45 دقيقة

موضوع الحلقة : محافظة المنوفية .. ماتحقق وما المطلوب تحقيقه
اهم ماجاء في الحلقة
محافظة المنوفية بها اكبر نسبة متعلمين في المحافظات وهي المحافظة الوحيدة في مصر التي يوجد بها جامعتان وجتاري انشاء الجامعة الثالثة
المنوفية اخصب ارض زراعية ولكنها دولة طاردة للسكان بسبب قلة الاراضي
شبين الكوم ستكون مثل باريس نتيجة ما سيحدث فيها من تطوير
صناعةالسجاد الحرير في المنوفية اقوى من ايران وصناعة الغزل والنسيج بها من اكبر الصناعات في الشرق الاوسط
جورج رشاد: اهلا وسهلا بكم في حلقة جديدة من برنامج 45 دقيقة برحب بضيفي في الاستوديو الدكتور المهندس احمد شيرين فوزي محافظ المنوفية .. المنوفية تقع جنوب دلتا النيل شمال مصر والنشاط الاقتصادي فيها هو الزراعة بجانب النشاط الاقتصادي هو الزراعة بداية ماهي اهم المشاكل التي تواجه محافظة المنوفية
م/ احمد شيرين فوزي: مشاكل المنوفية مثل جميع مشاكل محافظات وسطا الدلتا اللي هي الصرف الصحي ومياه الشرب يعني عندنا 315 قرية اللي وصلناها تلت اعداد الصرف الصحي انا بأمل نخلصها عام 2016 و2017 ودول كانوا بيسموها القرى المحرومة فاحنا حطيناها على الخطة عشان ما تبقاش القرى المحرومة
جورج رشاد: هل تؤثر على النشاط الاقتصادي الموجود في هذه القرى
م/ احمد شيرين فوزي: بالنسبة للمنوفية هي اخصب ارض بلد زراعية
جورج رشاد: ولكن هي اكبر محافظة طاردة للسكان بعد سوهاج
م/ احمد شيرين فوزي: تمام .. بس اعلى نسبة تعليم في المنوفية وفيها جامعتين المنوفية والسادات ونحن بصدد انشاء الجامعة التالتة فدي هتبقى نقلة كبيرة جدا بالنسبة للمحافظة ومحافظة المنوفية محافظة الرؤساء والحكومات
جورج رشاد: مافكرة ان يكون الرؤساء ورؤساء المحافظات من هذه البلد
م/ احمد شيرين فوزي: عشان نسبة التعليم عالية جدا وفيها اقدم مدرسة ثانوية للبنات ويمكن من انتشار التعليم صعب جدا تقارن محافظة بيها من ناحية التعليم وناحية الثقافة وشعب المنوفية شعب متعلم والشعب لما تدخل معاه في مناقشة بيتكلم معاك بكل منطقية وشعب بتاع شغل
جورج رشاد: هل ترجع عدم تأثره باي افكار متطرفة حاولت التيبارات المتطرفة زرعها في هذه المحافظة
م/ احمد شيرين فوزي: الصيف دا كان اعلى نسبة مشاركة والتصويت بنعم لانه شعب واعي جدا وشعب بيحب مصر هو شعب بيعشق مصر عشان كده معظم شبابه بيجند في الجيش والشرطة ومعظم الشهداء فيهم 21 واحد من المنوفية وفيه شهداء من الصحافة منهم ميادة اشرف
جورج رشاد: لماذا هي محافظة طاردة للسكان
م/ احمد شيرين فوزي: منطقة السادات من اكبر المناطق الصناعية في مصر وقويسنا ايضا ولكن عدد السكان الارض قليلة جدا فمعظمه بيتعلم .. والوظائف كلها اللي بتحتاج مؤهل عالي لازم يكونوا من المنوفية
جورج رشاد: هناك عدة مشاكل خاصة بالطرق وتدعيم الفلاح والصرف الصحي كما ذكرت في البداية ومشاكل خاصة بالكهرباء والمستشفيات
م/ احمد شيرين فوزي: بالنسبة للطرق انا عامل ثورة انشائية في شبين الكوم هغير شكلها خالص وبقول انا هعمل باريس في وسط الدلتا .. معظم وسط الدلتا عبارة عن كابلات هوائية والمفروض ان الكابلات دي تكون محطوطة في الخطة بس تكلفتها عالية وكلها هتتغير لكابلات ارضية .. وانا اول ماجيت اهتميت بمنظومة الصحة ومنظومة النضافة ومنظومة الصرف الصحي ومياه الشرب وبالننسبة للمستشفيات ناقصة اجهزة وصيانة كل الحاجات دي بحاول اكملها.. والوحدات الصحية بلف عليها في وبحاول احلها .. وكل طلبات المواطنين بنحاول نحلها ولكن اقوى مستشفيات هتكون في المنوفية ..
جورج رشاد: تشتهر المنوفية بعدة صناعات ايه المشكلات اللي بتعانيها هذه الصناعات
م/ احمد شيرين فوزي: الصناعات القديمة الرحفية زي السجاد والصوف والسجاد الحرير ومشكلتهم انه يحضروا اكبر عدد من المعارض بره وان شاء الله هعمله مع وزير الصناعة وفيه جمعية اهلية هيعملوا فيها وعرضت عليبهم عمل قرية نموذجية في السادات وعندنا اكبر مصانع غزل ونسيج على مستوى الشرق الاوسط .. ثانيا احنا عاملين خطة ازالة للمباني على الاراضي الزراعية لان التعدي عليها تعدي صارخ اما مشكلة القمامة في شبين الكوم فيه شركة تم التعاقد معها والمواطنين هيشعروا بتغيير جذري ودي كانت تحدي كامل بالنسبة لي
جورج رشاد: ماذا عن العمليات الارهابية او الاجرامية في المحافظة
م/ احمد شيرين فوزي: تفعيل القانون هو الحل ومحافظة المنوفية اقل المحافظات في الخروج عن القانون لانه الشعب هو اللي بيهاجم اي طائفة بتخرج عن النص والشعب بيواجهه مواجهة عنيفة جدا وهي اقل المحافظات اللي فيها اضطرابات
جورج رشاد: حل المشاكل في المحافظة يحتاج الى موازنة ضخمة ولكن الا توجد مشاريع او منح من الدول التي تخصص بعض الميزانيات لدول الصعيد لحل هذه المشكلات
م/ احمد شيرين فوزي: فيه طبعا احنا عايزين 4 مليار عشان الصرف الصحي وفيه منح من دول عربية ومن البنك الدولي ولكن انا عايز منحة توجه للصرف الصحي .. المنح بتيجي للحكومة والحكومة بتوجهها لمشاريع مختلفة وانا مشفتش منح بتوجه للصرف الصحي
جورج رشاد: اين دور منظمات المجتمع المدني
م/ احمد شيرين فوزي: نتعاون مع منظمات في منظومة النضافة والخبز ورعاية و الايتام ولكن الجمعيات الاهلية مش هتقدر تخش في حاجات مركزية زي الصرف الصحي
جورج رشاد: شكرا لك والى اللقاء