45 دقيقة

موضوع الحلقة : الملف الامني في مصر
محمد حسان: اهلا بكم في حلقة جديدة من 45 دقيقة حول الملف الامني سيكون موضوع الحلقة اليوم مع ضيف الحلقة اللواء مجدي البسيوني مساعد وزير الداخلية الاسبق
اولا كيف تعلق سيادة اللواء على الملف الامني في مصر
اللواء / مجدي البسيوني: لا ننكر ان الموقف الامني جيد.. لا ننسى ال3 سنسن ان الشرطة بعد 28 يناير لم تكن موجودة وانهارت الشرطة وماننساش انه كان فيه جهاز مهم جدا وهو جهاز امن الدولة بمعلوماته واشخاصه مش الحاجات المسجلة .. العقل البشري والخبرة نفسها وعدم هذا الجهاز وتم تغيير اسمه الى الامن الوطني وتغيرت الاشخاص وفيه ضباط في امن الدولة لا زالوا يشتغلوا في الخارج في الاحوال المدنية والشرطة بصفة عامة وامن الدولة بصفة خاصة ولما بدأ يشد حيله هاجموا مقر الامن الوطني وشالوا العلم وعلقوا علم القاعدة والاعلام كان نشط في هذا في الحديث عن هيكلة الشرطة وحقوق الانسان والان في هذه الحالة 23 الف مسجون هربانين طالعين شرقانين للجريمة وبقى قطع الطريق سهل والاسلحة الالية والآربي جي والجرينوف من ليبيا والسودان وكله فالعملية كانت تحديات كبيرة جدا في سنة حكم كانوا متسلطين على كل حاجة وسيناء بقت تحويشة ومخزن وحماس ايضا
محمد حسان: معنى كده ان الداخلية كانت شغالة كويس جدا لغاية 25 يناير بدا وقبل 25 يناير خاصة انه مفيش سيطرة الا من الشرطة على الانفاق
اللواء / مجدي البسيوني: الشرطة طاقتها كده ومالهاش دعوة بالانفاق فيه امن قومي ومخابرات حربية وجيش ومسالة الانفاق زادت في السنة دي وجاء الحكم اللي عشناه سنة بمقام 50 سنة فاتوا وتغلغلت الجماعة
محمد حسان: وربما يرى البعض انه كان فيه تصفية حسابات
اللواء / مجدي البسيوني: دا مؤكد .. وجاء 30 يونيو وحصلت الازاحة وكان لازم كرسي في الكلوب اللي هو الارهاب وبدا في اعتصام رابعة واعتصام النهضة واتفضت الاعتصامات وما تنساش الطابور الخامس انه ناس بتساعد وناس بتعطل وسيناء كانت مخزنة بعناصر بشرية متنوعة ومستوردة ودي تفرق لانه بيصعب المسالة وخاصة انها عناصر مدربة على ارقى مستوى وفيه بعض التحقيقات المتهمين اعترفوا انهم تم استقطابهم من التحرير.. عندك حماس وانصار بيت المقدس والجهاديين السلفيين واكتر من 14 نوعية ومنهم اللي جايين من غزة ودا اكر تحدي والحاجة التانية انه الاخوان تنظيم عالمي واتهد ولكنه فاعل في الدول اللي برة والمساند لهم دول بهدف تقسيم مصر فالكلام دا كله والصعوبات دي كلها وما تنسوش ان الامن الجنائي دخل في مرحلة اخطر ،، هل تتخيل ان عناصر اجرامية لا يمكن ترد على خاطر او بال مثل موظف مهندس ولكن الحالة في تحسن والواضح تماما نجاح الجيش في سيناء ومافيش حاجة اسمها القضاء على الجريمة تماما ولكن تقليل معدل الجريمة
محمد حسان: المعدل تم بنسبة قد ايه
اللواء / مجدي البسيوني: كتير .. تعال هاتلي ما يحدث على الساحة
محمد حسان: جريمة طابا واستهداف رجال الشرطة وتفجير مديرية امن الدقهلية والقاهرة
اللواء / مجدي البسيوني: اللي عاوز اقولك ان الهجوم الشرطي كان بيستهدف واحد مروح بيته او بيحرق له عربيته وجريمة طابا كانت نتيجة انك ضغطت في سيناء فالجماعة طلعوا على المخابرات في الاسماعيلية ،، تفجير مديرية امن في الدقهلية .. فيه حاجة مهمة قوي التفجيرات وهي الحاجة المستحدثة عن طريق العبوات اللي تطورت وتشعبت وبقت اصول تجارة يعني امام مسجد في القناطر لقوا 18 قنبلة عنده وعامل في الخانكة بيصنعهم .. وطالب في كلية العلوم بيصنعهم وموظف في حلوان بيصنعهم ومخزن في اكتوبر وفيلا في العبور وعربية كانت على محور احمد عرابي كان فيها 90 كيلو .. دا مجهود شرطة ومعلومات الناس
محمد حسان: ولكن ما يتم ضبطه هو 10% من الموجود
اللواء / مجدي البسيوني: مين قال كده دي جهود امنية والعبوة دي سهل تفجيرها وممكن احطها في جنينة هاتلي كام واحدة اتفجرت ..؟
محمد حسان: ايوة بس فيه حاجات زي تصريح وزير الداخلية ان اللي يحب يجرب يقرب ويحصل تفجير في مديرية امن القاهرة
اللواء / مجدي البسيوني: اللي يجب يجرب يقرب ومحدش قرب هو يقصد يقرب على القسم لانه كان فيه اقتحامات على الاقسام وفعلا من ساعة ماقالها ماحصلتش .. مديرية امن القاهرة محصلش هجوم على المقر بالسلاح لكن جريمة التفجيرات والحزام الناسف جريمة لحظة
محمد حسان: يعني مفيش تقصير
اللواء / مجدي البسيوني: انت عندك 27 مديرية و2 اتفجروا .. انا في حرب شرسة مع عناصر مدربة ومديريتين امن من 27 محافظة ومحاكم انا في جمهورية مصر يعني بلد واسعة ودا لا يشكل حاجة
محمد حسان: البعض بيقول انه الاحكام غيررادعة ودا بيؤدي الى استمرار هذه العمليات
اللواء / مجدي البسيوني: انا مع تغليظ العقوبة ( إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلَافٍ أَوْ يُنْفَوْا مِنَ الْأَرْضِ ۚ ذَٰلِكَ لَهُمْ خِزْيٌ فِي الدُّنْيَا ۖ وَلَهُمْ فِي الْآخِرَةِ عَذَابٌ عَظِيمٌ ) وكنت دايما بقول الاعتقالات النهاردة المحاكم كلها بقى فيه سرعة في القضاء وضبط الكم البشري من الاخوان
محمد حسان: يعني نطمن
اللواء / مجدي البسيوني: اه طبعا
محمد حسان: شكرا لك والى اللقاء