ممكن يبقى انسان طبيعى انما احنا بالنسبة لنا ادمان الاكل زى ادمان الشيكولاته زى ادمان المخدرات كلها نوع من الحاجات او اللى احنا بنسميها Compulsive behavior اللى هى التصرفات القهرية ما باقدرش امنع نفسى لو قدرت اغيرسلوكى وااخذ نمط سلوكى جيد للتغذية وزنى بينزل تدريجيا وبتعود على كده وكده بيبقى احسن من الزيادة دم نقدر نقول لما بيحصل زيادة فى الوزن لوعن طريق غلط عن طريق نقص او خلل فى المعادن والتغذية بتاعت الجسم طبعا ممكن يعمل اكتئاب لوالواحد فقد قدر كبيرمن وزنة واتغيرت صورته او اتغير ال Image بتاعة فى الدم نفسة فبيحس فعلا ان هو مش ممكن وده يدخلة فى اكتئاب وخاصة لو كان الوزن الزيادة ده اثرعلى الشخصية عمل ترهل فى الجلد عمل ا ى مضاعفات
مفيد فوزى : ويبقى سؤال مهم ما خطورة البدانة او السمنة على الصحة ؟
د/محمد سعد : البدانة هو الخطر الاول بعد التدخين فى السرطانات ,سرطان المعدة احد الاسباب اللى بيعملها وسرطان القولون وده اصبح رقم واحد بعد التدخين وبعد المواد الدهنية وبعد اللحوم الحمراء المصنعة البدانة ضغط السكر جلطات قلب سرطان باختصار
مفيد فوزى :هل لهذا يطلق عليها وباء السمنة ؟
د/محمد سعد : اصبحت مرض ووباء وباء عالمى ومرض لابد التخلص منه
مفيد فوزى : ما خطورتة بالنسبة للاطفال ؟
د/محمد سعد : بدانة الاطفال السكر وعلامة على نقص هرمون النمواللى هو هرمون وده اهم قصة فى الاطفال وقد تكون علامة على نقص الغدة الدرقية وقد تكون علامة على نقص الغدة الداركلوية او زيادة الكورتيزون فى الغدة الدار كلوية خلل وظيفتها اما الاطفال البدناء نتيجة نظام غذاء فدول نبشرهم بشئ مؤسف وهوالسكر وامراض الكوليسترول تبدأ من سن 7 سنوات يبدأ ترسب الكوليسترول فى الشرايين فا البدانة المبكرة لها اثارسيئة على الصحة بصفة عامة ,لكن البشرى الجميلة اللى فى الموضوع ان 25% فقط من الاطفال البدناء كان منهم بدناء بعد البلوغ بعد سن ال 18 البشرى الاخرى ان اكتساب الوزن قبل سن ال 18 افضل بكثيرمن اكتساب الوزن بعد سن ال 18سنة دى دراسة حديثة كعس الكلام اللى كان بيتقال زمان
د/مها : مخاطر السمنة اصبحت تهدد حياتنا بطريقة واضحة جدا لدرجة انها بقت الخطوة الاولى لكثيرمن الامراض نقدر نقول اللى دخلنا فى مثلث الخطر هو (السكر والكوليسيترول بتأثر على المفاصل على الركب وعلى الظهربتأثرحتى اثناء التخدير بتساعد فى حدوث امراض القلب فالسمنة بقت عامل مشترك لكثيرمن الامراض ومن ضمها امراض السرطانات
د/محمد سعد : دائما الانسان البدين حاسس ان هومعملش كفاية حاسس ان هومش مبسوط من نفسه الاحساس الذنب تجاه الذات بيعمل بعد كده نوع من الاكتئاب بيعمل الاخطرمن الاكتئاب امام فقدان الثقة بالنفسSelf-Confidence دا مهم قوى فى الاداء الاجتماعى والاداء الوظيفى والاداء فى كل حاجة كل ما يكون الواحد عنده ثقة فى نفسه اعلى كل ما يكون اداؤه احسن البدين بالذات البدانة المفرطة بيحس ان ثقته بنفسه مش عالية قوى فيبقى عرضة اكثرللاكتئاب عرضه اكثر للامراض النفسية
مفيد فوزى : جاء فى الكتاب المقدس ليس بالخبز وحده يحيا الانسان - وقال الله عز وجل فى سورة الاعراف كلوا واشربوا ولا تسرفوا صدق الله العظيم.


انقر هنا لقراءة الخبر من مصدره.